الحوار المتمدن - موبايل


خساره

سعيد حسين عليوي

2011 / 4 / 26
الادب والفن


حرگت عمرك بالخساره

تكنك وماكو اشاره
عمن خلوك الجماعه
رقم تغطيتك صفاره
أمنوا منك بأصبع
انطيتهم دفعه وحراره
طلعت فرحان وعوافي
گلت ذوله اهل الاداره
خبز نشبع من وراهم
ونلبس القاط وسداره
نصير مثل الوادم احنه
اشمالنه اسخام وقذاره
راح تطلع حصه النه
والنفط نحصد ثماره
ونگعد نعلم ولدنه
نغلب الصين بشطاره
لكل فرد منه وظيفه
لو مقاول بالتجاره
نسافر نونس نفسنه
وننسه كل ذيچ الحقاره
وكلمن يحصله بيت
وماكو ايجار ومراره
نبني ونعمر بلدنه
ونزرع اوراد بدياره
والحقوق تعود النه
للظلم نمسح غباره
كافي كافي وين رايح
اصحه احلامك چگاره
انت مخدوع ومغيب
ذوله تيهوك بمغاره
تعيّط ومحد يسمعك
وهمه بالعز والاماره
لفطوا الدنيه واهلها
لعبوا اللعبه بمهاره
مدستريه وكلشي واضح
مسيس مبين قطاره
حثل ما ذبوا عليك
حرّموا حتى الاناره
سدوا دروب التحبه
كل حچيهم ماكو چاره
بس تفك حلگك شويه
جاهزه التهمه عميل بلا اشاره
ضيْعوا الحسبه علينه
صرنه منصدگ عباره
ولكم شبيكم عميتوا
ما تشوفون الشراره
هذا زين الهاربين وذاك حسني
واليمن ناطي اشاره
اخذوا عبره الشعب واعي
كافي شكلوها الوزاره
*****************************





التعليق والتصويت على الموضوع في الموقع الرئيسي


اخر الافلام

.. تفاعلكم: مروة كرم تتألق في رمضان وأفلام العيد في مأزق!


.. تفاعلكم | الكوميديا تسيطر على أفلام العيد في مصر


.. الفنانة أروى في حلقة رائعة جداً مع أمل طالب في التحدي مع أمل



.. يوميات رمضان من غزة مع الشاعر الفلسطيني سليم النفار


.. فنان يكشف لـ «دراما كوين» مساندة كريم عبد العزيز له في الاخت