الحوار المتمدن - موبايل
الموقع الرئيسي


اهوار خالد زكي _ مهداة لمظفر النواب لذكرى ال43 لثورة اهوار الشطره

رحيم الغالبي

2011 / 5 / 19
الادب والفن



الى مظفر النواب لذكرى 43 عام لثورة اهوار الشطره
يا شنهي اموت واحبك
شعر رحيم الغالبي

بعيونك اموتن ، حتى افوتن .
.بابك المسدود ، ماشافه
الحلم مرّه

نديمي العمر ردته اوياك ما صاح
ازت روحي مسافه
طاح الزمن وكله , بحزن وانياح
لا شرجي ولا غربي تهب ارياح شفنه الحنطه كلها صوفرت...
والسنبل عله المسطاح ، ذابل ....
فارغ من الحبه ...
ظل يحلم تبن ...
يحلم تبن ، مو تين !!


وبكل جفن مرواح ، محّد فزز الناطور
ا
موسم اجه
وموسم راح
وموسم بالحلم ينزع ثياب السهره والافراح
شفناهه جذب

من صبّح المصباح !!!!
وكبل ما كتلك ، اريد اتخلي ايدك عله خد الوسفه
واصبع تعظ للندم
اخر ليله من سديت العمر للموت اتاني
وطاح من ايدي القلم ،
...... بس آنه نايم ..ماحلم ...آنه نايم واعي ما حلم
اخر ليله طاح النجم
وراسك عالي لا ماطاح

والحلم والالم طول اسنين
.... ما مر ( .............
بالنفسج رازقي وقداح


.......... ولاشجرة عنب ، لايثمر التفاح
(( مرّانه .. حمد ..
ذاك الزمان وراح
عله عيوني .. رسم خطوات هجرانه
وتعده أعوام عمري،،
ورك شجره يبس ،من اغصانه
، حش منجل فركته ،
الغاب عنه اسنين ، بس ما غاب ...
كل جلساتنه ويانه
جذر شجرته .. لعلو السمه ..اتسمت
شجرته
الزاهيه الكالوا *خبيثه *
اتفرعت كلها..محبه
ياحبيبي
انت زخّت
زخت مطر وبغدرانه ، سولفولي
من زمان
اسرارك.............
وافكارك.........
تصاوريك بعرس الهور..
والكصبات .والبردي سولفلي ياجدّي
جنت حدّي... بسواليفك...
بمشاحيفك ..بصوت الماي والمردي
سر ضميت بيه اسرارنه ..
تاخذنه واتودي
عرس ( خالد زكي ) لليوم
هلهوله تطر وسط الغموكه*
الخوفت تيجان
تدري بكل نشيد الثوره (لمظفر )
يكوم الهور والبردي والمعدان...
وتطك للبصره لهوار العماره صويحب ، وغيلان
ازيرج عمامه
وتسير كلها الزلم والنسوان...
كلها تصيح يا بغداااااااااد
يابغدااااااااد
شعب الهور احنه :
ضيعنه زمن قواد( لا مو قوّاد كوّاد )،

,,,,,-----------------------------------------------
لعيبي * الشيوعي الاسم والعنوان
**القصيده هدية لاستاذي ومعلمي الفذ مظفر النواب
اهديت له في ديواني الذي صدر هذاالعام بعنوان= جسر من طين=منشورات مجلة الشراره للحزب الشيوعي في النجف





التعليق والتصويت على الموضوع في الموقع الرئيسي


التعليقات

1 - اطلب ديوان شعر
رحيم الغالبي ( 2011 / 5 / 19 - 17:07 )
صدر هذا العام ديوان جسر من طين منشورات مجلة الشراره
للحصول عليه محمل اكتب الان اميلي يصلك بسرعه
[email protected]
الموضوع ارسال مجموعة جسر من طين
تحياتي

اخر الافلام

.. كل يوم - الفنانة دينا فؤاد لخالد أبو بكر: بحب التمثيل من وأن

.. كل يوم - دينا فؤاد لخالد أبو بكر: الفنان نور الشريف تابعني ك



.. الفنانة دينا فؤاد لخالد أبو بكر: لحد النهاردة الجمهور بيوقفن

.. كل يوم - الفنانة دينا فؤاد لخالد أبو بكر: كل ما أشتغل بحس بن



.. أقرب أصدقاء صلاح السعدني.. شجرة خوخ تطرح على قبر الفنان أبو