الحوار المتمدن - موبايل
الموقع الرئيسي


راح يطلع النهار

امال رياض

2011 / 5 / 20
الادب والفن


رغم كل شىء راح يطلع النهار

رغم الحروب … رغم الدمار .. ودموع الأطفال الصغار

راح يطلع النهار

مهما أتأخر علينا .. عمره ما كان ناسينا

حيداوى جروح ليالينا … وحيطلع النهار

وشمس إمبارح حترجع … من أمتى بتخلف معاد

أو تقدر على البعاد … ده مهما طال السواد

أكيد حيطلع نهار وينور كل دار

وكفايه بكى يامة على ولدك

وأمسحى دمع الحزن اللى فى خدك

وأرفعى للكريم يدك … وأطلبى يطلع نهار

ده الفجر نوره مش بعيد … جايب معاه ألف وليد

يزرعوا الدنيا عمار …. ويجددوا دم الوريد

وحيعلا صوت السلام … ويا هديل الحمام

ده مهما طال بينا الظلام … وطالت قسوة الأيام

أبدآ مش حيطول الغيام … وحيطلع النهار

أصل السلام له ألف عمر

عايش فى الشفايف والعيون السمر

جوة قلوب الدفى والنقاء والطهر

وفى قلب كل بار … أكيد حيطلع نهار

رغم الحروب … رغم الدمار

ودموع الأطفال الصغار … راح يطلع النهار





التعليق والتصويت على الموضوع في الموقع الرئيسي


اخر الافلام

.. إخلاء سبيل الفنان المصري عباس أبو الحسن بكفالة مالية بعد دهس

.. إعلان آيس كريم يورط نانسي عجرم مع الفنان فريد الأطرش




.. ذكريات يسرا في مهرجان كان السينمائي • فرانس 24 / FRANCE 24


.. الفنان السعودي سعد خضر لـ صباح العربية: الصور المنتشرة في ال



.. الفنان السعودي سعد خضر يكشف لـ صباح العربية سبب اختفائه عن ا