الحوار المتمدن
- موبايل
الموقع
الرئيسي
روحي هامت
حامد كعيد الجبوري
2011 / 6 / 4الادب والفن
بيك روحي هامت وحكها التهيم
أبصبري يا عمر العمر ووروده
جنت كبلك ميت وتوني أحتييت
وردت أيامي الفرح وسعوده
عيون عندك لا ولا كل العيون
حرت بيهن مدري بالحوارو سوده
وحاجبك سيفك عله الركبه يعيل
امنين اخلص ركبتي الممدوده
خاف أشبه شفتك ماي الزلال
ومن لماك أسكي العطش ووروده
عمري ذابل ميتك تحيي العليل
ويا حياة ابدونك المريوده
احسب وياي العمر خلص ونين
وكل مفاتيح الفرج مسدوده
افتحلي كلبك واخذ مني اشماجنيت
وهاك عمري الحضرتك مكصوده
شرة اليمه وبيرغ اعتنيك
وخبزة العباس بيدي وزوده
من اشوفك ينطفي شوك الزمان
وفزعه للقاسم اودي اجدوده
من اشوفك يا عمرعمري الحزين
أنذور للكاظم عليّ اشهوده
لاح طولكواحضنك مثل الزغار
وبيدي اشيلك وآخذك مكصوده
هناك وبتالي العطر أسبح وأهيم
وأصعد أتلال وأرد أردوده
نذر أشمك وأسبح أبماي الوصال
أبصدري أضم صدرك وأشم أنهوده
وأصعد الشفتك التكتلني أبدلال
وأصل للشاطي الكتلني أبزوده
وتحت أبطك أشم كل عطر الحياة
وساعة الموت اصبحت مريوده
|
التعليق والتصويت على الموضوع في الموقع الرئيسي
.. لما تعزم الكراش على سينما الصبح ??
.. موسيقى وأجواء بهجة في أول أيام العام الدراسى بجامعة القاهرة
.. بتكلفة 22 مليون جنيه.. قصر ثقافة الزعيم جمال عبد الناصر يخلد
.. الكلب رامبو بقى نجم سينمائي بس عايز ينام ?? في استوديو #معكم
.. الحب بين أبطال فيلم السيد رامبو -الصحاب- ?