الحوار المتمدن - موبايل
الموقع الرئيسي


رسائل غراميه بين دولة القانون والعراقيه

سرمد علي الجراح

2011 / 6 / 14
كتابات ساخرة


ليس هناك ألطف أو أكثر تسليه للعراقيين من مشاهدة عركه في بار أو سينما أو شارع. وقد تطورت المعارك في العصر الحديث لتشمل الاقمار الصناعيه والبث المباشر للبرامج الحواريه والاجتماعات البرلمانيه
ومن المعارك التي تستحق المتابعه, مايدور حاليا بين دولة القانون والعراقيه, من مناوشات تنقصها البهارات, من تعابير ساقطه وغير لائقه ومما يستعمل عادة في مثل هذه المعارك, ليتناسب وماتستحقه هذه الشخصيات من اوصاف تليق بها, كلبس الحمار للجلال أجاركم الله.
إن هذا النقص لايأتي عن عفة أو ورع, وإنما يأتي من كونهم شركاء في حكومه فاسده, فالوطني العفيف هو من ينأى بنفسه عن هكذا شراكه, فلا يسب بالنهار وينام معهم في سرير واحد في الليل.
ولذلك أرتأينا أن نقرأ مابين السطور لنوضح للجمهور المخفي والمستور, في حوار هادئ بين الكتلتين:
العراقيه: أسمع ولك شيخ الحراميه, لاعبالك احنا نخاف منك, تره هسه نكول باع ونشك الكاع
القانون: هدوره أنته علينه شيخ السختجيه, خلينه ساكتين عليك, إنته واحد مقرباز وإرهابي وهاي اللواته مالتك روح بيعها بغير مكان
العراقيه: ولك هي عجمي, لو بيك خير ما استظرطك نجادي وخلاك واكف بالباب, وكلك ماعندي إلك وقت, خلي يقابلك قاسمي
القانون: ليش ماتروح تبوس إيدين عمامك شيوخ الخليج بلكي ينطوك عيديه, ولاتنسه تاخذلهم وياك صوغه كم رفيقه بعثيه من فرقة أحباب القائد
العراقيه: إي هذا مستواكم أنتوا مال دوله, يادوب تديرون حسينيه ورزقكم كله من النذوره وقومسيون زواج المتعه
القانون: إحنه مانعرف ندير دوله؟, ليش هيه كيميه, أشو هنه حجايتين راح نسوي, وسوف نعمل, وأبوك الله يلعنه. حكمتوا أربعين سنه وتالي الشعب ضربكم جلاق
العراقيه: ليش يابه ضربنه جلاق أشو مليونين مثقف أنتخبونه, خوما مثلكم أنتخبوكم لملوم اللطامه والشقاوات والمكبسلجيه
القانون: ههههه حلوه مال انتخبوكم المثقفين, وين ماكو بعثي وساقط وعربنجي وسافل أنتخبكم. أصلا ما أنتخبكم إلا العركجي والمطيرجي
العراقيه: متكولولي شنو إنجازاتكم من أخذتوا الحكم لحد الآن, عدا بنيتوا مقبره جديده وضريح لسيد بطيخه وحسينيه ومغيسل لأبناء البصره الكرام, والشهاده لله بنيتوهن تحت سعر التكلفه وبخمسين مليار دولار فقط. بس أريد أعرف الحرامي شلون يصير بعد
القانون: صاير شريف ذاك الصوب براسنه حضرتك, مو تقاسمنه الوزارات, شلك بهل دربونه مو دافنيه سوه, وكلمن أخذ حصته وانتهينه, لو هوه حسد عيشه.
وبعدين طالعلي مضاهرات ويه الزعاطيط شنو؟ صير عاقل وخلينه نحترمك, وإذا سقطت الوزاره؟, اللي راح تجي مثلها إذا مو أنكس حسب القاعده العراقيه, اليوم أنكس من البارحه وباجر أنكس من اليوم.
العراقيه: يمعودين أنتوا صدكتوا, تره دا أتشاقه وهسه أخونه مسعود يسويلنه كباب على الفحم ونروح لأربيل. بس حتى الناس تكول أكو نقاش سياسي بالبلد. وبعدين نكول عيدوا ياشباب تصالحنه.





التعليق والتصويت على الموضوع في الموقع الرئيسي


التعليقات

1 - مابي رجه
مازن البلداوي ( 2011 / 6 / 14 - 18:26 )
عزيزي سرمد

يكول نجّارنه الباب مابي رجه
تكابلوا وكلمن حيل ركّز بيرجه
يعكوب مادرى بيوسف من البيرجه
ما اظن بيها صلح هالنوب كطعية

تحياتي

2 - دعني اغضب هذه المرة
محمد الرديني ( 2011 / 6 / 14 - 23:24 )
عزيزي الجراح
كلماتك في هذا المقال جاءت مؤدبة جدا ولم تذكر ماجاء في الحوار الديمقراطي بين الملا والساعدي بعد ذلك وبصراحة كنت مؤدبا لنقل فقرات يمكن ان تحدث بين عربنجية في سوق الفضل
ولا ادري لماذا عرضت عن بعض (الكلمات البذيئة) التي تبادلاها عضوا البرلمان
لقد كانت كلمات يندى لها الجبين واعتقد ان معظم العراقيين شاهدوا وسمعوا ذلك وبعضهم اقسم بعدم مشاهدة مثل هذه القنوات مستقبلا
انها كارثة ان يردح عضو البرلمان لزميله باسم الديمقراطية
على كل حال (ذولة) الذين يحكمون الان
تقبل غضبي برحابة جراح مثلك
تحياتي

3 - ردود الاصدقاء
سرمد الجراح ( 2011 / 6 / 15 - 07:21 )
الاخ العزيز علي الشمري, الضاهر ذيج المره كان الكباب يابس بله طماطه ولا لبن. هاي الافلام ماراح تخلص والناس عرفت وفهمت
الاستاذ مازن البلداوي, لو كان احدهم شريف لابتعد وأخذ على عاتقه المعارضه كأي ديمقراطيه تحترم نفسها في الدنيا. ولكنهم من نفس الطينه الخايسه. تعجب للفاسدين كيف يكرهون ولايثقون ببعضهم ولكنهم يتضافرون ويتعاونون بكل سهوله عندما تتطلب مصالحهم ذلك
تحياتي

4 - الاستاذ الرديني
سرمد الجراح ( 2011 / 6 / 15 - 07:37 )
صديقي العزيز, لك كل الحق في العتب والغضب, وأنا مثلك غاضب ولكني قليل الحيله ولا استطيع أن أضع قصيدة اللمبجي للمرحوم الكرخي في وصفهم هنا وإلا طردوني من الحوار. وحتى هذه القصيده ربما لاترقى الى سوقية وانحطاط هؤلاء.
خليها سكته اخويه محمد, البرلمان زين, نقل لي صديق عن اجتماعات مجالس البلديات ما يشبه الاساطير, يحلف بأغلظ الايمان ان الملايات في المجالس, قبل الملالي, من يردحن, كله من الزنار وتحت على قولة اخواننا السوريين.
محبتي

5 - ادب الاحمـــــــــــــاض
كنعــان شـــماس ( 2011 / 6 / 15 - 13:55 )
تحية يا استاذ ســــرمد الجراح على هذا الحفر العميق بقلم قوي ورحم الله ابو انعـــــام وعبود الكرخي وداود اللمبجـــي واظن تبادل الشـــــتائم تقع في باب ادب الاحماض والفرنسين سباقين يكفي ان نابليـــون وصف وزير خارجيته بانه ( كومة غائط في منديل من حرير ) تحية محبة

6 - الاستاذ كنعان
سرمد الجراح ( 2011 / 6 / 15 - 14:58 )
سابقا كان البعض يلوم مظفر النواب على استعماله مفردات التقسيم العراقي, والان أتمنى أن يخرج شاعر لهذه الشله بقصيدة مدح مستوفيه لشروط السرسرلوغيه وفيها كل مصطلحات النقد البناء في قاموس الشتائم العراقي
تحياتي

اخر الافلام

.. كلمة أخيرة - فقرة غنائية بمناسبة شم النسيم مع الفنانة ياسمي

.. كلمة أخيرة - بعد تألقه في مسلسلي كامل العدد وفراولة.. لقاء




.. كلمة أخيرة - ياسمين علي بتغني من سن 8 سنين.. وباباها كان بيس

.. كلمة أخيرة - المهرجانات مش غناء وكده بنشتم الغناء.. رأي صاد



.. كلمة أخيرة - -على باب الله-.. ياسمين علي ترد بشكل كوميدي عل