الحوار المتمدن - موبايل


عتويه

سعيد حسين عليوي

2011 / 6 / 20
الادب والفن


ناس عتويه اجونه
صخموا كل البريد
عل المگابر وجهونه
وهمه ضربوا بالثريد
صار واحدهم زلنطح
يشمر گرونه ويصيد
لو ابن آوى عبالك
شايل السبحه ومُريد
بخيرهم ما خيرونه
شرهم العم ويزيد
وسفه سحگوا كل حلمنه
وهسه يردونه عبيد
ما نطخ راس وبعدنه
ثوره اقوى من الحديد
خَلْ يشوفون الگبلهم
وينهم طاروا اكيد
حگوگنه سندانه خضره
تنمو وتخضر المزيد
خطوه خطه نمشي كلنه
لا نِملّْ ولا نحيد
راية الحب عدنه گمره
تجلب الحظ السعيد
ويلشباب يفور دمنه
ونبني عالمنه الجديد
عالم الحب والحضاره
لا ظلام ولا وعيد
احْنه العراگ بحلمنه
لازم نعيده مجيد
بهل السواعد ياوطنه
نرجع الراح بوليد
طفل يضحك في سمانه
ينثر الحب وسديد
هذا درب الكادحين
هو غيره ما نريد
**********************





التعليق والتصويت على الموضوع في الموقع الرئيسي


اخر الافلام

.. ا?سباب وقف التعامل مع المخرج محمد سامي من قبل شركة المتحدة


.. مسرحية جورج خباز: غزل بالهوا الطلق مع حراسة مشددة ????????


.. المتحدة للخدمات الإعلامية توقف التعامل مع المخرج محمد سامي




.. صالات السينما في البحرين تعود للعمل بعد إغلاق دام أكثر من عا

.. بتوقيت مصر | اغنية انسي انسي | Rai-نا