الحوار المتمدن - موبايل
الموقع الرئيسي


شلون نغير ؟؟

خالد ابراهيم الحمداني

2011 / 6 / 30
اليسار ,الديمقراطية, العلمانية والتمدن في العراق


ِِشلون نغير
يسالني واحد تعتقد ممكن فعلا نسوي شي شنو انت اعمى مشوف شلون العالم جا يمشي
عمي زمنا زمن الاقوياء والك يالقوي انت وين وتحجي وين عايِِش
ونرد ونكول : الكلام صحيح بس المهم منو القوي وانت ليش انت مصير قوي فكر شويه ويه نفسك واذكر انه الي تعتقد بي انه قوي يمكن يكون اضعف مما تتصور لتبالغ ولتقدس شي واشوفه اكبر من حجمه صير مثل البدوي
ويرجع صاحبي يسالني : شلونا أصير بدوي انت شتكول معقولة يعني اعيف التحضر
ونرد ونكول : الحضارة احيانا تكون نقمة والبداوة نعمة لان البداوة تحررك من قيود المجتمع من تعيش وحدك بالصحراء انت وخالقك تشعر بعظمة الله وعظمة الكون وتشوف شكد صغيرة باقي الاشياء لان مماكو جبير بس ربك
خليني نشوف يا بداوة احنا محتاجيها : اكو قصة شهيرة وعروفة تاريخيا ايام دخول الانكليز واحتلالهم للعراق عام 1914 كلكم تذكرون شلون علماء نسميهم مجاهدين راحوا يقامون الانكليز ومعروفة الاحداث لما انكسروا بمعركة الشعيبة المهم كان من ضمن ذوله العلماء العالم والشاعر المجاهد محمد سعيد الحبوبي الي قاد المجاهدين ,,لما رجعوا ذوله المجاهدين ومنهم السيد الحبوبي مروا بمضارب العرب او العشاير الي كانت على الطريق وكانت بعض ويمكن الاغلب من هذي العشاير تمارس التسليب ,,اجوا المجاهدين وضافتهم وحده من هاي العشاير ظلوا يمهم وباتوا الليل ولما رادوا يطلعون الصبح ودعتهم العشيرة وشيوخها بس كلولوهم تعذرونا سادتنا لازم نسلبكم ,,تعجبوا المجاهدين ومنهم السيد الحبوبي وسالوهم معقولة اضيفونا وبعدين اسلبونا ردوا عليهم وكالوا سيدنا احنا اولى بالتسليب احسن متسلبكم العشيرة الي بعدنا يعني انتوا مسلبين مسلبين فاحنا اولى على الاقل احنا ضفناكم ,
قصة لطيفة صح لو لا بس شنو الحكمة منها اكيد راح تكول يا صاحبي هؤلاء العشائر او الناس ارتكبوا حرام وجريمة وكارثة ..
ونرد ونكول : شتفقنا مو كلنا لتقدس وانظر بعين فاحصة وعلكيفك صير بدوي ولتنظر الا لعقلك واعرف شلون ذوله تحرروا وعرفوا انه القضية محسومة والقوي هو الي يفتهم ويعرف شنو مصلحته ومينخدع بالمظاهر والنا وياكم حلقة جايه
اخوكم عاشق التغيير





التعليق والتصويت على الموضوع في الموقع الرئيسي


اخر الافلام

.. البنتاغون يعلن البدء ببناء ميناء مؤقت في غزة لإستقبال المساع

.. أم تعثر على جثة نجلها في مقبرة جماعية بمجمع ناصر | إذاعة بي




.. جو بايدن.. غضب في بابوا غينيا الجديدة بعد تصريحات الرئيس الأ

.. ما تأثير حراك طلاب الجامعات الأمريكية المناهض لحرب غزة؟ | بي



.. ريادة الأعمال مغامرة محسوبة | #جلستنا