الحوار المتمدن - موبايل
الموقع الرئيسي


سجل عنك,

محمد السعيد أبوسالم
(Mohamed Elsaied Abosalem)

2011 / 7 / 2
الادب والفن

سجل عنك,
فى محضر الداخليه,
انا بعترف,
وبصوتى قلت الاغنيه,
الداخليه مش مصريه,
والمشير صورة لمبارك جديده,
والمجلس زيه كمان,

سجل عندك,
فى محكمتك العسكريه,
وأكتب فى محضرها,
الاسم: مواطن غلبان,
العنوان: فى شبر فى العشوائيات,
عايش على الفتات,
لا يوم حلمت بوزاره,
ولا حتى فى مجلس محلى,
النيل بشوفه من قريب,
بس المواسير مش بتوصلي,
والصرف الصحى دمر صحتى,
عنوانى هناك,
فى بيت كل عامل كادح,
وعند الارض الخضرا بين الفلاحين,
أنا ساكن هناك,
الوظيفه: للإسف مفيش وظيفه,
أصل الوظايف بالوسطه,
وأنا معرفش غير عمى على بتاع الفول,
وعمى محمود بتاع اليليله,
وعمى جرجس مدرس الإبتدائى,

سجل عندك,
وأكتب أقوالى,
الدخليه مش مصريه,
والمشير صوره تانيه لمبارك,
والمجلس لعصبة الحراميه,
أستخبينا فى حضنهم,
قاموا خبونا فى مؤامره كبيره,
وضيعونا هنا وهناك,
سجل عندك,
برغم ان المحضر للداخليه,
وهيتعرض على المحكمه العسكريه,
انا صوتى بيقول وهيقول,
الثوره ثورة شعب حر مناضل,
خرجت من رحم الطبقه المطحونه للنور,
والشعب هيقوم من تانى,
يسقط كل فاسد مستبد,
يفكر يوم انه ممكن يخون,
فسجل عندك أن الشعب قام خلاص,
يسقط المجلس والمشير,
والداخليه الملعونه,

إعدام,
إعدمونى مش مهم,
انا واحد بس,
هتعدموا الملايين اللى فى الميدان بتهتف ضد الظلم ..؟

عاش الشعب واحد,
على كل ظالم حاجد,
خان في يوم ثقة الشعب الحر ..

---

---

---

التعليق والتصويت على الموضوع في الموقع الرئيسي

---

.. كواليس أخطر مشهد لـ #عمرو_يوسف في فيلم #شقو ????


.. فيلم زهايمر يعود لدور العرض بعد 14 سنة.. ما القصة؟




.. سكرين شوت | خلاف على استخدام الكمبيوتر في صناعة الموسيقى.. ت


.. سكرين شوت | نزاع الأغاني التراثية والـAI.. من المصنفات الفني




.. تعمير - هل يمكن تحويل المنزل العادي إلى منزل ذكي؟ .. المعمار