الحوار المتمدن - موبايل
الموقع الرئيسي


طيب وإيه يعنى..لما الكلب بايعنى..

فتحى غريب أبوغريب

2011 / 7 / 7
الادب والفن


نفسى أكتب شعر الجمال والحب..
نفسى أرسم فى الورق..
ياجميله..ليك أجمل قلب..

نفسى أرسم هرم فرحه...
وأمسح من عيونك..
جبال العذاب والغلب..

نفسى أعيش ولو مره..
فى بلد حره..
قالوا قول يارب..

طيب وإيه يعنى..
لما تقتل روحى ..إزاى ترجعنى..
طيب وإيه يعنى.. لما عصابه تحكم بلد
وأسمع نواح الفقير يقول الغنى باعنى

وناس وسط الزباله
كسره عيش بترضيها
رضينا يازمن.. ب... الهم ..
وفوق الخوف حالف تجوعنى..
طيب وإيه يعنى..

ناديت وقلت حرام..
ولا حد لحد الوقت سامعنى
كرامه شعب منداسه..
قالوا وإيه يعنى..
وثوره شعب ..على رياسه
وقالوا.. منباعه ونخاسه..
وعملوا لينا مش ليهم..
محاكمه وحراسه..
طيب وإيه يعنى..

أطاوع مين ومين يطاوعنى؟
ومن دحديره لبير..
مصر تنادى يا ولادى..
مين..يطلعنى..
ومين فى زمان الخوف..
والذل علمنى..و طبعنى؟
وقالوا ..عشان إنسان طيب وإيه يعنى..





التعليق والتصويت على الموضوع في الموقع الرئيسي


اخر الافلام

.. حوار مع الدكتـور سـعـد كـمـونـي حول مجمل أعماله الفكرية | حا

.. مسك الكلام | علي عليان - ممثل ومؤسس مهرجان المسرح الحر الدول



.. الممثل البريطاني المصري خالد عبدالله لـCNN: وجدت نفسي حين وق

.. حضور استثنائي للفنان عادل إمام في زفاف حفيده




.. أخبار الصباح | بعد هجوم بوتين الكبير.. الناتو: علينا تعلم ال