الحوار المتمدن - موبايل
الموقع الرئيسي


تعريف الظاهره في قاموس الحكومه المصريه

جورج المصري

2004 / 11 / 24
اخر الاخبار, المقالات والبيانات


جاء في جريده الاهرام في عددها الصادر اليوم الاثنين 9 شوال 1425 الموافق 22 نوفمبر 2004 في الصفعه الاولي علي خد النهار الاغبر
http://www.ahram.org.eg/archive/Index.asp?CurFN=fron1.htm&DID=8313

(توجيهات من مبارك بالتوسع في المدارس التجريبية
والتصدي لظاهرة الدروس الخصوصية وتطوير مناهج التعليم الثانوي
الرئيس يناقش خطة من سبعة محاور للتعليم ما قبل الجامعي‏:‏
التطوير مازال تحت المناقشة ولن يطبق بأثر رجعي
تخفيض كثافة الفصول وحل مشكلة تعدد الفترات
تطوير أداء المعلم وتحسين أوضاعه ورعايته صحيا واجتماعيا وماديا)

توجيهات من مبارك بالتوسع في المدارس التجريبية

الصراحه الشعب طلعت ملالي اللي جبوه من تصريحات مبارك اللي ملهاش اول ولانهايه ... التوسع في المدارس التجريبيه ... اذا كانت التجريبيه نجحت ياعالم ياجاهل خلاص مايبقاش اسمها تجريبيه ولا التجارب مستمره ؟ اليست هذه المره المليون بعد الالف التي يوجه فيها سيادته سيادته الطراطير الملقبون بالوزراء بأن يهتموا يالمدارس وهو سيادته بقي بيفهم كمان في التعليم افضل من السيد طرطور ابن طريوش وزير ااتربيه و التعليم؟

ظاهره الدروس الخصوصيه ... يعالم ارحمونا من كلمه ظاهره ... الظاهره دي معناها مصيبه وقتيه جت وحتحل عن سمانا ... ام كارثه الدروس الخصوصيه فهي كارثه العن من مشكله فلسطين و العن من غباء معظم الساده متلقي التوجيهات باشكتبة الوزرات الملقبون بطراطير الوزاره .

يناقش خطه ؟ خطه ايه انتوا بتضحكوا علي مين ياعالم ؟ خطه ايه اللي انتي جاي تقول عليه هو انت تعرف عن التخطيط شئ .
من فضلكم بلاش تضيعوا الورق و الحبر علي الفاضي و علي كلام فارغ مايسواش مليم مش من بتوع زمان مليم من بتوع الثوره.

تخفيض كثافة الفصول وحل مشكلة تعدد الفترات
كثافه الفصول موضوع بدئ منذ تهايه الستينات منذ ان اخترع جهابذه التعليم في ذاك العصر و الاوان الفترتين الصباحيه و المسائيه واصبح التعليم في محنه وكارثه ومن له عقل يفكر به يعطيني عقله ويمشي حافي بنتكلم عن هذا الموضوع منذ اكثر 38 عام وسياده الرئيس لسه بيخطط ويوجه .... جاتها نيله اللي عاوزه خلف .

تطوير أداء المعلم وتحسين أوضاعه ورعايته صحيا واجتماعيا وماديا
تطوير اداء المعلم ؟ هل سياده الرئيس حيطور اداء المعلم ؟ كيف سيطور السيد الرئيس اداء المعلم اذا كان هو نفسه مش قادر يتطور ؟ كيف يطور نافص التطور اي شئ لاعلاقه له ولم يدرسه ولايعرف عنه الا الالف ويمكن يتلخبط بينهم مع كوز الذره؟
تحسين اوضاعه؟ اليس تحسين وضع المجتمع ككل هدف السيد الرئيس ام ان السيد المعلم علي راسه ريشه ؟ تحسين اوضاعه ايه اكثر من مصيبه الدروس الخصوصيه ؟ طب خليهم يعطوا دروس خصوصيه ويدفعوا ضرائب عادله علي الدخل علشان نبني مدارس وندفع مرتبات محترمه نجذب بيها المتفوقين من خريجي الثانويه العامه بدل من بتوع معاهد التربيه بخمسين في المائه؟
ورعايته صحيا واجتماعيا وماديا
سمك لين تمر هندي يذنجان ابيض واحمر وبصره كمان ايه حيلكم حيلكم هو انتم فاكرين ان كل قراء الجرايد بهايم بتعرف تقراء وتكتب بس ؟ رعايته صحيا طب مستشفيات المدرسين علي قفي مين يشيل ... اجتماعيا حتجوزوهم وتخلفولهم كمان مش فاهم اجتماعيا ايه احسن من توفير السكن و المأكل و المشرب بأسعار في متناول الخلق كلهم بمافيهم المدرسين . بلاش سرقه ونهب وتبديد في فلوس البلد و الكل يعيش مرتاح ؟ مش فاهم يعني مثلا راكبي الشبح يدفعوا جنيه في لتر البنزين ذي الغلبان اللي راكب موتسيكل ليه ؟ الضريبه علي العربيات اللي بمليون جنيه لازم تزيد بحوالي سته الاف جنيه سنويا هذا هو فرق الدعم في البنزين لمثل هذه السياره وهكذا اللي يفنجر يفنجر من جيبه مش من جيوب الغلابه وهكذا ياساده كل برغوت وعلي قد بنزينه ... والصراحه عوايد البيوت كمان لازم تٌعدل... الضرائب علي العقارات لابد و ان تتناسب مع موقع البنايه مش الغلابه في شبرا يدفعوا ذي بشاوات المهندسين ... خلوا العالم تتهرب من الضرائب ذي ماهي عاوزه بس الدفع علي قد المزاج. ولا الفنجره علي حساب الغلابه ، واصحاب سياده التوجيهات .

التطوير مازال تحت المناقشة ولن يطبق بأثر رجعي
أخر عنوان وده اللي خلاني ابكي من الضحك ولعنت كتًاب الكوميديا واحد واحد وفرد فرد ....... التطور مازال تحت المناقشه ولن يطبق بأثر رجعي .... انتم عارفين الاسكندرنيه مشهورين بأنهم بيناموا وهما صاحيين لما يسمعوا كلام اهبل يروحوا نايمين مره واحده ويطلع لهم حس مشهورين بيه ... ياعالم ارحمونا منين توجيهات وتخطيط ونتفيذ وتطوير وتجريبي تحت المناقشه ... تحت المناقشه ؟ عربي ده يامرسي تحت المناقشه ... ولما هو لسه تحت المناقشه باخدوا قرار بعدم التطبيق بأثر رجعي دي فزوره دي ولا شافره ولغه مافيفهماش الا الساده اعضاء تنظيم الآعده لامؤاخذه القاعده هنا قاعده الدخان الازرق ... وعجبي علي بلدي تمشي خطوتين لقدام وترجع مليون لورا .....





التعليق والتصويت على الموضوع في الموقع الرئيسي


اخر الافلام

.. تونس: ملايين الناخبين يصوتون لاختيار رئيسهم الجديد وقيس سعيّ

.. هل تباغت إسرائيل أميركا بضرب منشآت إيران النووية؟




.. خليل العناني: هناك تغير إقليمي قادم وأمريكا لم تعد قوة عظمى


.. غارة جوية إسرائيلية على الضاحية الجنوبية لبيروت




.. الكوفية حاضرة في مهرجان وهران الجزائري