الحوار المتمدن - موبايل
الموقع الرئيسي


مشكلة المياه في العراق ,وسيلة للتلاعب بمقدرات الناس

علي الشمري

2011 / 8 / 6
كتابات ساخرة


.
المواطن العراقي بعد أن يئس من الطاقة الكهربائية ,ويئس من تشغيل أجهزة التكيف ,راح مضطرا لشراء مبردات الهواء والتي تدخل باعداد مهولة من تصنيع الجارة المسلمة.وبمختلف المواصفات ,فهذه مبردة تحتاج الى امبير ونصف للتشغيل ,وبعد سنة دخلت لنا مبردة تحتاج الى امبير,وهذه السنة دخلت مبردات تحتاج لاقل من امبير للتشغيل ,وأصبح كل بيت يحوي أكثر من واحدة وربما الى أربع وخمس مبردات ,بحسب حجم العائلة وعدد افرادها,
وقد أفادت الحكومة العراقية كثيرا الحكومة الايرانية من خلال عدم فرض رسوم كمركية على البضاعة الايرانية ,وسمحوا لهم بأدخال مختلف بضاعتهم دون فحوصات السيطرة النوعية,فكل ماهو تالف وردئ دخل السوق العراقية,
الحكومة العراقية لم تكلف نفسها عناء مناشدة أيران كون صناعتهم من المبردات التي دخلت كل بيت وأنتم مستفيدين من عوائدها المالية,والتي أصبحت البديل لاجهزة المكيفات والسبالت ,شلون راح المواطن العراقي يستخدمه وانتم قاطعين عليه الماء,نهر الوند الذي يصل الى خانقين,نهر الكرخة والكارون التي تصب في شط العرب,نهر الدويريج الذي يصب في الطيب على حدود ميسان؟ هسه أحنا ما نريد منكم توصلون شبكات المياه الصالحة للشرب لكل الريف العراقي؟الحمد لله والشكر الريف كله أجه للمدن هربا من عطشهم وعطش مزروعاتهم.
زين هسه خلي نترك مسألة المياه التي تستخدم للمبردات الهوائية,راح نستغني عنها بالمهافيفما دام اكو بعد كم نخله بيه سعف ؟,زين ما تفكرون شلون راح يسوي المواطن شوربة العدس في رمضان ,هاي اذا صدقت وزارة التجارة بوعدها هذا العام ووزعت العدس ,بعد لحد الان ماكو شئ ,بس وعود,هم خلي نترك العدس وشوربة العدس ,الصائم برمضان ما يحتاج ماي لتبريد جمسه من الحر,ما يريد يغتسل غسل الجنابه؟ما يريد يتوظأ حتى يذكر ربه, أي مو هذا شهر عباده وغفران ؟لوتريدون تحولوه الى شهر معصية وأرتكاب الذنوب,لو تردون مثل أهالي خانقين ,بقية المدن التي لا يصلها الماي ,تخرج بتظاهرات وأحتجاجات شعبية ضد أفعال أيران اللاأسلامية تجاه مواطني العراق.
؟لكن حقكم انتم بيا شغله دافعتم عن حقوق الشعب؟عن القصف الايراني المستمر,لو عن أحتلال الاراضي العراقية,لو عن احتلال الفكه,لو عن عمليات نهب اليورانيوم المستمرة من موقع الحيره من قبل أمريكا وأيران (بالتناوب)؟؟لو دافعتوا عن الصيادين العراقيين في مياهنا الاقليمية ,مره أيران تقتلهم وتسجنهم ,ومره الكويت تحتجزهم مع زوارقهم ,لودافعتوا عن العراقيين الذين لازال البعض منهم في مخيم رفحا,غير الذين يتم اعدامهم بالسيف من قبل نظام أل سعود ويسون عليهم حفلات قطع الروؤس,بس أريد أعرف يا شغله تهم الشعب لو موارده وسويتوالها حل,أشو لسه طائراتنا المدنية نايمه بمطارات الدول وأكلها الصدأ وأنتم بعدكم ما شفتوا حل؟
,زين أنتم يالحكومه ,من الناس قبلت ان تكون المبردات الهوائية والتي استغنى عنها المواطن في الثمانيات من القرن الماضي(صندوق ماي)بدلا من المكيفات ,شلون راح تشغل مبرداته أذا انتم مسوين جدول لتوزيع المياه على البيوت ,يوم أكو ماي ,يومين قطع,جماله على الحر والضيم اللي متحملته الناس من ازمة الكهرباء؟ليش متعرفون الظلم لو دام دمر,لو متعرفون ,(الكفر يدوم والظلم لا يدوم),أخاف تالي يطلع أنتم مو قادة للعراق وانما موظفين عند الحكومة الايرانية؟؟؟؟؟؟؟
أنتم يا المؤسسة الدينية ,ما قررتم بعد ان تناشدون حكومتكم الي نصبتوها,متعرفون ان الماء هو عصب الحياة ولا يمكن الاستغناء عنه لا الحيوان ولا الانسان ولا النبات,لو انتم نايمين النهار كله على السبالت والتبريد المركزي بفضل مولداتكم العملاقة’وكل شئ متوفر لكم ,الناس خليتوها تعيش بصحراء الربع الخالي وتاليها حتى راح يستبدلون الوضوء بالتيمم,وراح تخلوهم يكفرون بالدين ؟أظن انتم هاي التردوها حتى بلكت صاحبكم الموعود يطلع من كثرة الظلم والجور والفساد..........بس تره صدكوا ,أذا طلع المنتظر تره أول ما يذبحكم ألكم يا دعاة الدين,لان بحسب رواياتكم المعتمدة من قبلكم , تقول عندما يخرج المهدي يقتل الكثير من رجال الدين وادعيائه حتى يشك الناس بانه المهدي,,فوحده من اثنين ,أما قصة المهدي صدك فعليكم ان تستعدوا للذبح قبل غيركم.وأذا قصة المهدي كذب ,فانتم السبب في تحجيم عقول الناس للسيطرة عليها,,,,,,,,لكن الظاهر الشق الثاني هي الاصح بحسب المثل الدارج(من أمن العقاب أساء الادب)لو صدك جان خفتوا أو حتى شويه أستحيتوا ,لكن لا تنسوا فعقاب الشعب من فقرائه ومحروميه واقع عليكم وعاى من تحالفتم معهم من الطغاة والمتجبرين ,لان الشعب لا ينسى ولن يغفر لجلاديه مهما طال الزمن ,وشواهد التاريخ ماثلة اليوم لكم ,أينكم من حسني مبارك ,وأينكم من بن علي,فالعبرة لمن أعتبر,,,,,,,





التعليق والتصويت على الموضوع في الموقع الرئيسي


التعليقات

1 - ما ادري
مازن البلداوي ( 2011 / 8 / 6 - 04:53 )
الاستاذ علي الشمري المحترم
ماتناولته في مقالك هو قائم على ارض الواقع، وسأضيف قليلا
اليوم صباحا وفي مقطع حواري على تلفزيون ال بي بي سي، كانت هناك أسئلة موجهة الى حضرة الاستاذ علي الدبّاغ ومن ثم الى احد المحللين السياسيين الكويتيين عن مسألة ميناء مبارك
السيد علي الدباغ لخّص المشكلة في انها تكمن حول الإبحار في المنطقة الحرّة من القناة الملاحية العميقةفقط! وليس غير هذا
المحلل الكويتي العظيم، يقول بكيفنا... ارض كويتية، والعراقيون لديهم شيء اسمه فوبيا الكويت، واهم نقطة كانت من قبل هذا المحلل هي، انتبه معي رجاءاًً...... ايران وتركيا تقوم بأعمال اعتدائية كبرى على العراق ولاينبس العراقيون ببنت شفة! فلماذا يقيمون الدنيا ولايقعدوها عندما تفعل، ساترك تحليل كلامه لك ولمن يقرأ،، بالعراقي...... أشو ايران وتركيا مستضرطين الوضع في العراق، بقت علينه؟
ولازال السيد علي الدباغ لايجيب على سؤال..... لماذا لم تباشروا ببناء ميناء الفاو المقرر بناؤه منذ سبع سنين، كما كرر المحلل الكويتي العظيم هذا السؤال، فهل من مجيب؟
تحياتي

2 - وينكم يا شيعة امير المؤمنين
حسين محيي الدين ( 2011 / 8 / 6 - 07:56 )
ليش ما عدكم غيرة على بلدكم الماي كطعوه . تعرفون ادكون وتلطمون على الامام الحسين اللي استشهد وهو عطشان لك موشعبكم راح يموت من العطش وينكم . حرام عليكم اتسون عزه على الشعب العراقي اذا مات من العطش وتكولون يا ليتنا كنا معكم . حطمو الوجود الايراني في العراق تمردوا على رجال الدين . اقطعوا الزيارات . قاطعو البضائع الايرانية لعل البيره ايران تتوقف عن اعتدائاتها

3 - لقد تم بيع العراق
جواد القابجي ( 2011 / 8 / 6 - 10:34 )
شكراً أخي علي الشمري على ماوضحته وقد تم فعلاً بيع العراق ولا من يقف موقف الصح من أجل العراق وقد تم التوقيع منذ مؤتمر لندن وهذا ما أثبته سياسيّوا العراق في قبضهم الثمن من خلال سكوتهم وعدم الإكتراث لما يجري من تحديات

4 - من قلة الخيل شدو,,,,,,,,
علي الشمري ( 2011 / 8 / 6 - 16:05 )
الاخ والصديق مازن البلداوي المحترم
هي ليش الدول المجاورة مستضرطين الحكومه الحالية,غير عارفين ما بيهم حظ؟غير عارفين ومتاكدين بانهم أستطاعوا شراء ولائهم ووطنيتهم بثمن بخس؟الحكومه بدورها هم هية مستضرطة الشعب ,بس تكذب عليه وتخدره بالوعود.السبب ؟لانهم عفرفوا البير وغطاه مثل ما يكول المثل ,عرفوا يا وتر الذي يحبذ موسيقاه الشعب فراحوا يعزفون عليه,وهذه هي مشكلتنا الحقيقة,يريد لطم انطوه لطم واطمو وياه كمان,يريد نوح وبجي نوحوا وياه,يريد مسيرات راجله واكل ,أمشوا وياه وأزيدوا عليه القيمة والتمن..
تقبل تحياتي

5 - المنافع فوق كل أعتبار
علي الشمري ( 2011 / 8 / 6 - 16:12 )
الاخ العزيز حسين محي الدين المحترم
الله ويكلك تره ربعنا ,شعارهم صار أكتله وامشي بجنازته,هو من الذي قتل الحسين واهله ؟أكو غير شيعة أبوه وهمه الذين طلبوا منه القدوم الى الكوفه؟صدك واعتقدلو ما مستفادين ماديا من قضية الحسين(تجاره عامه(جان محد طلع يمشي لو يبجي,وهذا ما لحظناه في الاحداث التي مرت على العراق,حتى أضرحت الاولياء لم تسلم من السلب والنهب وقت الازمات؟
تحياتي

6 - من يهن يسهل الهوان عليه
علي الشمري ( 2011 / 8 / 6 - 16:19 )
الاخ العزيز جواد القابجي المحترم
ألم تكن حضرتك والالاف من مثلك ممن ضحوا وعانوا كثيرا وأضطرتهم معاناتهم الى هجرة العراق ؟لماذا لم تستأثروا بمناصب كما حضي الاخرون ممن لم يجهدوا انفسهم كثيرا أيام الظلم والجور التي مرت على العراق أيام الطاغية.ألم يتحمل عراقيوا الداخل الكثير من الالام والعذابات النفسية والقهر والحصار,وبالتالي يهمشون من قبل قادة العراق الجديد؟لماذا ميزوا وفضلوا انفسهم عن البقية الباقية؟
وهنا يستذكرني قول الشاعر(ومن دخل البلاد بغير حرب ,,,,يهون علية تسليم البلاد)
تقبل فائق شكري وتحياتي

اخر الافلام

.. روبي ونجوم الغناء يتألقون في حفل افتتاح Boom Room اول مركز ت

.. تفاصيل اللحظات الحرجة للحالة الصحية للفنان جلال الزكى.. وتصر



.. فاق من الغيبوية.. تطورات الحالة الصحية للفنان جلال الزكي


.. شاهد: دار شوبارد تنظم حفل عشاء لنجوم مهرجان كان السينمائي




.. ربنا سترها.. إصابة المخرج ماندو العدل بـ-جلطة فى القلب-