الحوار المتمدن - موبايل
الموقع الرئيسي


شعر شعبي عراقي

فاهم إيدام

2011 / 9 / 8
الادب والفن


آنه وهالوكت

أنه سدّ الألـم من عندي مامـون * يتيـم الحال شيرافـك تظنّه
ومثل شتّ المعاني براس مجنون * هاي اطباع وكتي وهذه فنّه
***
آنه العله اجياده اتميل الايّام
وتلولـح بيه بـدروب الهِـبيّه
وآنه العله شـينَة غـيره ينلام
وزماني بكل ردَه مشبّه عليّه
إليّه الخالَف من احـظوظ ينسام
دنيه ومن تخالف هيّه هيّه
*
خَـفِتْ ثارات واذرَتهـن بلعـيون * وليه وغدت علمصيوب حنّه
غراب البين عشعش فوك المتون * يـطكّ الدهـر مـرّه وبيّه ثنّه
***
صحبتي من جذب، عَميه بوصط غاب
دارَت بيّه بـدوار المَـغـثّه
الوفه حجاية كَبل ومضيعه السباب
من سكَف الصدك شبعَت العثّه
ورَكض طلّاب صاروا بثر طلاّب
شبج إيده الوَكت بنفوس رثّه
*
قصور مغلّكَه وتمنع الماعون * وصرايف فاتحه ارواح اتّغنّه
وامواج اتّلاطـم من بشـر دون * الفرح بيهن غَرَك ويّست منّه
***
بجهل صايود اجيت آنه اكَنص الحوم
وكـشّـرلي السـبع ظنّيته باسـم
خراب اسنين تسمع نعكَة البوم
حسـرة عـين تمـييزالمواسـم
صفت روحي بظلام وتايهه تروم
وِنِس بَشباح ووضوح بطلاسم
*
بسواده العمر ظلّ وعشك هاللون * من دمّي الحزن جفّه يتحنّه
عليْ قسمة الباطل حدّت كَرون * الدمع لو صح يخايب سوّه مِنّه
***
أعـاند والنوايب قـيد سجّان
وشظلّي بعد غيرك يلعـناد
يعَلّي بسوره ويكثّر الكَضبان
وأعلّي الصبر من وشله عله رماد
كَطع خلكَي العَطَش والفَرج ما بان
لجن روحي خلك عاكَول بوهاد
*
أعف عفّة الحـرّ بوَكت مرهون * وأباري بحزني ونّه بأثر ونّه
وأحن حنّة محـبّ بكَلبه مطعون * سكـتّه جالمـعادن والهـه رنّه
***
حَلفت عله الألم تتروّض الروح
وعـرفت النَفس بالسكـته اتّداوه
وأريد الدمع يسبك صوت الينوح
وأريد الكَلب وي روحه ايتلاوه
شنهي البيـده علسجّـين مذبوح
مراح وتم ملك لولاد آوه....
*
أعاتب روحي مانه معاتب الكون * وأردّد دام سعدي ما تسنّه
خَـردله مازاد بالإسـلام حـنّون * ولا كَوم النصاره اسمعوا عنّه





التعليق والتصويت على الموضوع في الموقع الرئيسي


التعليقات

1 - حبيبي الشاعر فاهم آيدام
ذياب آل غلآم ( 2011 / 9 / 8 - 16:52 )
نص جميل جدا و(وحضري) يعني حديث بالصورة والمفردة التي تتجانس مع الفصحى في الغالب لكنها قصيدة جميله وفيها شيء من التدوير الشعري لم تحرج من نفس القصيدة القديمة لكن فيك شيء من الابداع نحو محاكاة تفردك احيانا ببعض الابيات في صياغة معناها بالجديدة وبحس شبابي في المعاناة لكنه كبير في طرحه كتجريب اشجعك واكثر النشر وانتقي صورك في تغريبية الاشياء اخرج من النص القديم تدوير القصيدة جميل لكن اريدك ان تحلق خارج النص النمطي اكسر نمطيتك حتى لو تكتب نصك وفق قصيدة التفعيله الحديثة مثلا...اشد على يدك في هذا النص الشعري والى افق ارحب واقول لك انت شاعر في طريق الشعر الشعبي الحديث لك التوفيق عزيزي فاهم

2 - أستاذي العزيز ذياب
فاهم إيدام ( 2011 / 9 / 8 - 17:32 )
أشكرك جدّاً جدّاً
ونصائحك محل تقدير واحترام

لك كلّ سلامي وتقديري

اخر الافلام

.. عوام في بحر الكلام - حفيد الشاعر الكبير فؤاد حداد مع الشاعر


.. عوام في بحر الكلام - علي الحجار مع الشاعر الكبير فؤاد حداد




.. الفنانة ماري سليمان تؤدي أغنية -في عينك بدور- على مسرح The S

.. مسرحية -شو يا قشطة- تصور واقع مؤلم لظاهرة التحرش في لبنان |




.. تزوج الممثلة التونسية يسرا الجديدى.. أمير طعيمة ينشر صورًا