الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
كاتم صوت (شعر شعبي عراقي)
فاهم إيدام
2011 / 9 / 16الادب والفن
إلى قتلى كواتم الصوت في العراق
كاتم صوت
أريدَن ساحرات الكوت
يفتَنْ بيهه كَبل الفوت
موت الله انكِتب عالناس
لو مكتوب...( كاتمْ صوت )!!
*
تهنه ومالكَينه الحلْ
وارواح النه تتعَلعَلْ
جاوبنه : ليَمتهه اتسيل؟
بالدم إحنه نتوسّلْ
والدم خاير وتعبان
ضايع صاحبه مجندَلْ...
سحر هاروت لو ماروت
هـذه الإسمه....( كاتم صوت )؟؟
*
عَله دمْ سايل اربينه
وباجر بينه ماذينه
من هذه نردّد دوم
للماضي احنه حنّينه
ومن ننبش أساس الفات
ما يختِلِف ماضينه...
بسْ فَكّر تفض مَسكوت
مالك غير....( كاتم صوت)
*
وإذا بينه وَفي الناسه
ويكَوم ايكَول يا ساسه :
جذبكم نشّف النهران
موته وشمّت اخياسه،
طلقه تنام اله بصوته
وتنام الثانيه براسه...
وعِد راسه الهَمس بسكوت :
زاره بليل....( كاتم صوت)
*
شَعَبنه الشافه من طغيان
ما اظنّه طَره عله انسان
لا ألمان... أو طليان
لا يابان... وافريقان
كلْ ما راح دكتاتور
إجانه الأخَسْ من الجان...
يكتلْ ندري بالطاغوت
جنّه، وهسّه....( كاتم صوت )
*
واشجم دوب عله هالحال
زِلِم تتردّه عله يا مال؟
ميل الّي بضمايركم
مثل ذيل الجلب من مال
وكر اضباع مودوله
وعَلَيْ يشهَد الدمّ السال..
خلّو شعاركم تابوت
واعمامه..او.... (كاتم صوت ).!!
*****
13ـ 09 ـ 2011
|
|
التعليق والتصويت على الموضوع في الموقع الرئيسي
التعليقات
1 - Ceinture Longchamp
cmmsaqzgpd
(
2014 / 9 / 29 - 18:09
)
Saint Franç-;-ois Longchamp Domaine Skiable
Saint Franç-;-ois Longchamp Domaine Skiable
Sac Bandouliere Longchamp
.. أين ظهر نجم الفنانة الألبانية الأصول -دوا ليبا-؟
.. الفنان الكوميدي بدر صالح: في كل مدينة يوجد قوانين خاصة للسوا
.. تحليلات كوميدية من الفنان بدر صالح لطرق السواقة المختلفة وال
.. لتجنب المشكلات.. نصائح للرجال والنساء أثناء السواقة من الفنا
.. بطريقة كوميدية.. الفنان بدر صالح يوضح الفرق بين السواقة في د
