الحوار المتمدن - موبايل
الموقع الرئيسي


خر كدبه من بطولة الإخوان المسلمين

أمير خليل علي

2011 / 9 / 18
مواضيع وابحاث سياسية


آامبارح .. اتفرجت على الفيلم الكوميدي الرائع "آخر كدبه" .. لكن بنسخيتن مختلفتين.

النسخة الأولى كانت هي الأصلية القديمة بالأبيض والأسود .. بطولة فريد الأطرش وسامية جمال واسماعيل يس وعبدالسلام النابلسي.

وفي الفيلم .. المفروض إن النابلسي بيشتغل مندوب مبيعات لشركة تأمين على الحياة .. وصادف سامية جمال عند الأسانسير .. فقرر إنه يبيع لها بوليصة تأمين على الحياة .. فراح قايلها بكل جدية النابلسي:

"حياتك يا هانم هي أهم شيء في الوجود .. ولو فقدتي حياتك .. ح تعيشي من غير حياة!"

ساعتها ما قدرتش .. ومت على نفسي من الضحك.

لما قلبت القناة ..

لقيت قيادي من الإخوان المسلمين اسمه أحمد أبو بركة، بيتكلم بكل جدية عن هوية الأمة الإسلامية، وبيقول ما معناه:

"الهوية الإسلامية هي أهم شيء عند المجتمع .. ولو المجتمع فقد الهوية الإسلامية .. ح يعيش من غير هوية."

ساعتها حسيت إن دي نسخة جديدة من فيلم أخر كدبه .. لكن المرة دي من بطولة الإخوان المسلمين.

نفس طريقة البيع الكوميدية بتاعت عبدالسلام النابلسي .. نفس "الكاراكتر" (الشخصية) .. وش جد جدا .. بتقاطيع حادة ومتماسكة .. لكن بيقول كلام بيضحك جدا.

القيادي أحمد أبو بركة فيه شبه رهيب من عبد السلام النابلسي

ويمكن علشان كده هو من أكتر الوجوه الإسلامية قبولا في البرامج الحوارية .. وأنا شخصيا بأحب أتفرج عليه وهو بيتكلم .. وأعتبره أفضل شخصية مريحة ومقبولة في التيار الإسلامي بشكل عام.

بس ما كنتش واخد بالي إن السر .. هو التشابه العجيب بينه وبين عبدالسلام النابلسي.

فالقيادي أحمد أبو بركة عنده نفس تقاطيع وش عبدالسلام النابلسي الوسيم .. وكمان نفس جديته وعصبيته .. ونفس دماثة الأخلاق بتاعت النابلسي .. ونفس طريقة الإلقاء المتمكن من اللي بيقوله.

لكنه في الآخر للأسف .. بيقدم برضه نفس فقرة البيع الكوميدية بتاعت النابلسي:

"لو فقدنا الهوية الإسلامية .. ح نعيش من غير هوية."

عشان كده لازم المجتمع يشتري بوليصة تأمين على الهوية الإسلامية.

منين؟؟

طبعا من (شركة) الإخوان المسلمين.

ظريفة جدا الحكاية دي .. لأنها بتحسسك إن الدنيا في مصر ما اتغيرتش كتير .. لا في الإعلام .. ولا في السياسة .. ولا في التفكير ..

وده بيثبت إن هوية المجتمع المصري .. لسه زي ما هي.

الفرق بس .. إننا بدل ما كنا بنضحك على الأفلام زمان .. بقينا دلوقتي بيضحك علينا في الواقع.

المفروض إن الهوية هي: الحياة الثقافية والنفسية للمجتمع. يعني مش ممكن شعب يكون عايش من غير هوية.

فلما حد يطلع لنا في التلفزيون ويقولنا إن" "الهوية أهم شيء في الوجود .. وإننا لازم نحافظ على الهوية .. وإلا ح نفقد الهوية .. ونعيش من غير هوية"

ساعتها لازم نضحك عليه .. ومنخليهوش هو اللي يضحك علينا.





التعليق والتصويت على الموضوع في الموقع الرئيسي


التعليقات

1 - مشروع بني إخوان
كنعان الكنعاني ( 2011 / 9 / 18 - 12:20 )
طابور تسييس الدين سبق وقال ذلك عن الأتراك، وها هم يسبقوننا حضاريا وانسانيا بعشرات السنين بفضل نظامهم العلماني المدني-على نواقصه-. الهويه لا يمكن إلا أن توجد كما ذكر السيد الكاتب ، ولكن بشكل عام منها ما هو حاضن للتطور ومنها ما هو عائق له، والشاطر يحزر إلى أي صنف ينتمي مشروع بني إخوان. وشكرا

2 - للاسف
دعوة للحب والسلام ( 2011 / 9 / 19 - 00:31 )
دي حقيقة اصبح التليفزيون المصري ملك للاخوان المسلميين

وللاسف كل الناس نسيت وتناست من هم الاخوان المسلميين

ونيسوا انهم هم تجار المخدرات

وهم سارقون المحلات في مصر

وهم من قتلوا السائحيين في مصر


وهم من فجروا السيارات في مصر وقتلوا الكثير من الابرياء

للاسف التليفزيون وحتي الصحافة الحقيرة هم اعوان الاخوان المسلميين

وواضح انهم فعلا سرقوا الثورة المصرية

هم بيغسلوا عقول الناس عن طريق الشيوخ في المساجد وعن طريق اطعام الناس

طبعا بيصرفوا علي الناس الان بتلك الاموال المسروقة سابقا

اخر الافلام

.. هل بدأت معركة الولايات المتأرجحة بين بايدن وترامب؟ | #أميركا

.. طالبة تلاحق رئيسة جامعة كولومبيا نعمت شفيق وتطالبها بالاستقا



.. بايدن يقول إنه لن يزود إسرائيل بأسلحة لاجتياح رفح.. ما دلالة

.. الشرطة الفرنسية تحاصر مؤيدين لفلسطين في جامعة السوربون




.. الخارجية الروسية: أي جنود فرنسيين يتم إرسالهم لأوكرانيا سنعت