الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
سياسيون فاسدون, أم شعب كمش؟
سرمد علي الجراح
2011 / 10 / 6كتابات ساخرة
من الامثال المصريه الجميله, المال السايب يعلم السرقه. ومن يظن إن الاخلاق أوالدين يمنعان النفس الأماره بالسوء فهو واهم جدا
ولأن ثقافتنا الدينيه المنتشره هذه الأيام, تفيد بأن دمعه على الحسين تمحو ماتقدم من ذنبك وما تأخر!! هذا إذا كنت من أتباع أهل البيت
أما إذا كنت من أتباع أحد المذاهب الأربعه السنيه, فعليك أن تحج لبيت الله لترجع كما ولدتك أمك بل أنصع بياضا
هنا تجدر الاشاره الى أن الكافر وشراب العرق هو الوحيد الذي لاتنمحي ذنوبه لأنه لايبكي ولايحج, لذلك فهو الوحيد الذي يؤتمن لأنه يخاف ضميره ولا يريد أن يثقله بكثرة الذنوب
مما تقدم يمكنك كمؤمن, أن تفعل ماتشاء في هذه الحياة من موبقات وجرائم وسرقات, ثم تضغط على زر دليتDelete!! فتنمحي بقدرة قادر كل سيئاتك, وتبقى لك الحسنات كبخشيش على طاعتك لأهل العمايم, أدام الله ذلهم, قصدي زلهن, قصدي بعلهم أو بغلهم, والله نسيت شنو الكلمه الاصليه هلكد ما نايمين على خوانيكنه
زين عندي سؤال للمرجعيه الرشيده ولمشايخنا الافاضل من الشيعه والسنه, إذا السيئات تنمحي هيج على السريع وبلا وجع قلب, ليش خابصينه, صلوا وصوموا والطموا, ولاتشربون عرك, ولاتعاينون عالنسوان, ولاتغنون ولاتركصون, ولاتتفرجون افلام سكس, وانطونه خمس, ولاتصير من جماعة ابو خالد!!
أشو ماشاء الله, الدين يسر لا عسر, والطريق أمام المؤمنين سهل ومفتوح للتوبه والمغفره, وخصوصا لعتاة المجرمين وكبار السراق
لو بس حضرتكم كادرين على المساكين من أمثالي وتركضون وره النسوان هاي مو محجبه وذيج حاطه حمره. وهاي باتت تلعنها الملائكه. يعني الله يغفر ويمسح ذنوب هل السرسريه والمجرمين, واحنه ولد البايره مايسامحنه؟
من فطارتي كنت اتصور أعضاء مجلس النواب لما يروحون للحج كلهم, ويتركون البلد تايه, كنت اتصورهم طمعانين بهدية الحج والاجازه!!
بعدين ياله عرفت هذوله ليش يركضون على مكه, أثاري واحدهم شايل ذنوب أكثر من سكان الكلجيه مجتمعين, أيام الخير
فيريدون يريحون ضميرهم المؤمن, وياخذون استراحه حتى يبدون غزوه ايمانيه جديده, ينتفون بيها ريشنه, ويلغفون ماقسمه الله لهم من مغانم في هذه الفطيسه
والحقيقه حلال عليهم كل اللي يحصلوه, لأن إحنه شعب كمش على التيغه وماعدنه إحترام لنفسنه وللحياة
ومبروك عليك حجي نجيفي التواليت الجديد اللي سويته بمليارين دينار!!
خويه هذا مرحاض لو الصحن الطائر؟؟
بس عليك بداعت مجلس النوام, من تروح تحج جيبلي صوغه, أريد نعال جلد بعير ماركة عز الحبايب من مكه, أستعمله مثل ابو تحسين عند الحاجه, بس أمانه عليك, مو تعلس حتى الصوغه علينه!!
|
|
التعليق والتصويت على الموضوع في الموقع الرئيسي
التعليقات
1 - ما شايفين
حمورابي سعيد
(
2011 / 10 / 6 - 08:38
)
اخي سرمد....ما سامع المثل اللي يكول...ما شايف وشاف ك...امه واخترع .تحياتي
2 - ولك عيني سرمد
محمد الرديني
(
2011 / 10 / 6 - 08:58
)
يبدو يا سرمد لم تقرأ المعلومة المصاحبة للملياري دينار تأثيث قصر النجيفي الجمهوري والتي تقول ان هذا المبلغ شمل تأثيث الثكنة العسكرية الخاصة بحماية السيد الرئيس
ولك سرمد ثكنة عسكرية؟؟؟
ولك تهون لو كالوا 10 حماية بس ثكنة عسكرية؟؟
المهم انت تعافيت وعدت الى موقعك وهذا هو المهم
تحياتي
3 - لو تكتل روحك
عماد الخفاجي
(
2011 / 10 / 6 - 09:07
)
لو تكتل روحك محد يفتهم شتتكول وهسه يكفروك ويكولون ضد المرجعيه وضد المذاهب الاربعه لان انته رحت عله باب رزقهم عيف اللطم لتوصل يمه ولتوصل يم الخمس لان سويته قبلك وهسه ياهو الي اسولف وياه ايكلي اته من تمشي الكربلاء عود تعال احجي
4 - ردود الاخوان
سرمد الجراح
(
2011 / 10 / 6 - 12:32
)
والله يا استاذ حامورابي هذوله شافوه بس ما اخترعوا, وبكل هدوء وسكينه كاعدين يلقطون رزقهم, والانكى من ذلك الشعب دا يشوف وقابل
شكرا لمرورك عزيزي
صديقي الاستاذ الرديني, هسه صارت شويه تنبلع, ثكنه عسكريه, بيها قريولات حديد من السكراب ومغاسل وأهم شي مصلى ومأذنه, لأن الأيمان ينكط من اذانه اللي جنها دش مال ستلايت, بس هم عوافي عليه لأن احنه مانستحي مو همه, حاشاكم. وشكرا عضيدي لأهتمامك وسؤالك
الاستاذ عماد الخفاجي, طبعا مثلما تفضلت كلشي ولا الدخل, لكن يقبلون او مايقبلون يطبهم طوب. واقل مايقال عنهم انهم سراق ويأكلون السحت من أكبرهم الى اصغر مداس بيهم
تقبل فائق تقديري
5 - تيغة
سحر
(
2011 / 10 / 6 - 13:35
)
عاشت ايدك ، كلها بكوم والتيغة بكوم
6 - رائع كالعادة
يونس حنون
(
2011 / 10 / 6 - 19:42
)
عزيزي سرمد
وضعت اصبعك على الجرح المتعفن
فقهاؤنا يقولون لنا كل يوم ماخلاصته انه اذا اردت ان تصبح مليارديرا فلاتتعب نفسك وتبذل اي مجهود في جمعها
فالدين يسر وليس عسر
اسرقها واقتل واذبح في سبيلها ثم استغفر ربك بالحج او بالبكاء على الحسين ايهما اثوب في رايك وستغفر لك ذنوبك
فهل نستغرب هذا التنافس والاستقتال على الحج وعلى الزيارات
والمصيبة ان نموت ونروح لذيج الدنيا وتطلع القضية صدك
ونطلع احنا الكمش
7 - ءء
رسل
(
2011 / 10 / 6 - 20:08
)
مقالاتك تشفي القلب ... تحياتي! ..ء
8 - ردود الاصدقاء
سرمد الجراح
(
2011 / 10 / 6 - 22:08
)
الاخت سحر, شكرا لمرورك. اعتقد ان هذه الكلمه حتى اني ناسيها بس اجت وحدها وهي من المفردات العراقيه الجميله شكرا للطفك
دكتور يونس العزيز, تره الحساب بصالحنا شلون ماتحسبها, اذا طلع غفور رحيم احنه اول الناس اللي نستحق, واذا طلع مايغفر لا بدمعه ولا بحج فراح نشبع ضحك على الجماعه. واذا طلع كلشي ماكو فعلى الاقل اخذنا حقنه من الدنيا وطلعوا همه الكمش لأن كل لطمهم وجهادهم طلع بلاش
تحياتي وتقديري
الاخت رسل شكرا لك ولمرورك واتمنى لك دوام الصحه والسعاده
9 - لا تطول الغيبه علينا سرمد
Aghsan Mostafa
(
2011 / 10 / 7 - 14:49
)
وجعلنا من امامهم حاجزا ومن خلفهم حاجز اخر فأعمى بصيرتهم لينشر التعليق بدون واسطه الكا-تب!!!ّ!
تحياتي سرمد واهلا وسهلا بعد غياب.... طولتها هالمره ليش شنو ماكو احداث صارت بالعراق
العظيم بالفتره السابقه لو شنو؟ (بالمناسبه اني اسمع عن بلاوي سياسينا منك ومن مولانا الرديني) لأنه انتوا شويه تخففوها علينا حتى ماننصدم وتجيلنا جلطه!!!! انتوا تجيبوها بضحكه ساخره حتى نبلعها شويه شويه..... لعد تواليت بمليارين دينار!!!؟ اويلي!!!! فعلا هذه ماترهملها غير الي تفضل بيه صاحب التعليق الأول السيد حمورابي...... ويكولك اغصان تغلط من تحجي!!!! يابا سامحوني بس من اسمع بمثل هيجي بلاوي وكفر هو لساني يتبرى مني !!! لعد مو كفر الناس ماعدها تاكل وتشرب وملتهيه بس تدك وتلطم وواحد من الحبربشيه يتغوط!!!(مقرتها شويه) بمليارين؟ لا والأصخم تلاكيه كان يسويها قبلها بالجول!!!!!؟؟.....هسه نحجي جد، سرمد عيوني اني اقول انه لو ما كان الشعب كمش ماكان قدر يفسد هو اولا!!! وبعدها يزيد من فساد سياسيه معاه ....بمعنى اخر نقول من افعالهم سلط عليهم!!!........
تقديري واحترامي سرمدنا الورد وللجميع
10 - كلام في الصميم ... ؟
سرسبيندار السندي
(
2011 / 10 / 7 - 16:15
)
بداية تحياتي لك ياعزيزي سرمد الجراح [
وإلى أيام العرق والعراق والعامل والفلاح
ألله يلعن حصان طروادة
الدخل علينا الجراد بإسم الدين وهتلر السفاح
والغرق ألأمة بالجهل
والقفل على العقل بالرزة والمفتاح
والمصيبة يكولون العلم نور
بس لا يعبر السور ويحرم المنكاح
مبروك لمن حلل الغدر والقتل
ومثنى وثلاث ورباع وال... حتى الصباح
والحلل بإسم هبل
الخمرة في جناته والليالي الملاح
وأخر قولي أمة
لن يصحو ضميرها حتى على
أصوات المدافع وكل أنواع السلاح
مسك الختام سلامي للجميع من رب السلام
وألإعتذار عن كلامي ومن الكل السماح ؟
****
11 - شيفيد .. شيفيد
يوخنا دانيال
(
2011 / 11 / 1 - 12:37
)
الانسان الذي به ذرة حياء يخجل من كلمة بسيطة ويحاول ان يتغير الى الافضل .. لكن هؤلاء الساسة الاشاوس الذين في غالبيتهم رفعوا لواء الاسلام والمذاهب والطوائف , لم يتوقفوا ابدا عند حد وذهبوا الى ابعد ما يمكن في كل انواع الفساد واستغلال الشعب وثرواته من دون خوف او خجل ... وكأنهم راحلين غدا وهذه مغارة علي بابا او علاء الدين وعليهم ان يغرفوا منها اكثر ما يمكن قبل ان يستيقظ المارد او الجني ويهرسهم ويمزج دماؤهم بما سرقوه .. فيكونوا مثل القذافي وابنائه واذنابه ... الى متى .. الا تشبعون من مال الشعب ... شكرا ايها الاخ سرمد على هذه الكتابات الساخرة الحارقة المنيرة في ليل الظلم والجهل ,,, حتما لابد للمارد ان يستيقظ مهما طال الزمن .. عشرين ثلاثين اربعين سنة .. عندها ستضيع كل الاموال والمغانم وارواح اللصوص وكرامتهم وربما اقاربهم وعشائرهم
12 - زبدة الكلام -السبب-
فرمان خوشناو
(
2011 / 12 / 2 - 23:04
)
الاستاذ الكريم الجراح
إن أهم ما وضّحته في هذه المقالة وهو الرسالة الأبلغ هو ببساطة السبب وراء كل هذا كما تقول لأنه نحن ما عندنا إحترام لنفسنا وللحياة.. وهنا رباط السالفة فالأكثرية لا تدرك معنى احترام الذات و الحياة الكريمة بعد لذا تجدها ترضى بالهوان مستسلما للحاصل.
.. الأردن يتراجع 6 مراتب في اختبار إتقان اللغة الإنكليزية للعام
.. نابر سعودية وخليجية وعربية كرمت الأمير الشاعر بدر بن عبد الم
.. الكويت.. فيلم -شهر زي العسل- يتسبب بجدل واسع • فرانس 24
.. رحيل الممثل البريطاني برنارد هيل عن عمر 79 عاماً
.. فيلم السرب يتخطى 8 ملايين جنيه في شباك التذاكر خلال 4 أيام ع
