الحوار المتمدن - موبايل
الموقع الرئيسي


بوس الواوا

سرمد علي الجراح

2011 / 10 / 9
كتابات ساخرة


شلونك عيني سعادة وسيادة ونيافة وقيافة وزير النقل المحترم
تدرون ياجماعه ماكنت أدري عدنا وزير نقل, والحقيقه هاي الوزاره اصلا حديده عن الطنطل, يعني لا نفع ولا دفع.
شو الخطوط الجويه ولغيناها, والسكك الحديد, حديد مزنجر, والموانئ باقيه على حطتها من زمن الانكليز بأول جيه الهم. أما مصلحة نقل الركاب فالباصات صارن مفاقس للدجاج
شبقه للوزاره شغل؟ يمكن استوردوا أباعر وكاموا ينافسون أبو سفيان بتجارته للشام!!
لو راح يسوون عقد ويه دفانة النجف لحفر مترو حديث يربط مقبرة الكرخ بمقبره وادي السلام!!
أو ربما تقوم الوزاره بتجهيز زوار العتبات المقدسه المشايه, بنعل دنلوب أو ميشيلان!!
أو تقوم الوزاره بتوزيع خبز العباس مجانا للاخوه الاشقاء الزوار, من الجاره المسلمه ايران. بناءا على أوامر وتوجيهات المرشد الاعلى
كل هذا الكلام شنو علاقته بالبوس والواوا, ومنو اللي باس؟ ويانعال إنباس؟
في مقطع فديو حديث لوزير النعل, العفو النقل. يقوم فخامة وزيرنا بعمل غبر مسبوق في العلاقات الدوليه والاعراف الدبلوماسيه, وتعبيرا عن التلاحم والتلاصق والتلاحس والتماصص, بين قياداتنا والجاره المسلمه ايران
يقوم بالاصاله عن نفسه ونيابة عن الشعب العراقي العظيم والمجلس الاعلى الوضيع, بتقبيل يد المرشد الاعلى للجمهوريه الشاهنشاهيه الايرانيه. تعبيرا عن ولائه, وامتنانا وعرفانا بالجميل للمرشد الذي أجلسه على كرسيه الحالي
هاي كدام الكاميره وهيج تسوي!! ملعون ,لعد من طفه الضوه شسويت؟!!
حقيقة يجب ان تسجل براءة الاختراع هذه باسم العامري والعراق, لكي لاتسرق منا.
بس تدري ياوزير حتى بنت عمك ليلى العامريه طلعت أرجل منك, لأن مات قيس وما حصل منها بوسه, بس إنته لو كايلك خموني ,إنزع هم كان نزعت.
الفديو لمن يريد المشاهده

http://www.youtube.com/watch?v=4dKIC-rsN7k





التعليق والتصويت على الموضوع في الموقع الرئيسي


التعليقات

1 - الجواوا
حمورابي سعيد ( 2011 / 10 / 9 - 18:33 )
خوي سرمد.....حقه يبوس الواوا,من واحد عفطي صار وزير ,وين شايفها.مثل ما اتفضلت هاي كدام الكاميرا بس ورا الكوالس يمكن يبوس الجواواوا.تحياتي

2 - بلوة الواوا
Aghsan Mostafa ( 2011 / 10 / 9 - 19:19 )
سرمدنا الورد كنت اعتقد ان مقالك فيه خبر عن ست الحسن والدلال هيفاء لكن اتضح انه خبر عن السيد حمار النعال(معذره) بس تره لعبانه نفسي عن مايحصل بالعراق العظيم وما يفعله العراقيييييييييين بحالهم.......تصدق او لاتصدق هذا الشخص (الوزير) لو تسألني وين شايفته لح اكولك شكله ابدا مو غريب عليً، بأيام زمان بالصيف كنت اروح اني والوالده للعلوه حتى نشتري ركي (بطيخ) !!! هو شكله من هناك!!! بس متنكر من الدشداشه للبدله! .. لااقصد الأساءه لكن يااخي الناس مقامات!!، وعندما نرى الأمر يصل الى انه ابو الركي يصير وزير ويبوس الواوا نستطيع ان نتخيل وبكل سهوله الم الواوا عندما ينطفي الضوء! ...... عيوني سرمد ماتكولي شمسوين بدنيتنا احنا؟! حتى نبتلي هيجي بلاء!؟

عاشت ايدك على هالصيده!؟
تقديري واحترامي ياورده

3 - هذا تجني
علي الشمري ( 2011 / 10 / 10 - 05:44 )
الاخ سرمد الجراح المحترم
تره هذا الرجل لا يمس ألبو عامر لا من بعيد ولا من قريب ,أنه رجل فارسي الاصل ,كلمن كال انه من أل فلان صدكنه بيه؟لعد احنه شكد فقره؟؟؟مو من طرشنه ,,من
..طرش أيران)

4 - رايحين بالغلط
يونس حنون ( 2011 / 10 / 10 - 06:17 )
اني هم تصورت المقالة عن هيفا ، طلعت عن هادي العامري وهو يؤدي فروض الطاعة للمرشد الاعمى ويثبت بما لايقبل الشك ان من يحكم العراق اليوم عصابة من السفلة تضع مصلحة اسيادها قبل بلادها
شكرا ياسرمد لفضحك هذا الحشرة

5 - ردود الاصدقاء
سرمد الجراح ( 2011 / 10 / 10 - 18:20 )
الاخ العزيز حمورابي, يااخي والله شفنه عفطيه هوايه, بس حتى العفطي عنده كرامه. لكن هذوله الله من وزع الكرامه كانوا ماوجودين. تحياتي وشكرا لك
الصديقه اللدوده أغصان, هوه حتى شكله عبالك ركيه فطيره, ويثبت ان دارون نظريته غلط وان اصل الانسان بطيخه مبسمره. شكرا لتعليقك الظريف واللطيف مثلك
الاخ علي الشمري, هيه صارت تايها بهل زمان. وهمه هم مايزعلون لما تكوللهم عجم. والحقيقه هيه كلمه ماتزعل لأن الايرانيين ايضا شعب عريق ومحترم. لكن اللي يجلب العار ان يكون الشخص ذيل لكائن من يكون. تحياتي
دكتور يونس العزيز. يروحون فدوه للهيفاء ويمكن هوايه عليهم. هذوله مثلما تفضلت حشرات وصلت الى المناصب في غفله من الزمن ولذلك تراهم يتصرفون عندما جايجيه يقدمون الشاي والقهوه في احسن الضروف. تحياتي واشواقي

اخر الافلام

.. فقرة غنائية بمناسبة شم النسيم مع الفنانة ياسمين علي | اللقاء

.. بعد تألقه في مسلسلي كامل العدد وفراولة.. لقاء خاص مع الفنان




.. كلمة أخيرة - فقرة غنائية بمناسبة شم النسيم مع الفنانة ياسمي

.. كلمة أخيرة - بعد تألقه في مسلسلي كامل العدد وفراولة.. لقاء




.. كلمة أخيرة - ياسمين علي بتغني من سن 8 سنين.. وباباها كان بيس