الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
سات السيّد مابي لوله
سرمد علي الجراح
2011 / 11 / 1كتابات ساخرة
أرسل لي الأخ الصديق الأستاذ شامل عبد العزيز هذا الخبر المنقول عن مجلة البلاغ وقد وجدته في الانترنت منقولا عن جريده البينه كالاتي
آية الله العظمى السيد السيستاني يحل معضلة فلكية حيرت العلماء
في مطلع عام 2000 حدثت ازمة علمية في كوريا الشمالية ومضمون هذه الازمة ان كوريا الشمالية اطلقت قمرا صناعيا الى المريخ ولكن القمر خرج عن مداره 53
درجة وعبثا حاول العلماء الكوريون ارجاعه الى مداره الطبيعي بعدها استعانوا بعلماء روس وامريكان لأنقاذ القمر واعادته الى مداره ولم تجد هذه المحاولات نجاحا بعد ذلك اقترح احد العلماء المسلمين الاستعانة بامكانيات السيد علي السيستاني ( حفظه الله من كل مكروه ) في النجف الاشرف ولم يجد العلماء الكوريون بديلا عن هذه المحاولة اليائسة بالنسبة لهم وبعد زيارة الفريق العلمي الكوري لمقر السيد السيستاني ( دام ظله ) في النجف الاشرف طلب منهم سماحته ان يذهبوا ويأتوا في اليوم الثاني وهكذا كرر الطلب في اليوم الثاني وفي اليوم الثالث قًًدم السيد السيستاني مشورته العلمية للفريق الكوري المتضمنة اطلاق قمر مساعد ينطلق بوقت محدد وأخبرهم بأن القمر سيخرج عن مداره بـ ( 54 ) درجة وثم اطلاق قمر مساعد ثاني وبوقت آخر محدد بأجزاء الثانية ليخرج هذا القمر عن مداره بـ (60 ) درجة وسيجذب الاخير القمرين ( 54 ، 53 ) وأعادتهما الى مدارهما الطبيعي حينها اندهش العلماء بهذه المشورة العلمية الغريبة وبهذا احل السيد السيستاني ( دام ظله الوارف ) ازمة فلكية حيرت علماء العالم وهو يجلس على بساطه في دار لا يملكها منهم إلا أفقرهم
المصدر جريدة البيـنة التابعة لحركة حزب الله في العراق دعواتكم للسيد السيستاني خيمة العراقين الله يحفظه ويبقيه لنا
صلوا على محمد وآل محمد ولاتنسونا من صالح دعائكم. إنتهى الخبر
ياجماعه شنو قصدكم ؟ يعني الخبر كذب وماكو هيج شي
تره صدك انتو ماتخافون الله
هاي فوك ما الرجال يحل مشاكل ناسا, وناسنه وناس الخلفونه على هل قسمه السوده
تجون وتكولون كذب!! والسيد مايفهم بعلوم وابحاث الفضاء
لعد هوه منو اكتشف الصواريخ العابره للقارات غير الامام المسلم عبد القادر الكيلاني, لما شمر القبقاب من العراق للهند
هم كولوا هاي كذب؟ اصلا الهنود لحد الان محتفضين بالقبقاب الطائر وشاديله أنكر مال سفينه حتى مايطير مره ثانيه
للعلم السيد الشستاني الله يحفظه ويحنطه ماكو علم ما اله بيه بحوث, ولو هوه يحب الشهره كان كل سنه ياخذ جائزة نوبل لرؤية الهلال الحايرين بيها.
بس هم ميخالف آني كلش عجبني الحل مالته, وواضح انه حل علمي يستند الى درايه بزوايا الهندسه, وزواغير الحوزه
والفيكه مال يصعدون قمرين ويشدون القمر التايه بحبل كلش منتازه جدا, إي من راحلك فدوه انشتاين
بعمركم ياجماعه شايفين هيج كبسله؟ بس أريد من كاتب الخبر يكلي منين يشتري الحشيش؟ لأن مبين عليه خوش صنف ومامغشوش أبد
والضاهر متعلم علم الفضاء من المطيرجيه, من يطيرون طيورهم حتى الطير التايه يجي وياهن.
كل هالكلام يجوز اني شلت بيه غيبة المرجع ,لأن يمكن هوه لايقره ولا يكتب ولايشوف ولايسمع, لكن أكيد مايحجي, والعتب مو عليه, لكن العتب على هل الشعب اللوكي واللي يسوي من ياهو الجان إلاه!!
سوينه من عسكري خان شرف المهنه الزعيم الاوحد
ومن شقاوه ساقط قائد الامه العربيه
ومن زعطوط أحمق قائد سياسي يلعب بخشمه, وبمؤخراتنه
ومن ايراني محد يعرفه أو سامع صوته إمام الامه ومرجعها
الضاهر إن صناعة الآلهه مهنتنا التي لاغنى لنا عنها
بس اريد تفهموني لمن عدنه هيج علم يفتك اليمني ليش مانسوي ستلايتات دك النجف ونلطخها بجف حنّه عن الحسد, ونسميها شركة سيّد سات لغسل وتشحيم كافة الاقمار الصناعيه التايهه, وعين ناسا بيها عود
|
|
التعليق والتصويت على الموضوع في الموقع الرئيسي
التعليقات
1 - website link
sinan saeed
(
2011 / 11 / 1 - 09:43
)
can you put the link of that magazin or their website address, please.
2 - طرشي
حمورابي سعيد
(
2011 / 11 / 1 - 10:04
)
خوية سرمد...لعد اشعبالك ,هذولة السادة يعرفون كل شي.ما سامع بالسيد المهاجري اللي اخترع الجكليته اللي تشفي عشاير بكاملها .ولا تنسى طرشي النجف اللي ياكله ما يتمرض ابدا والشايب العمره 100 سنة يرجع الى صباه وبقوة اربعين حصان .تحياتي
3 - ردود الاصدقاء
سرمد الجراح
(
2011 / 11 / 1 - 10:43
)
السيد سنان سعيد المحترم, ماعليك إلا أن تكتب في كوكل, السيستاني يقهر علماء الفلك. لتظهر لك عشرات المواقع التي تؤكد الخبر. ففريق بنت النبي يهلل له وفريق زوجة النبي يستهزء منه. شكرا لمرورك الكريم
الاخ العزيز حمورابي, ادري يفتهمون بكلشي, بس ليش محد يسألهم لعد شبينه طايح حظنه حاشاكم. إذا تعرفون كل هل العلم. تحياتي لك
4 - فضائل السادة
عباس فاضل
(
2011 / 11 / 1 - 14:31
)
اخي العزيز , لاخير في امة لا تحترم علمائها ! يعني شنو المشكلة انو السيد العجمي يرجع قمر لمساره ؟ ادري مو احنه اختصاص بالفضاء ؟ شنو يعني متصدك ؟ زين اسألك : الفيل
يطير لو لا ؟ اكيد راح تكلي لا , لان اكيد انت ناصبي . زين دروح خويه لهذه الموقع وشوف الامام الباقر شلون سوه فيل من طين وطار بي لمكة
http://www.wylsh.com/contnent/articles.php?ID=73
5 - ههههه
sinan
(
2011 / 11 / 1 - 15:03
)
قوية مال طار بالفيل ...هههههههههههه
6 - سرمد الورد
جاسم الزيرجاوي-مهندس أستشاري
(
2011 / 11 / 1 - 15:10
)
سرمد الورد
السيستاني ( دام ظله )
مو بس ساعد الكوريين الشماليين
ايضا ساعد الكوريين الجنوبيين في تحويل النفثا الى نايلون
و ساعد اليابان في التخلص من اثار اليورانيوم
و تفل بوجه بوش و الاخير الان اعمى اطرش
قبلاتي
7 - ناسا
سمير فريد
(
2011 / 11 / 2 - 02:18
)
السيد سرمد الجراح المحترم
لا ادري لماذا يصيبكم الحسد انت وعصابة العلمانيين اليوم عقد موْتمر صحفي تلفزيوني في ناسا وكان الموضوع يدور حول الطريقة العلمية التي تم بها باْعادة الاْقمار الى مدارها الحقيقي والطلب من المخابرات العالمية اكتشاف نوع الحبال المستعملة في عملية الاْلتحام بين الاقمار وهناك مقترح بمنح هولاء العلماء جوائز نوبل لهذه السنة وللسنين القادمة ...جيب الزحلاوي يا ولد واليوم الشرب بالطاسه
8 - كل شيء بالسيد .. ما بيه لوله
هادي علي
(
2011 / 11 / 2 - 07:50
)
يا سادة يا كرام .. ما العجب في أن يكون للسيد السيستاني القدرة على تصحيح ما أخطأ به العلماء والمهندسين , أليس هو من أولياء الله الصالحين وإتصاله الدائم بالمولى عز وجل وبأقل من لمح البصر , وله مَلاك خاص يوحي له ما ينطق ويقول , وهو لا يختلف عن العلوية زينب وتفلتها المشهورة في شفاء عمى العيون وبدون تدخل جراحي , وعندما تسأل المحيطين بالعلوية عن هذه القدرة العجيبة يقولون إن كل ما تفرزه العلويه فهو مبارك وفيه نفع للعالمين , إنهم جميعاً من العشرة المُبشرين .. ومن كل ما تقدم ما ينفع مع هذه الخزعبلات غير تفلة العلوية .. وهي الدواء الشافي المُعافي لكل عللنا الكثيرة والمستديمة .. وإن لله في خلقه شؤون .. مع التحية
9 - حقد طبقي ليس الا
ايار العراقي
(
2011 / 11 / 2 - 10:22
)
يعني مداافهم ليش هذا المقال وليش هذا التشكيك غير المبرر
السيد السيستاني خريج الحوزة العلمية وهي مختصة بشؤون العلم كما هو واضح ومثبت بل هو الاعلم من بين خريجي الحوزة فهل تعلم ياسيدي معنى ان يكون الاعلم؟
انا اعتقد الموضوع مجرد حقد طلقي من السيد سرمد لانه ناصبي ومكانه الطبيعي في النار وانا والسيد السيستاني في الطبقة العليا من الجنة طبعا معلنل العديد من الاخوة المؤمنين وبعض الكوريين ممن اعدنا القمر اليهم
شكرا
10 - ردود الاصدقاء 2
سرمد الجراح
(
2011 / 11 / 2 - 12:02
)
السيد عباس فاضل, تره ياجماعه آني مصدك واحلف بداعة مقتدى وانشاء الله أكمعه إذا هل كلام مو صحيح. أصلا الساده الله يحفظهم لو ماهمه ما كان بقت ولا قمله براسنه. تحياتي
الاخ سنان, تره الاقوى منها صنعه من طين, عاد وين ركب المحرك ماندري. تحياتي
الاستاذ الزيرجاوي الاورد, كل هاي الاختراعات وتكولون شدعوه ياخذ خمس. لعد احنه شكد كفره. لو اني من رب العالمين كان كتبتله كل فلوسكم, وهوه ينطيكم خرجيه
تحياتي
الاستاذ العزيز سمير فريد, مو احنه العلمانيين شويه دماغنه مايشتغل لأن لانضرب زنجيل ولا قامه, ولذلك مانكدر نتخيل شلون كرندايزر عنده حبال ويجر القمر الصناعي. همزين ماكالو من جره للمدار طلع منه الجني اللي عوَجه. تحياتي
11 - ردود الاصدقاء 3
سرمد الجراح
(
2011 / 11 / 2 - 12:24
)
الاخ الكريم هادي علي, العلاج بالتفله مجرب جدا ويستعمل لدينا وبنسبة نجاح عاليه جدا تصل الى ميتين بالميه, يعني العلويه من تتفل على المريض يطيب هوه والخلفوه. لا والخبر الجديد يكولون حتى بولتها بانزين محسن. هاي تجي لاوربا يشدون عليها بانزينخانه. تحياتي
الاستاذ أيار العراقي العزيز, يا خويه والله اني هم تيهت ساعه أطلع علماني وساعه ناصبي وساعه رافضي, كلها ميخالف افتهمتها. بس الي ماافتهمته هوه, حضرتك شلون راح تجرع الجنه وانته مكابل هذا الحلو كاتلني يعمه؟ فنك تجاوبني. محبتي للجميع
12 - نطالب باقمار صناعية اخرى
يونس حنون
(
2011 / 11 / 2 - 13:35
)
عيوني سرمد
ربما وعسى ولعل ان يستلهم السيد انقاذ العراق من الدمار بنفس طريقة انقاذ القمر الكوري
يعني شكو بيها لو امر السيد بارسال قمر صناعي فيه وزراء العراق يتبعه قمر صناعي ثاني فيه سياسيي العراق وعلى راسهم مقطاطة الى المشتري ، اذ ربما يتعدل مسار هذا البلد المسكين
13 - ردود الاصدقاء
سرمد الجراح
(
2011 / 11 / 2 - 14:22
)
دكتور يونس العزيز, هيج يسويها الحظ ونشوفهم كلهم كاعدين بالسفينه للمشتري, خو مقطاطه راح يكول أني لا أريد أشتري ولا أبيع حبيبي. عباله رايح لسوك العوره بالجوادر
تحياتي
14 - جهنم بالسيف اهون منزل
ايار العراقي
(
2011 / 11 / 3 - 10:34
)
سرمد والله حقك يمعود اصلا ليش هيه وكفت على صاحبنه حبيبي مو اللي مخفي اعظم مصيبة هناك ابن لادن والعزيز والخميني وابو العينين الشعيشع لاعمي اجي وياكم ام كلثوم وسامية جمال وعبد الحليم عشر جويات باليوم تهون ولااكابل خلقة الحلو اللي جاتلني وجاتلك دهر باكمله
دمت لنا
15 - كل كلامكم يؤكد رسوخ عقيدتنا
عبدالله الرافضي
(
2011 / 11 / 21 - 12:30
)
اذا كنتم علمانيين فالمفروض تهاجمون كل رجال الدين من سنه وشيعه بس ماعدكم غير علماء الشيعه تهاجموهم تدرون ليش؟ لان بقرارة انفسكم تعلمون ان من يحمل الدين الحقيقي هم علماء الشيعه اما اولئك اللذين هم بالضد من الشيعه فتعلمون انهم من فريقكم
وشبه الشيء منجذب اليه******* واشبهنا بدنيانا الطغام
على فكرة كلامكم هواي ينسجم مع الحوار ال-مووووتمدن- ههههه
16 - اصفنو ويايه شويه بالله
كعك ابو السمسم
(
2011 / 11 / 24 - 22:06
)
ادري من بعد ما بعث محمد ابن عبد الله في الجزيره العربيه يعني شنو كامو الناس كل واحد يتفل و يبول عالثاني ؟؟ و عادي الشغله كرايبه(ال بيته) هم و اصدقائه (الصحابه)و اولياء الله الصالحين بس يشوفولهم واحد يغسلون وجه بالتفال ؟؟
طبعا هاي المقاله حفزتني راح اقره تاريخ الامام الباقر لان اريد اعرف هو وين عاش و وين راح بالضبط و الاماكن اللي زارها بالتحديد لان بصراحه اريد اعرف هو شاف فيل بحياته حته يسوي تمثال من طين و يطير عليه؟زين ليش فيل بالتحديد؟ليش مو حصان؟ليش مو جراده؟زين ليش ميطير هو وحده بدون حيوانات ؟؟؟؟؟
بس يمكن لان الفيل بي يدات اثنين و كير خرطومي هههههه
اصفنو بيهه مو معقوله ؟؟؟؟؟
.. فيلم #رفعت_عيني_للسما مش الهدف منه فيلم هو تحقيق لحلم? إحساس
.. الفيلم ده وصل أهم رسالة في الدنيا? رأي منى الشاذلي لأبطال في
.. في عيدها الـ 90 .. قصة أول يوم في تاريخ الإذاعة المصرية ب
.. أم ماجدة زغروطتها رنت في الاستوديو?? أهالي أبطال فيلم #رفعت_
.. هي دي ناس الصعيد ???? تحية كبيرة خاصة من منى الشاذلي لصناع ف
