الحوار المتمدن - موبايل
الموقع الرئيسي


الجزء 1: النظام التجنيدى الحالى و إطاره القانونى

مايكل نبيل سند

2011 / 11 / 10
حقوق الانسان


هذه سلسلة لمقالات "لا للتجنيد الإجبارى":

بينظم الخدمة العسكرية فى مصر، قانون الخدمة العسكرية و الوطنية (قانون رقم 127 لسنة 1980) بتعديلاته.

القانون بكل بساطة بيشتمل على:
- خدمة عسكرية إجبارية للذكور المصريين (دون الإناث).
- البنات ملزمين قانونيا بتأدية الخدمة العامة (فى مؤسسات مدنية مش فى الجيش)، لكن فعليا معظم البنات مش بيأدوا الخدمة العامة، و مفيش أضرار بتحصلهم نتيجة عدم تأديتهم للخدمة العامة.
- فترة التجنيد للشاب بتتراوح بين سنة و 3 سنين، حسب المؤهل و الرتبة اللى الشاب بيتجند فيها.
- سن التجنيد هو 18 سنة، مع مراعاة تأجيل الخدمة العسكرية لطلبة الجامعة لحد ما يخلصوا دراستهم.
- فيه مجموعة من الأسباب اللى على أساسها ممكن الشاب ياخد إعفاء من التجنيد، أهمها الأسباب الطبية و الاجتماعية (زى وفاة الوالد أو عجزة عن العمل أو خروجه لسن المعاش).
- الشاب المجند بمجرد تجنيده بيتحول لشخص عسكرى، و بتسقط عنه كتير من حقوقه المدنية (زى حقوقه السياسية)، و كمان بيسرى عليه فى فترة تجنيده قانون الأحكام العسكرية، و يحاكم أمام القضاء العسكرى (مش القضاء المدنى).

الإطار القانونى
العلاقة بين المدنيين و العسكريين فى مصر بتنظمها مجموعة من التشريعات المهمة، و اللى معظمها ليه علاقة بالتجنيد الإجبارى:
1- الدستور المصرى (دستور عام 1971): فى المواد الخاصة بالقوات المسلحة (180 – 181 – 182 – 183)، و المادة الخاصة بالشرطة (184)، و المادة الخاصة بالتجنيد الإجبارى (58)، و المادة الخاصة بالمحاربين القدامى (15).
2- قانون الخدمة العسكرية و الوطنية (قانون رقم 127 لسنة 1980).
3- قانون الأحكام العسكرية (اللى بينظم القضاء العسكرى و أحكامه).
4- قانون منع نشر أى معلومات عن القوات المسلحة (قانون رقم 313 لسنة 1956، و المعدل بالقانون رقم 14 لسنة 1967).
5- قانون مباشرة الحقوق السياسية (المواد المتعلقة بمصادرة الحقوق السياسية لأفراد القوات المسلحة، و المواد المتعلقة بمصادرة الحقوق السياسية عن اللى مأدوش خدمتهم العسكرية).





التعليق والتصويت على الموضوع في الموقع الرئيسي


اخر الافلام

.. بسبب خلاف ضريبي.. مساعدات الأمم المتحدة عالقة في جنوب السودا

.. نعمت شفيق.. رئيسة جامعة كولومبيا التي أبلغت الشرطة لاعتقال د



.. في قضية ترحيل النازحين السوريين... لبنان ليس طرفًا في اتفاقي

.. اعتقال مناهضين لحرب إسرائيل على غزة بجامعة جنوب كاليفورنيا




.. بينهم نتنياهو.. مذكرات اعتقال دولية بحق قادة إسرائيل بسبب حر