الحوار المتمدن - موبايل
الموقع الرئيسي


التيار الديمقراطي العراقي

جواد القابجي

2011 / 11 / 13
الادب والفن

إذا عدهم كُتل قايدها الهِتِر
عدنه ديمقراطي تيّار اونچَر
********
شوف مسكين الشعب بيش ابتله
گلنه راح الفلته .. حُكمْ العايله
إجت بالبول الوجوه إمغسِّله
لا حيا اولا مستحه اوماتنستِر
************
ليش يارب تدفع اعلينه البلاء
يصير يحكم بيتنه هلجُهلاء
حللوا بوگ او نهِب چذب ورياء
وصار عالأشراف يتأمَّر قذِر
***********
هيجي ماشفنه على مَر العصور
صار لِعصافير ترهب بالنسور
او نعرف الدولاب مايوگف يدور
إلچان فوگ إنشوفه بالتالي حَدِر
*************
هاي مولعبه ولك هذا العراق
خلها حُسّاد او عذل تنشر نفاق
إلما يحبنه مو إبنَّه .. هذا عاق
واليحبنه ابنص گلبنه يستِقِر
************
لا ولاء او ألف لا للإحتلال
كلنه صوت إوللسياده لامحال
اوما أظن تبقه المزابل والأنذال
اولا نبقِّي شائبه .. او كلمن قَذِر
****************
للديِمقراطيه تيّار إنبِنه
مو غُرُبْ .. عينات من اشبابنه
فِكر حُر .. او هُمَّه كل اعراقنه
وللبناء اسواعد الما تندِحِر
**********
هذا عِز الطلب تيّار الجبال
من جنوب اوشَرق والغرب وشمال
بي تجمّع طيب والعز والأَمال
او فدوه لعراقنه نمتدله جِسر
***************

---

---

---

التعليق والتصويت على الموضوع في الموقع الرئيسي

---

.. حوار من المسافة صفر | الفنان نداء ابو مراد | 2024-05-05


.. الشاعر كامل فرحان: الدين هو نفسه الشعر




.. جريمة صادمة في مصر.. أب وأم يدفنان ابنهما بعد تعذيبه بالضرب


.. عاجل.. الفنان محمد عبده يعلن إصابته بمرض السرطان في رسالة صو




.. انتظرونا غداً..في كلمة أخيرة والفنانة ياسمين علي والفنان صدق