الحوار المتمدن - موبايل
الموقع الرئيسي


بلدى بعد ما العسكر عشش فيها

زهرة الشمس محمد

2011 / 11 / 23
الادب والفن


صحيت بأدور على بلدى
لاقيت العسكر معشش فيها...
قالوا طهريها
قلت وإيش تعمل الريح
فى بلد الدببه
وغربان العسكر عشتت فيها!
قالوا حامينها....
قلت حاميها حراميها
قالوا بتبالغى!
قلت خدوا عينى
اللى أتعميت بالغاز شوفوا بيها
قالوا قاسيه
قلت خلى رصاص الخرطوش
يدخل من رجلك
يطلع من اللى جنبيها
ساعتها هأتعرفوا...
أنه فاض بيا وبيها!
قالوا خليكى ساكته
قلت وبطنى...
من الحسرة فين أفضيها!!
قالوا خليكى مسالمه
وإمشى جنب الحيط
قلت مشيت على
الخراطيش...
لحد ماجسمى أتهرى بيها!
قالوا هأتروحى على فين؟
قلت على أصحابى فى زينهم
ماهى الجثث راحت
ومش لاقيها اللى يؤيها
خدعوك يا شهيد
وجثتك مافيش ولا خشبه
راضية بيها!
أصل الشهيد بقى
عندهم بلطجى وحرامى!
من يوم حاميها
ما بقى حراميها
طفح الكيل يا بلد
وعايزينى أكرها وأسيبها
طيب أروح على فين؟
قالوا روحى على بلد جنبيها
وحلفت ماسيبك يا بلد
غير لما السلطه
تروح لأهاليها
وحلفت ما سيبك يا بلد
حتى لو صفوا دمى
نقطة نقطه
المهم أنه يتقطع
نَفسى وأنا فى أراضيها
وساعتها هأسيبك
يا بلد وكل حلم الشهيد
أن السلطة تروح لأهاليها
أصل عاشقك يا بلد
وطالب القرب منك فيها
ومهرك يا بلد
إن السلطة تروح لأهاليها
قلت غالى يا بلد
ودمى حنتها
وكفنى توب زفافها
بس قولى يا بلد
قبلت السلطة تروح لأهاليها
قبلت السلطة تروح لأهاليها
وقبلنا الشهادة يا بلد
فدا تراب أراضيها





التعليق والتصويت على الموضوع في الموقع الرئيسي


اخر الافلام

.. موجة من ردود الفعل على رسالة حكومية مُسربة تؤيد ترشيح وزير ا

.. محمد الأخرس: الرواية التي قدمتها المقاومة الفلسطينية حول عمل



.. مدير مكتب العربية بفرنسا: التمثيل داخل البرلمان الأوروبي مرت

.. موجة من ردود الفعل على رسالة حكومية مُسربة تؤيد ترشيح وزير ا



.. مفارقة في قضية ترمب ودانيلز.. الممثلة مدينة له بآلاف الدولار