الحوار المتمدن - موبايل
الموقع الرئيسي


شئ لزوم الشئ

زهرة الشمس محمد

2011 / 12 / 7
كتابات ساخرة

مالكش نفسى يا قلمى تكتب أى شئ!
ماهو الشئ لزوم الشئ!
واللى أنت شايفة يا قلمى يفوق كل شئ!
عمال تشوف إنتخابات ودواير
وبلطجية أختفوا فجأة من الحواير!
شايف ناس مرة على البساط
وشايف ناس مرة على الحصير
شايف ناس فى العباسيه
وشايف ناس فى التحرير
ناس تقول الثورة غيرتنا
وناس تقول لا لسه محتاجين تغير
ناس تسقف للعسكرى
وناس تقول ضدك يا مشير
مرة يقولوا الشهدا عدهم أربعين
وناس يقولوا ألف وخفوا الباقين
مرة يقولوا القنابل كيماوى و فسفور
ومرة يقول لا... ده غاز مالوش تأثير
تهت يا قلمى ومانتش عارف شئ!
يا ترى تكون مع ولا ضد التغير؟
تركب ميكروباس العباسيه؟
ولا تركب ميكروباس للتحرير؟
تهتف لحكم العسكر!
ولا تقول ضدك يا مشير!
مانتش عارف أنت مع ولا ضد التغير؟
الأحسن يا قلمى أنك ماتكتبش أى شئ
ماهو أصل الشئ لزوم الشئ!
واللى انت شايفه يا قلمى يفوق كل شئ!
*******************************

---

---

---

التعليق والتصويت على الموضوع في الموقع الرئيسي

---

.. مقابلة فنية | الممثل والمخرج عصام بوخالد: غزة ستقلب العالم |


.. احمد حلمي على العجلة في شوارع روتردام بهولندا قبل تكريمه بمه




.. مراسل الجزيرة هاني الشاعر يرصد التطورات الميدانية في قطاع غز


.. -أنا مع تعدد الزوجات... والقصة مش قصة شرع-... هذا ما قاله ال




.. محمود رشاد: سكربت «ا?م الدنيا 2» كان مكتوب باللغة القبطية وا