الحوار المتمدن - موبايل
الموقع الرئيسي


هل أنت مالكاوي أم علاوي؟؟

سرمد علي الجراح

2011 / 12 / 23
كتابات ساخرة


حدثنا ابو العتاوي بن معاويه الكربلاوي, عن جده مشعول الصفحه, عن خالته كزيده بنت أبي لهب, قال: ولما خرج الامريكان من بلاد مابين الفخذين, أستبشر بعض الغشمه خيرا, وظنوا إن الديره ستصبح حلوه وزهيّه, وإن الهور سيصبح مرك والزور خواشيك
ولكن أكثر الرعيه وبحدسهم التاريخي, علموا بأن خروج العم سام سيعني مجئ آية الشيطان العم خام-منئي
فتهيئوا للبلاء واستعدوا للطم والبكاء
وحقيقة لم يدم انتظارهم طويلا, فقد بدء رئيس الوزراء فورا حملة شعواء على خصومه ممن لايحملون ولاءا لآية السفيه
فردّ هؤلاء بمايعرف عنهم من بساله وسفاله بالتفجير والتفخيخ
ووكع أولاد الخايبه بالنص لاماكلين ولا شاربين
فالناس تعرف أن لاناقة لها ولاجمل, في صراع بين قتله وارهابيين, أو في أحسن ألأحوال بين شقاوات وفاسدين
وفوق هذا وذاك يخرج عليهم الشفيّه حامي الحمى, وقد أصابه الغرور بالعمى ليقول: إنه يحتفظ بملفات للفساد لأكثر من ثلاث سنين!!
وهذا إثم لو تعلمون عظيم, وجريمه يعاقب عليها في الدنيا والاخره
ففي الدين, الساكت عن الحق شيطان لابس مناظر
وفي الدنيا, التستر على المجرمين يجعلك شريكا لهم وفاسقا مثلهم
أما وكونك أعلى مسؤول في الدوله الفحطانه, وقد حلفت يمينا بحمايتها والدفاع عنها, فأنك بالسكوت لثلاث سنين, تكون قد حنثت بيمينك ولطخت شرفك بالأثم
فلو إن شرطيا شاهد سارقا ولم يحاول منعه لأعتبر خائنا لمهنته
فما بالكم برئيس وزراء يرى مجرمين ويسكت؟؟ حفاظا على كرسيّه وصيانة لمنصبه
ولكنه كان زمنا أغبر, ضاعت فيه المقاييس وأصبحت الرذيله والفحش في القول والفعل منقبة تُعد من الحسنات, وإكليلا يُفتخر به
ثم كان من أمر الأمه أنها أنقسمت إلى شيعاوي وسناوي. فلا هذا بناج ولا ذاك بمأمن, عن شرور أمراء الأرهاب وزبانية جهنم الذين يلبسون ثوب التقى وسمت الورع. ويدعون انهم حماة الأرض والعرض, وهم بلا ارض أو عرض
ثم راح الناعقون يصرخون, فهذا مالكاوي وذلك علاوي, ولا تدري ايهما أسوء أو أيهما يقودك للجحيم بفيراري أم موزراتي اسرع
فبدء الخراب وعمت الفوضى وأطلت شياطين الجحيم برؤوسها.
فكانت بداية لشر النهايات, وكل مطاف الى منتهى*

*مأخوذ عن بيت للجواهري: لشر النهايات هذا المطاف وكل مطاف الى منتهى





التعليق والتصويت على الموضوع في الموقع الرئيسي


التعليقات

1 - الديمقراطية العراقية ؟؟؟
شامل عبد العزيز ( 2011 / 12 / 23 - 09:58 )
على سؤالك أنا زملكاوي وأوربياً برشلوني
أحدهم يقول - المالكي - ليبرالي - علماني - ديمقراطي -؟؟؟؟
المهم دعوه يبني الوطن ؟ من ديمقراطية أبو إسراء جواد سابقاً - أن الانتخابات القادمة سوف تكون حسب الاغلبية بس ما أعرف ليش ما صارت على الاغلبية قبل سنة ؟
اعتقد أن هذا هو الطريق الصحيح نحو الديمقراطية وخصوصاً الجلوس في أحضان - خامنئي وبدلاً من تقبيل أيادي اولاد العم سام ذهبوا إلى اهل العمائم ؟
هذه هي الليبرالية من وجهة نظر العراقيين ,, ما تشوف صار برأسنا خير و5 مليون خارج البلد مع مليون أرملة واما البطالة والفقر بعد مرور 9 سنوات فالويل والثبور
من يريد أن يعيش في العراق ويقول أنه ديمقراطي ليبرالي - مدعو او معزوم عندي لمدة شهر فقط حتى يشوف الليبرالية والديمقراطية الحقيقية مو الجذب
والله سرمد صديقي العزيز البعض الأفضل له ان يسكت لا بل أن ينام ولا ينهض ولا يكتب عن أن العراق بلد ديمقراطي ؟
إن لم تستحي فإفعل ما تشاء - حشاك - وحشا الشرفاء
خالص تحياتي صديقي العزيز
مع الاحترام

2 - جلاب مجلوبة
عباس فاضل ( 2011 / 12 / 23 - 14:33 )
فد ايوم جان اكو جلب شرس بفد قرية مروع الناس اذا ما يذبوله عضمة يعضهم وبالليل محد يكدر يطلع , الناس ضاجت فراحوله بالليل وكتلو وخلصو منه وسهرو للصبح دك اصبع وعرك وركص , بس عرك حلال وركص شريف مال اهل العمايم ,ثاني يوم طلعو للشارع واذا قطيع جلاب مجلوبة تهجم عليهم وتملخهم وماكو فايدة حته من يذبولهه عظم تعظهم !!! بيهم ختيار سألو شنو القضية منين هالجلاب ؟ كلهم ذاك الجلب جان خاصي ذوله الجلاب ومخلصكم منهم ... يعني لو باقيه عله عمار الاولي جان احسن عله الاقل تفض بعضمه

3 - القباحه
Aghsan Mostafa ( 2011 / 12 / 23 - 17:31 )
تحياتي سرمدنا الورد، ياعزيزي سرمد يبدو ان غالبية الناس تعودت على القباحه واصبحت معتاده على القبح والسم الذي يتفوه به المسعورين!!! ومعك حق هل هناك اقبح من ان يقال علنا ومن حامي الديار انه ساكت عن ملفات فساد ولمدة 3 سنوات ؟!!! هاي شيسموها بالعراقي ؟؟؟؟ اني اعرف بس مااريد اكوله اخاف ينحذف التعليق بس اكيد انت وصلك!!!؟
من صدق ياسرمودي من البارحه الى اليوم ما الي نفس اضحك، برغم مقالك بيه كلمات تضحك بس روحك وصلتنا حزينه ومعك حق ـ وعيونك سرمدنا مليوصه ومابيها امل لأنهم تاركيها على الله والله شيريد يصير عليمن يلتفت ؟؟؟اي مو نفسه بزعت منا!!!! خلقنا وابتلى بينا خوما خلقنا وابتلى بينا؟؟!!! سؤوال يطرح نفسه بالكاع ويتمرغل ويضرب جقلمبه، كلي العراقيين هم لح يرجعون ينتخبون نفس الوجوه مره ثانيه؟؟؟؟ وفي حالة انتخبوا غيرهم لح يصير تحسن ؟؟؟؟ اني أشك!!! فالجواب باين من عنوان تعليقي!!!؟

احترامي سرمدنا

4 - نسيت الرابط (الهديه)!!!؟
Aghsan Mostafa ( 2011 / 12 / 23 - 17:54 )
سرمد والله اني مبين كبرت بالعمر صايره انسى هوايا!!! هذا رابط يمكن يكون قديم بس بالنسبه الي جديد ماشايفته قبل، بللا اتفرج عليه وكولي بشنو يذكرك وشنو الفرق؟.... من نكول العله منااااااااااااااااااااا ماحد يصدك؟؟؟؟
يااخي اني هيجي دوده بينا ماشايفه ولا لح اشوف بحياتي ؟؟؟ بس همه مادام هيجي يحبون الدود على شنو يشكون من الحكه!!!؟ بالمناسبه اخاف احد يعترض على الفديو ، اني نزلته علمود الرجال خطيه طلب انزله وننشره ونرويه للعالم كله ولازم نحترم رأيه!!!؟ أمانة هذه !!!؟

http://www.youtube.com/watch?v=E4NZUYePqVE&feature=related

5 - تادبوا
عراقي قبل اي شيء ( 2011 / 12 / 24 - 01:16 )
بعض الردود تؤكد ان اصحابها بعيدين عن الاداب بمسافات ضوئية

6 - تعليق 5
Aghsan Mostafa ( 2011 / 12 / 24 - 15:19 )
شكرا جزيلا لتأكيد ماجاء بتعليقي 4 اعلاه، فها انت تؤكد بأنك عراقي بحق!!!!!!، ذكرتني بالمثل العراقي : الي مايعرف يركص يكول ..... تأدبوا
أمتناني للتأييد والتأكيد

7 - ردود الاصدقاء
سرمد الجراح ( 2011 / 12 / 24 - 20:01 )
الاستاذ العزيز شامل, بعد ان عشت عمر كامل في الغرب وعرفت شيئا مهما وهو اننا لانعرف معاني الاشياء والكلمات والصفات. ونطلق جزافا كلمات في غير موضعها كهذيان المجانين. والا مثلما تفضلت مامعنى ان يطلق على السيد المالكي كلمة لبرالي او ديمقراطي وهو الذي سرق نتائج الانتخابات عيني عينك.
فلو حدث هذا في اي ديمقراطيه في العالم لشاهدت المظاهرات تقيم الدنيا ولا تقعدها. ولخرج الخاسرين قبل الفائزين تنديدا واستنكارا
او ان يقال عن العراق ان به ديمقراطيه وهو بلد احسن مايمكن ان يوصف به, هو انه كشخص متخلف عقليا وكسيح في عربه يقودها اغراب الى الجحيم
تحياتي
الاستاذ عباس فاضل, وهل يجب ان نبقى الى الابد بين مخلب هذا او ناب ذاك من الكواسر. ياعزيزي لابد من ثمن يدفع من اجل الانعتاق ومن سوء حظنا اننا ولدنا في زمن الدفع
تحياتي

8 - ردود الاصدقاء
سرمد الجراح ( 2011 / 12 / 24 - 20:20 )
العزيزه اللدوده اغصان, يروح حاكم ويجي حاكم لكن الشعب باقي نفسه!! وحتى اذا كان الحاكم زين راح نفسده ونطيح حظه بتصرفاتنه التافهه كصاحب الفديو البطل
بس اني انقهرت لأن الارهابي الكلب ابن الكلب, حاشاكم, ما طكه بالدهن واخذه وياه للجنه وخلصنه منه
غصونه صدك بالناسبه كلما تكتبين تعليق اسمع صوت جرس يجي باذني ماتكوليلي شنو السالفه؟؟
تحياتي
الاخ عراقي قبل كل شئ, شكرا لمرورك, في مرة من المرات اتهموا مظفر النواب بالبذاءه فقال: اروني موقفا اكثر بذاءة مما نحن فيه.
ارسلت لي اخت مهندسه من العراق رسالة يقطر فيها قلبها دما وهي ترى الاشلاء البشريه تعبئ بأكياس الزباله والبنايات التي تبنى تتهدم في لحظات
السؤال لماذا يقبل العراقيون ان يفعل بهم هكذا ويسكتون
تحياتي وشكرا لمرورك وراح نتأدب انته تأمر أمر

9 - تعليق الاخ كعك
سرمد الجراح ( 2011 / 12 / 28 - 14:52 )
المغضوب عليهم و الضالين
Tuesday, December 27, 2011 - كعك ابو السمسم

و الدبس و الراشي اللي مشايفهن صارلي سنين طكت بلاعيمي و الله دا احجي هنا و هنا يابه هذه سيد نوري ويه هذه طارق و اياد تره ديفرهدون و انتو توكفون ويه هذه و ذاك تره انتو غلطانين و ذوله حثلك يبوكوكم باسم الله و الميزانيه و المدري شنو و يكتلوكم يوميه و اذا مو سراك اليوم ف باجر يجي سراك و طبك مرض ...يعني جربت اكتب عالنت هنا و هناك بس يا جماعه كل الناس ياكدولي قناعتي اللي تكول الوطن خوش وطن بس الناس مع الاسف تغيرو و مع الاسف القران كال عله غيرنه المغضوب عليهم و الضالين هسه احنه صرنه الاثنين(نو افنس الله)مو؟ يعني اذا تنتقد نوري و تكول جان متستر عله ملفات الفساد و الارهاب يعني ضروري يعتبر مشارك بيهن ...يجي واحد يكلك بعثي.و اذا تكول يابه هاي سالفه طارق عله كيفكم بيهه اكو هوايه طرق اسلم و انفع نحله بيهه مو هيج ثبرتونه راح الناس القشامر سنه و شيعه يتعاركون عله ناس تافهه همه اتخبوهم و هذه التوقيت مو حلو ....طلع واحد يكول عليك ايراني صفوي
بس سالفه اخيره يكلك هاي عدوى دتنتقل ابين مواقع الانترنت ..اذا اكو واحد يختلف مع غيره بالراي(و ش

اخر الافلام

.. أغنية خاصة من ثلاثي البهجة الفنانة فاطمة محمد علي وبناتها لـ

.. اللعبة قلبت بسلطنة بين الأم وبناتها.. شوية طَرَب???? مع ثلاث



.. لعبة مليانة ضحك وبهجة وغنا مع ثلاثي البهجة الفنانة فاطمة محم

.. الفنانة فاطمة محمد علي ممثلة موهوبة بدرجة امتياز.. تعالوا نع



.. هل يشكل الحراك الطلابي الداعم لغزة تحولا في الثقافة السياسية