الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
يوم 25 ...
محمد السعيد أبوسالم
(Mohamed Elsaied Abosalem)
2012 / 1 / 2
الادب والفن
25 يناير
إنزل وكمل ثورتك
إنزل وقول كلمتك
إنزل وريهم قوتك
بيحولوا للخوف يرجعوك
فإنزل وعرفهم إن الخوف مات
وراح زمن السكات
بيقولوا صمتك رفض للميادين
كرهوك فى الثوره بالرغيف
ورموك فى حضن الوهم أسير
وبعد ما الشمس بإدينا طلعت السما
رجعونا للعتمه بقتل القناديل
قالوا علينا بلطجيه
ورمونا فى زنازين ضلمه
كل حر قال لأ بصوت الزئير
قتلوه
ولما يصعب قتله يصيبوه
ولما الإصابه تتشفي يعتقلوه
ولما البراءه تتكتب يقولوا دا خاين لعيين
يا شعب إصحى بأه وفوق
دا المجلس هو مبارك المخلوع
والمشير سفاح خسيس
ومعاه 19 حرامى
سرقوا البلد
وقتلوا الثوره فى الميادين
شاهد عليهم ماسبيرو
شاهد عليهم محمد محمود
شاهد عليهم إعتصام المصابين
شاهد عليهم القصر العينى
شاهد عليهم الغاز و السموم
ورصاص حي فى جسد الشهيد
الطالب ومعاه الشيخ
الصليب بيحضن القرآن
والأرض ما تعرف دين
ومات الشهيد
وإتصاب من جديد المصاب
وضاعت الثوره بين مجلس لصوص
وإنتخابات الفلول
وبرلمان المجانين .
يوم 25
إنزل من جديد
ثورتك لسا فاضلها كتير
والنظام لسه موجود بيحكم
وإنت لسه عبد فقير
يا شعب إصحى
لا تنخدع بشعارات الدين
كان فين بتوع الدين
لما أتعرت بناتنا فى التحرير !!
يا شعب لا تنخدع بكلام الجيش
وان البلد هتغرق
وان المجاعه قربت
وإن الثوار بقدره قادر بأوا عملاء
العميل اللى بيقتل ولادك
واللى بيعري بناتك
اللى حرق المجمع وبكى عليه
وعلى الشباب الامل قال ممكن نعوضهم
إنزل يوم 25
إنزل وكمل ثورتك
إنزل وسمعهم كلمتك
إنزل وعرفهم غضبتك
إنزل وكسر قيودك
وإلغى كلمه العبوديه من قاموسك
إنزل يا مصري
قبل ما العسكر يدوسك ....
|
|
التعليق والتصويت على الموضوع في الموقع الرئيسي
.. صباح العربية | بينها اللغة العربية.. رواتب خيالية لمتقني هذه
.. أغاني اليوم بموسيقى الزمن الجميل.. -صباح العربية- يلتقي فرقة
.. مت فى 10 أيام.. قصة زواج الفنان أحمد عبد الوهاب من ابنة صبحى
.. الفنانة ميار الببلاوي تنهار خلال بث مباشر بعد اتهامات داعية
.. كلمة -وقفة-.. زلة لسان جديدة لبايدن على المسرح
