الحوار المتمدن - موبايل
الموقع الرئيسي


لعبة العنكبوت

رشا أرنست
(Rasha Ernest)

2012 / 1 / 4
الادب والفن

الصبح جاي يكـَبـَر
و الليل راح يصبر
انه جاي عليه نهار
يرفعه و يرجع ينور
و الناس هنا عايشه
من غير كلام
تصحى تنام
كله شايف لكنه ساكت
ومطاطي لخيوط العنكبوت

و يروح و يجي المنادي
ارفعوا اسم المدينة
عن عيون العنكبوت
اللي ساكن ناوي علينا
بلعبة مكشوفة قديمة
لكن يا عيني على الليالي
اللي تاخد كل غالي
و مهما كانت في عيون
برضو ما تشوف الجنون

سكن واتحكم العنكبوت
من غير قيود و لا شروط
طايح صايح فينا
كأنه لا مكانا و لا بأيدينا
فاكر انه غول مش عنكبوت
خيوطه ممدودة من بين صوابع
تمضي على كل يوم بيموت
و الدم ينزف
كأنه مية يشرب منها العنكبوت
يشرب و يسقى
كل ليلة
من غير حساب ألف عنكبوت
كلهم مادين خيوطهم
يسحبوا من الأرض ناسها
يدفنوها تحت رجلين العنكبوت
أصل هو ريس عليهم
عنكبوت كبير لكنه
في الأصل اقل منهم
نقول أيه و لا نحكى
الأصل بقه من غير جذور

العيب فيه و لا فينا
و لا في اللي بره المدينة
أخدها واحدة واحدة العنكبوت
و لما فاقوا ناس المدينة
كان سبقهم بالخيوط
ربط رجليهم في القبور
اللي كانت في يوم قصور

و قاموا في ليلة صارخة
مالقيوش العنكبوت
كانوا فاكرينه نـِسـيهم
و لا يئس من عـينيهم
لكن الفرحة مادامت
غفلتهم كانت أقوى منهم
خيوط العنكبوت جرتهم
و على باب المدينة رمتهم
و الصبح كان من بره
غير اللي جوه
الشمس كانت صح طالعة
لكن من غير حرارة و لا فرحة
لابسة طرحة تستخبى
و العنكبوت يلف يدور
هنا و هناك
عن مدينة أحلى و أجمل
يجي الدور عليها للهلاك


هذه الكلمات هي تجربتي الاولى في كتابة الشعر بالعامية منذ عامان......

---

---

---

التعليق والتصويت على الموضوع في الموقع الرئيسي

---

.. مليون و600 ألف جنيه يحققها فيلم السرب فى اول يوم عرض


.. أفقد السقا السمع 3 أيام.. أخطر مشهد فى فيلم السرب




.. في ذكرى رحيله.. أهم أعمال الفنان الراحل وائل نور رحمة الله ع


.. كل الزوايا - الفنان يحيى الفخراني يقترح تدريس القانون كمادة




.. فلاشلايت... ما الفرق بين المسرح والسينما والستاند أب؟