الحوار المتمدن - موبايل
الموقع الرئيسي


الما عدهم عشيرة .. والسبعين ديك

كامل الجباري

2012 / 1 / 4
كتابات ساخرة




قبل .. ابزمن الدكتاتوريه جان عدنه رمز واحد اوحد , ماله مثيل , العراق كله يروح اله فدوه .. اذا خطب بالتلفزيون كون تكعد مثل الصنم .. ما تلفت لا يمنه ولا يسره ولا ترمش . واذا تورطت وسويته يصير يومك ويوم الخلفوك اسود .. ماعلينه راح الدكتاتورواجتنه الديمقراطية والفدرالية .. كلنه ايه خلصنه من الرمز وطلايبه.اشو جماعة الفيدرالية والديمقراطية ما اطونه مفك بس يتناكرون من اجو واليومك وبعد ما طلعو الامريكان وهي علكت.. كلساع واحد متناوشله واحد ومطلعه منعول صفحة من الاصل .. موبس هاي المشكلةلكن كل ما ينجاب طاري واحد يطلعنه رمز .. رموزنه صارت هواية وانواع .. طائفي .. وطني وهلم جرا .. رموزنا هاي كلها عدها ظهر وعشيرة واقل شي تكب علينه عشيرته وتعيط وتهدد بالويل والثبور كول وفعل .. يابه انتو موكلت المسؤول صار موظف وكت ما يعجبنه نشيله ..هم ردينه علرموز .. هاي الخبيصة ذكرتني بسالفة ابو ضاوي الف رحمه عله روحه كال ..اكو فد واحد جان عنده ديج اكشر صوته تكول هورن مال باخرة .. هذه الديج ما يصدك صار نص الليل وشغل الاسطوانه .. عيعيعيعو وللفجر .. الجيران طكت رواحهم وراحو لابو الديج .. مولانه ديجك نعل سلفه سلفانه .. بيعه واحنه نشتري بيش ماجان .. جاوبهم اخذو نصيحتي وعوفو الديج .. ماقبلو الجماعة .. كالهم اليوم الديج عشاكم . الجماعة بعد ماضربو العشه وتعللو .. نامو . نص الليل وهي علكت وسبعين ديج واحد يستلم من الثاني وللفجر .. الجماعة راحو لبو الديج وكالو : عمي ديج واحد وما تحملينه ادور سبعين ديج .. جاوبهم مو نصحتكم ماخذتو النصيحه خو ماذبح سبعين ديج .. واحد من الجماعة طك له حسرة وكال : لا والحظ المصخم ديج واحد وما كدرناله .. شراح يدبرها وي سبعين ديج .. اودعناكم





التعليق والتصويت على الموضوع في الموقع الرئيسي


التعليقات

1 - موهشكل
بشيرالموصلي ( 2012 / 1 / 4 - 19:42 )
كللهم صاحب الديج مو الي ذبحنا جان على راسهم ميخلي واحد المنهم يفص

اخر الافلام

.. مهندس الكلمة.. محطات في حياة الأمير الشاعر الراحل بدر بن عبد

.. كيف نجح الأمير الشاعر بدر بن عبدالمحسن طوال نصف قرن في تخليد



.. عمرو يوسف: أحمد فهمي قدم شخصيته بشكل مميز واتمني يشارك في ا

.. رحيل -مهندس الكلمة-.. الشاعر السعودي الأمير بدر بن عبد المحس



.. وفاة الأمير والشاعر بدر بن عبد المحسن عن عمر ناهز الـ 75 عام