الحوار المتمدن - موبايل
الموقع الرئيسي


ظل علعود والناي

فاهم إيدام

2012 / 1 / 7
الادب والفن



ظلْ علعود والناي
ــــــــــــــــــــــــــ


كثّر بالحنين بصبى ياعود
وانبش بلاحزان بونّه ياناي

الوكت فرقة غِشِم بالناشز يجود
عطشنه ما إله بالحانهم ماي

تكتّر صار صوت الأصل مكَرود
وعلا صوت الصراخ الماله نهّاي

فضاك بلا أمل ياحلم مشدود
بحوافر وكت دافنّه بلفياي

كتل عدنه واجانه عِجيد* مكَيود
صاير لعبه بيد متيّه الراي

يسرَتنه سجن واليمنه فرهود
واحرار احنه نمشي لهاي لو هاي

ياحكّ* اليطلعه السان معكَود
ويا عكَده التفل والأعمى سدّاي

هيج بلا زعل..والعتب مردود
سام الباطل الرعديد مشّاي

واحزن ياكَلب...خل ياكلك دود
وظل بحسرتك والتتن والجاي*

خلّي ربعتك ما غيرهه حدود
كون اتصير عالَم بسّ الك جاي

وكثّر بالحنين بصبى ياعود
وانبش بلاحزان بونّه ياناي.

*****
*عجيد ـ كبير القوم
*حك ـ حق
* الجاي ـ الشاي





التعليق والتصويت على الموضوع في الموقع الرئيسي


اخر الافلام

.. لطلاب الثانوية العامة.. المراجعة النهائية لمادة اللغة الإسبا

.. أين ظهر نجم الفنانة الألبانية الأصول -دوا ليبا-؟




.. الفنان الكوميدي بدر صالح: في كل مدينة يوجد قوانين خاصة للسوا

.. تحليلات كوميدية من الفنان بدر صالح لطرق السواقة المختلفة وال



.. لتجنب المشكلات.. نصائح للرجال والنساء أثناء السواقة من الفنا