الحوار المتمدن - موبايل
الموقع الرئيسي


حصادنا الأخير

جواد القابجي

2012 / 1 / 10
الادب والفن



تخاصموا .. تماصصوا .. مصالحه
تگاسِموا .. راح الشعب للمشرحه
************
مرّت اسنين او معركتهم داميه
ماكو ثقه .. ونيّاتهم مو صافيه
مو للشعب .. گعدة الكرسي دافيه
وكل يوم هرج اومرج والمناطحه
***********
دم الشعب مومهم .. صاير ساجيه
والقايد ارهابي طلع .. بالعافيه
اوحارسنه يتستَّر صُبح عالمافيه
وياهو الذي يسوه العتب ونفاتحه
*******
فوگ الجماجم شيِّدوها اقصورهم
وجسامنه صارت جسر .. لنذالهم
اوصارت الدولارات كل إيمانهم
وع الوطن صاروا چلوحوش الجارحه
**********
سوف سنعمل سنكون اوهكذا
ماشفنه منهم بس خطابات او أذى
او وكت الفعل .. بحجورهم كالجُرَذا
لوحاسبت گالولك احنه للشعب ولصالحه
**********
ذيل الچلب .. نعرف ابد ماينعدل
والعبث مايتنازل ايرد للأصل
نسينه المقابر سجن تشريد وقتل
ورجعنه للمجرم .. نبوسه انصالحه
***********
واللهِ عيب انسامح الهلجهله
ننسه العبث معقوله .. وشما فعله
ونرد نصافح إيدهم .. هالقتله
لا .. نمشي لازم بالخطوط الواضحه
**********
رِجل بالدوله .. او رجل ترهب الناس
على ميَّة حبل تلعب هالأجناس
ماكو عيب اومستحه اوماكو احساس
هذا إنتاج البطل .. ابن اصبَحّه
****************





التعليق والتصويت على الموضوع في الموقع الرئيسي


اخر الافلام

.. فيلم السرب يتخطى 8 ملايين جنيه في شباك التذاكر خلال 4 أيام ع

.. الفنان محمد عبده يكشف عبر برنامج -تفاعلكم- أنه يتلقى الكيماو



.. حوار من المسافة صفر | الفنان نداء ابو مراد | 2024-05-05


.. الشاعر كامل فرحان: الدين هو نفسه الشعر




.. جريمة صادمة في مصر.. أب وأم يدفنان ابنهما بعد تعذيبه بالضرب