الحوار المتمدن - موبايل
الموقع الرئيسي


أخر قصقوصة مايكل كتبها: قصاقيص، اتجننت فى سجن المرج - 27

مايكل نبيل سند

2012 / 1 / 22
حملات سياسية , حملات للدفاع عن حقوق الانسان والحرية لمعتقلي الرأي والضمير


- مجندين ماسپيرو:
اشمعنى الجيش بيحاكم العادلى ومبارك فى قضية اغتيال المتظاهرين يوم 28 يناير، ومش بيحاكم طنطاوى وبدين فى قضية اغتيال المتظاهرين فى ماسپيرو؟ المجندين التلاتة اللى بيتحاكموا فى قضية ماسپيرو كبش فداء علشان أعضاء المجلس العسكرى ميتحاكموش… لو كنت حر، كنت تضامنت معهم حتى لو كانوا قتلوا المتظاهرين فعلاً، لأن العدالة ان نحاكم من أعطى الأوامر وليس لأداته التى نفذت الأوامر. 2011/12/27

- 9 شهور سجين
النهارده كملت 9 شهور مسجون (275 يوم)… منهم 127 يوم إضراب عن الطعام، يعنى نص فترة سجنى تقريباً… مفيش حاجة أقدر أعلق بيها غير: يسقط يسقط حكم العسكر! 2011/12/28

- وزارة القتلة والمجرمين
انتم عارفين ان قتلة الثوار إذا اتحكم عليهم (مع انى أشك فى دة)، هيقضوا فترة السجن معززين مكرمين، وهتتصرفلهم مرتباتهم عادى، وترقياتهم هتيجى فى معادها عادى، وبعدين هيرجعوا الخدمة تانى، لأن القانون مش بيعتبر القتل والتعذيب وهتك العرض من الجرايم المخلة بالشرف اللى تمنع الظابط من العودة للخدمة؟ ضرورى يحصل تعديل للقانون، بحيث أى ضابط خالف القانون ودخل السجن، يفصل من الخدمة فوراً، مش يبقى الداخلية نصها سوابق! 2011/12/29

- أين ذهبت كل تلك الأموال؟
ميزانية وزارة الدفاع فى عهد مبارك كانت حوالى 100 مليار جنيه سنوياً. طنطاوى كان وزير دفاع لمدة 20 سنة فى عهد مبارك، يعنى 20×100 مليار، يعنى 2 ترليون جنيه مصرى، ودة تقريباً يعادل ميزانية مصر كاملة لمدة 6 سنوات، دة غير طبعاً الميزانية اللى بعد الثورة والفلوس بتاعت بدل الولاء والشركات اللى بيمتلكها الجيش ومبتدفعش ضرايب… ضرورى حد يسأل طنطاوى والمجلس العسكرى: الفلوس دى راحت فين؟ عايزين كشف حساب بيها علشان نعرف اتصرفت فين؟ وتم إهدار منها ايه؟ واتسرق منها ايه؟ 2011/12/29

- معاناتى
مقدرش أوصف معاناتى فى السجن… تخيلوا واحد عمل عملية جراحية من غير تخدير، مهما وصفلكم معاناته محدش هيقدر يفهم آلامه… أنا كدة برضه، مهما وصفت محدش هيقدر يحس أنا بعانى أد ايه هنا! 2011/12/29

- زهقان
زهقان جداً… ليا أسبوعين محبوس انفرادى ومش بيتفتح عليا الباب ومش مسموح ليا أكلم أى حد… ملل شديد أوى. 2011/12/30

- بفتكر الأكل طول الوقت
طول ما أنا مضرب عن الطعام بلاقى نفسى طول الوقت عمال أفكر فى الأكل وطريقة طبيخه… الجعان بيحلم بسوق العيش ‎:D‏ 2011/12/30

- ثورة 25 يناير 2012
طول الوقت بتمنى ان زى ما ثورة 25 يناير 2011 كانت ضربة قوية للشرطة، نفسى 25 يناير 2012 يكون ضربة لا ينساها الجيش أبداً. 2011/12/30

- إنهاء إضرابى عن الطعام
النهاردة أنهيت إضرابى عن الطعام… أنا أضربت عن الطعام 130 يوم، منهم 10 أيام إضراب عن المياة، و39 يوم كنت بشرب مية بس، و 81 يوم كنت بشرب فيهم عصير ولبن… أعتقد ان دى تجربة فى نضال اللاعنف الللى هفضل فاكرها باقى عمرى. 2011/12/31

- أنا والشيخ أحمد مكوة
أعتقد انكم قريتوا القصة اللى كتبتها جوا السجن بعنوان ”الشيخ أحمد مكوة“ عن السجين اللى زمايلة لفقوله تهمة علشان يخرجوه من العنبر… لما كتبت القصة دى مكنتش أتخيل ان نفس الشىء هيحصل معايا، لما المساجين فى المستشفى عملولى قضية ازدراء أديان علشان يخرجونى من المستشفى… الدنيا صغيرة أوى! والدرس اللى اتعلمته من الأزمة دى: ان مفيش أقذر من رجال الشرطة والمتعصبين. 2011/12/31

- ليلة رأس السنة
فاضلى دقايق على بداية السنة الجديدة… ما أسوأ ان الواحد يقضى ليلة رأس السنة مسجون ظلم… الغريب ان السنة اللى فاتت فى نفس التوقيت دة كنت حزين ومتشائم جداً من سنة 2011، وكأنى كنت حاسس باللى هيحصل فيها… أتمنى سنة 2012 تكون سنة الحرية لى ولمصر وللإنسانية. 2011/12/31

- شكراً أمير سالم
النهاردة أمير سالم (المحامى المشهور) عمل موقف بطولى وجاب النيابة العامة للسجن علشان يحاول يحط حد لانتهاكات الداخلية ضدى… قبل ما ييجى كنت حزين جداً من قمع زبانية الشرطة ليا، لكن اللى عمله رفع معنوياتى جداً… شكراً أمير سالم، انت ساعدتنى انى أبتدى السنة الجديدة بابتسامة ‎:)‎ ‏ 2011/12/31





التعليق والتصويت على الموضوع في الموقع الرئيسي


التعليقات

1 - مبروك الحرية
مجدي سعد ( 2012 / 1 / 22 - 21:24 )
واتمني ان تري ونري جميعا ثورة حقيقية تصحح جميع الاخطاء التي ارتكبتها ثورة 25 يناير 2011

سمحت للاسلاميين الذين تظاهروا بالاشتراك في الثورة فقط عندما ايقنوا بنجاحها

ولا ادري كيف نسي هذا الشعب ان زعماء الاسلاميين اصدروا فتاوي بأن الخروج علي الحاكم كفر

كيف صدق هذا الشعب الساذج كذبهم وصوت لهم؟

كيف صدق الثوار كذبة ان المجلس العسكري قد حمي الثورة

وهم في الحقيقة خرجوا للبطش بالثوار

ولكن عندما وضح لهم انها ثورة تتمتع بتأييد شعبي لم يسبق له مثيل قرروا تغيير الخطة

وكانت الخدعة

تأييد في الظاهر

وبطش بقادة الثورة وتشتيت قواهم والعمل الي تسليم الوطن علي طبق من ذهب للاسلاميين

أغلب اعضاء المجلس العسكري اما يدينون بالولاء لجماعة الاخوان المسلمين او للسلفيين او يتعاطفون معهم

لم تكن احداث ماسبيرو او مصطفي محمود او مجلس الوزراء اخطاء بل هي مخططات

لم يكن دهس المتظاهرين او قنصهم وقنص عيونهم اعمال افراد ومخربيين بل هو مخطط

لم تكن كشوف العذرية او تعرية الاجساد وانتهاكها اخطاء بل هي مخطط وامتهان عن عمد لكسر الثورة وروحها المعنوية

ارهاب

لا بديل لثورة تصحيح

2 - g
غلغامش ( 2012 / 1 / 22 - 23:07 )
تحية لك مايكل ، بكتاباتك كنت حرا ، وقد عشنا معك جميعا

مبروك عليك الحرية

اخر الافلام

.. هجوم إسرائيل -المحدود- داخل إيران.. هل يأتي مقابل سماح واشنط

.. الرد والرد المضاد.. كيف تلعب إيران وإسرائيل بأعصاب العالم؟ و



.. روايات متضاربة حول مصدر الضربة الإسرائيلية لإيران تتحول لماد

.. بودكاست تك كاست | تسريبات وشائعات المنتجات.. الشركات تجس الن



.. إسرائيل تستهدف إيران…فماذا يوجد في اصفهان؟ | #التاسعة