الحوار المتمدن - موبايل
الموقع الرئيسي


دم مهدور وحكام مابتختشيش

زهرة الشمس محمد

2012 / 2 / 5
كتابات ساخرة


دم مهدور وحكام مابتختشيش
دمنا مهدور من غير تمن
ولا حتى شوية بقشيش!
أصل الدم فى بلدنا بقه ببلاش
وحكامنا ناس ما بتختشيش
سرقونا حتى فى رغيف العيش
ودلوقت بيسرقوا أرواحنا
وباين سرقة ارواحنا ما بتكفيش!
أكتب اساميهم يا قلم ...
وأعصر حبرك وقول وماتخبيش
دم مهدور وحكام ما بتختشيش
ولما قلنا انتخابات جابلونا بفلسوهم
بدل الوطنى شوية دارويش
ونقولهم عسكر لأ
يقولوا غير العسكر مافيش!
نقول رئيس مدنى
يقولوا أنتوا شوية مهابيش
ماتوا من الشباب أعداد
قالوا لسة الشعب كتير ماتخافيش
عملوا مجلس طارئ
بس طارق حالف من الظلم مايجيش
سرقوا البنوك فى عز الدهر
والداخلية تقول الأمن مستتب ماتقلقيش
البلطجية دخلت على الأستاد
قالوا ده شغب ملاعب وشوية تهويش
أصل احنا يا ناس هُبل
أو باين علينا لابسين طرابيش
ياخسارة الثورة اللى عملناها
فى ميدان التحرير على مافيش
ولما نقول يسقط حكم العسكر
يقولوا ليه الطرف التالت مايجيش؟
باين ان الشعب طلع الطرف التالت!
و طلع طره والطرف التانى مابيستحيش!
ومن طرفنا يا فاطنه!
نقولك رددى بصوت عالى ولا تسكتيش
يسقط يسقط حكم العسكر
ويسقط حكم الدارويش
يسقط يسقط حكم العسكر
ويسقط حكم الدارويش
******





التعليق والتصويت على الموضوع في الموقع الرئيسي


اخر الافلام

.. أحمد حلمى من مهرجان روتردام للفيلم العربي: سعيد جدا بتكريمي


.. مقابلة فنية | الممثل والمخرج عصام بوخالد: غزة ستقلب العالم |



.. احمد حلمي على العجلة في شوارع روتردام بهولندا قبل تكريمه بمه

.. مراسل الجزيرة هاني الشاعر يرصد التطورات الميدانية في قطاع غز



.. -أنا مع تعدد الزوجات... والقصة مش قصة شرع-... هذا ما قاله ال