الحوار المتمدن - موبايل
الموقع الرئيسي


زجل: احوال الدنيا

يوسف هريمة

2012 / 2 / 28
الادب والفن

بنادَمْ كِالطَّيْر الحُرّْ
إلى ما لقا من يرويه
يرفرَفْ ويهْجَر مْكانو
والحقّْ فْ بلاد الظلم
كُلْما وقَفْ يطيَّح ميزانو
الرجلة ولاَّت قَدّْ وقوام
إلى ما عندك درهم
بالهمّْ تكتَبْ شْجانو
الشماتة ولَاَّ سيد الرجال
يتباهى قدام قرانو
بكي وزيد بكي يا قلبي
والى نشفات دموعك
من صهدها شعل نيرانو
كل يوم نقطع ورقة
نحسب ايامي ارقام
والورد هْجَر جنانو
المعقول حْسَبْتُو عْصا
تنذَرْني منْ شر الطريق
ما فاضْ بيَ جُودو ولا حْنانو
الصبر عيَا ما يصبرْ
وعليها تقطَّعْ لْسانو
والحب اللي قراوه سيادي حروف
تاه وغيَّر عنوانو
الكذوب ما ليه لجام
مَنْ حقُّو
هذا زْمانو
والصِّدقْ ولاَّ غريب فْ بلادو
يروي حديثو واحزانو
الخوف مَنُّو دارو تمثال
واللِّي ما رْكَع فْ مَحْرابو
ولاَّ عْلى بابو
ما يعرف احسانو
الغْدَر خنجَر
وشُوكة فعْيانو
والوْفا قليلْ يا الهايم فْ الطريق
راه ما كاين فرق بِينْ العدُو
والصّْديق
واخَّا يعَرِّي ليكْ على سْنانو
الدنيا مْثَلْها مْثَلْ الكتاب
تدخلْ من بابْ وتخرج من بابْ
الله يرحمْ المجذوبْ
منُّو تفجرات المعاني
ونبتاتْ وْرُودْ فْ حْضَانو
مهبولْ اللِّي يثيقْ فْ الدنيا
العْمَرْ رمشةْ عيْن
وشْجَرْ لاحْ وْراقو واغْصانو

---

---

---

التعليق والتصويت على الموضوع في الموقع الرئيسي

---

.. 22 فيلم من داخل غزة?? بالفن رشيد مشهراوي وصل الصوت??


.. فيلم كارتون لأطفال غزة معجزة صنعت تحت القصف??




.. فنانة تشكيلية فلسطينية قصفولها المرسم??


.. فيلم -لا غزة تعيش بالأمل- رشيد مشهراوي مع منى الشاذلي




.. لحظة إغماء بنت ونيس فى عزاء والدتها.. الفنانة ريم أحمد تسقط