الحوار المتمدن - موبايل
الموقع الرئيسي


أنت عارف أنا مين

نيفين عاطف مشرقى

2012 / 3 / 13
الادب والفن


أنت عارف أنا مين

عزمى ( رجل أمن على أحد البوابات ) : هو حضرتك رايح على فين يا فندم
جمال (زائر) : مش شغلك
عزمى : بس يا فندم فى تعليمات مشددة أن أى يحد يدخل من البوابة لازم يتفتش عشان أمن وسلامة الناس الموجودين
جمال : أنت مش عارف أنت بتكلم مين
عزمى : لا مش عارف
جمال : طيب أحب أعرفك بنفسى كويس عشان تلزم حدودك معايا
عزمى : بس على فكرة أى حاجة هات قولها مش ها تغير فى الإجراءات المتبعة
جمال : اهه .... اهه (وهو فى حالة غرور وتعالى ) معذور ما أنت متعرفنيش كويس طب ده أنا أقدر أعمل وأسوى حاجات كتير وها تكون مش فى مصلحتك أصل أنا راجل واصل ومعارفى ناس قادرين قوى
عزمى : أعمل اللى أنت عاو زه
محب ( مسئول بالمكان ) : إيه يا جماعة الصوت العالى ده
عزمى : البيه عامل مشكلة من مفيش
محب : فى إيه يا حضرة
جمال : البيه الموظف بتاعكم بيغلط فى بتصرفاته ومش عجبه كمان لما باقوله أنت مش عارف أنا مين
محب : بس يافندم ده النظام اللى بيمشى على الكل والنظام مايزعلش حد ولا إيه
جمال : (وهو فى حالة اضطراب ) طيب ممكن ننهى بقى الموضوع ده عشان أنا مستعجل قوى وعندى مصالح عايز اخلاصها
محب : ايوه أنا بقى كده فهمت الموضوع على أصله
يا أستاذ جمال خالى بالك فى ناس كتير زيك برضه بتحاول انها تخلى اللى قصدها يحس انى هما أصحاب جاه وسلطان عشان يرهبوا اللى إقدامهم لإحساسهم دايماَ إنهم ضعفاء ومش هيقدروا يعملوا حاجة بضعفهم ونسوا أن ربنا موجود ويقدر يقوى ضعفنا ، وبقوته بيعمل حاجات كتير فى حياتنا تفوق تصورات البشر اذ جاء فى الكتاب المقدس "غير المستطاع عند الناس مستطاع عند الله " فهو قادر أن يصنع عجائب بمؤمنيه.





التعليق والتصويت على الموضوع في الموقع الرئيسي


اخر الافلام

.. -أنا مع تعدد الزوجات... والقصة مش قصة شرع-... هذا ما قاله ال

.. محمود رشاد: سكربت «ا?م الدنيا 2» كان مكتوب باللغة القبطية وا



.. جائزة العين الذهبية بمهرجان -كان- تذهب لأول مرة لفيلم مصري ?

.. بالطبل والزغاريد??.. الاستوديو اتملى بهجة وفرحة لأبطال فيلم




.. الفنان #علي_جاسم ضيف حلقة الليلة من #المجهول مع الاعلامي #رو