الحوار المتمدن
- موبايل
الموقع
الرئيسي
الكداب بيروح النار ( ساعات السلطة والحكم )
هانى صموئيل
2012 / 4 / 2كتابات ساخرة
![](https://ahewar.net/Upload/user/images/0687a12a-cd0c-41c7-8dd9-5850f9ab3c3b.jpg)
الكداب بيروح النار ( ساعات السلطة والحكم )
ابو اسماعيل ..... مترشح للرئاسة ,وكل همه يفسر معنى كلمة بيبسى , اخترق حظر الدعاية وبيضرب بالقانون عرش الحائط (( دى البداية )) , مش هيعين نائب لا مسيحى ولا ليبرالى , ابو اسماعيل بيفهم فى كل حاجة !!!!!!! , عندك ابو اسماعيل مبيد حشرى , عندك ابو اسماعيل للتقاوى , عندك ابو اسماعيل للشاى , عندك ابو اسماعيل للضغط , عندك ابو اسماعيل للصداع ,......كل حاجة ...انتخب يا حمـــــ ..........
الشاطر ..... اول القصيدة كفر . وكلنا شاطرون , دا مرشح ؟؟؟؟ ( مش عارف الجماعة ولا حزب الحرية والعدالة !!!! ) على العموم متتعبش كتير فى التفكير , الاتنين واحد . وكلمة واحدة تتقال الفيلم ماشى بتسلسل طبيعى , افلام عربى أم الاجنبى .
التلفزيون المصرى ..... الطاهر الوحيد اللى فى مصر , والوحيد اللى عمره ما بيتعير ولا عمره هيتغير , الوحيد صاحب كلمة والمعرفة , الوحيد اللى ينفع مع مبارك أو المجلس العسكرى او شفيق أو بعد شوية الاخوان . مش بقولكم طاااااهر , وبالمناسبة دى ممكن نقول ( يا ام المطاهر رشى الملح 7 مرات( .
السلفين ..... بتوع ربنا , بركتنا , كلهم قداسة وسماحة وطيبة ومحبة ..... قالوا وصدقوا " الخروج على الحاكم حرام شرعاً ". صدقوا ومخرجوش .... بس غنايم الخروج على الحاكم حلال شرعاً , خدوا كل الغنايم مسابوش لينا احنا الغلابة اى حاجة . بس احنا برضه مطلعناش من المولد بلا حمص , فضلنا ناخد معانا الصابونة , اهو ننضف بيها شوية .
الاخوان ..... الكبير كبير , لا بجد كبير . والخبيث خبيث , والكداب بيروح النار وانت بتكدب ليل ونهار . هااااااااااااااااااااااااااااااااااااااااااااااااى . الكداب بيروح النار وانت بتكدب ليل ونهار . ابوس ايديكم كفاية انتوا بتمسكوا كل حاجة , ابوس ايديكم بلاش تنزلوا من الحنفية عشان هى الوحيدة اللى لسه موصلتوش ليها .ابوس ايديكم .
القوى المدنية ..... جاتكم نيلة . ضيعتونا , ربنا ينتقم منكم , كفاية تدوروا على مصالحكم واتلموا مع بعض . وكفاية كداااااااااااااااا .
جاتكم نيلة كلكم . انتوا اللى فى الصورة . واحنا اللى بنتبهدل .
م : هانى صموئيل
|
التعليق والتصويت على الموضوع في الموقع الرئيسي
.. مختار نوح يرجح وضع سيد قطب في خانة الأدباء بعيدا عن مساحات ا
![](https://i4.ytimg.com/vi/_OQna2JE-Jc/default.jpg)
.. -فيلم يحاكي الأفلام الأجنبية-.. ناقد فني يتحدث عن أهم ما يمي
![](https://i4.ytimg.com/vi/G0SiA3p5XS8/default.jpg)
.. بميزانية حوالي 12 مليون دولار.. الناقد الفني عمرو صحصاح يتحد
![](https://i4.ytimg.com/vi/GjgaRxwUozM/default.jpg)
.. ما رأيك في فيلم ولاد رزق 3؟.. الجمهور المصري يجيب
![](https://i4.ytimg.com/vi/NEQSMVXMVk0/default.jpg)
.. على ارتفاع 120 متراً.. الفنان المصري تامر حسني يطير في الهوا
![](https://i4.ytimg.com/vi/YrHJxoDnLKM/default.jpg)