الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
كراسة مشتركة للحزب الشيوعي الثوري ورابطة الطلاب الاشتراكيين لشرح الشيوعية
رابطة الطلاب الاشتراكيين
2012 / 4 / 14اليسار , الديمقراطية والعلمانية في مصر والسودان
الشيوعية
إيه هي الشيوعية ؟!
الشيوعية هي فكر اقتصادي وسياسي وضع على يد كارل ماركس ويهف إلى تحرير الانسان من الظلم والاستعباد والاستغلال .
وبيشوف الشيوعيين ان الإنسان مر بعدة مراحل تطور من خلالها تفكيره وهي مراحل : المشاعية (المشاع), العبودية , الإقطاع , الرأسمالية ,الاشتراكية وفي الآخر الشيوعية .
المرحلة الأولى المشاع وكانت كل حاجة متاحة لكل الناس وبعدها ظهرت العبودية وبدأ استعباد الناس من خلال ظلم الحكام والملاك وبعدها مرحلة الإقطاع ولما زاد وعي الناس وفضل التطور ماشي لحد الرأسمالية وبدأت السيطرة على العالم وبدأ ظهور مجموعات إدارة العالم في وول ستريت في أمريكا وبقى في أزمة عندهم وهي الإنتاج الزيادة عن حاجتهم وبدءوا يتخلصوا من الإنتاج الصناعي الزيادة بتاع مصانعهم بان هما يودوه لدول تانية فقيرة; فمثلاً لو في مصنع في دولة رأس مالية بينتج ألف وحدة من نوع معين من السلع والشعب عنده محتاج ألف وحدة من السلعة طيب الإنتاج هيقف ؟ يبقى العمال هيعملوا ثورة هناك طيب لما ينتج زيادة هيودي الإنتاج فين ؟! يبقى يوديه لدولة صغيرة وفقيرة والمصانع بتاعة الدول ديه تقفل والأزمة تبقى عندهم بدال ما تبقى في الدولة الرأس مالية اللي أنتجت السلعة وهنا تتحل المشكلة على حساب شغل الناس وتعبهم وعرقهم ومثال ده دلوقتي المنتج الصيني الرخيص بيخلي المصانع المصرية تقفل لأنه إنتاج أجنبي ارخص وده بيزود البطالة في البلاد الفقيرة , يعني باختصار حاجة اسمها تصدير الأزمة .
ولما يحصل ده في دولة ويزيد الاستغلال والظلم ويبقى في حزب ثوري يستطيع قيادة الجماهير ويعمل ثورة اشتراكية تبقى اسمها اشتراكية في بلد واحدة ولما ده يحصل في كذا دولة يتصدر لها بلاوي وأزمات الرأسمالية الحرامية النهابة للشعوب. بتقوم ثورات اشتراكية في عدة دول وبتبقى اشتراكية في مجموعة دول , ويفضل قيام الاشتراكية يزيد في الدول لغاية ميبقى العالم كله اشتراكي تتحد الدول الاشتراكية مع بعضها وتعمل الأممية الشيوعية , ووقتها بس تتطبق الشيوعية يعني باختصار الشيوعي بتتطبق في الأممية مش في الدول.
ولازم نبقى واخدين بالنا إن الرأسمالية بتبقى شاملة جواها عوامل نهايتها لأنها تنتج من اجل الربح وبتخلق اقتصاد هش وضعيف قايم على امتصاص دماء الشعوب ونهب ثرواتهم وإن الرأسمالية قايمة على استغلال العمال والفلاحين والفقراء ولما وعي الطبقات العاملة والفقيرة بيترفع بينهوا على النظام الرأس مالي في بلد بلد لغاية متحصل الشيوعية زى ما قلنا قبل كده .
وعشان يبقى في دولة اشتراكية لازم ده يحصل عن طريق ثورة اشتراكية يقودها الحزب الشيوعي في البلد ديه وبتقوم الثورة الاشتراكية على ايد العمال والفلاحين والطلاب والفقراء وكل اللي بيأيدوهم وبيأيدوا حقوقهم , ولما بتقوم ثورة في البلد ديه بقيادة الحزب الشيوعي بيقرر ساعتها انه يحقق أهداف الثورة ديه وده بيحصل لما الرأس مالية تتأزم والناس تبقى خلاص على آخرها وعايزة نظام جديد يحقق مطالبها في حياة كريمة بلا جوع ولا فقر ولا مرض.
وكمان لان الإنتاج في الرأس مالية إنتاج عشان يزودوا ربحهم لكن الاشتراكية إنتاج عشان مساعدة الناس
طيب سؤال تاني ممكن ؟! اتفضل : إيه الفرق بين الاشتراكية والشيوعية ؟!
الاشتراكية هي مرحلة تمهيد للشيوعية والاشتراكية بتبقى في الدول إنما الشيوعية في الأممية (يعني في العالم كله ) والنظرية الاقتصادية للاشتراكية بتقول الكل يعمل والكل يأخذ قدر عمله وإنما في الشيوعية الكل يعمل والكل يأخذ ما يكفيه .
طيب وإيه هي علاقة الشيوعية بالدين ؟! وهل ممكن الواحد يبقى شيوعي وبيدين بدين معين ؟
الشيوعي زى ما قلنا قبل كده فكر اقتصادي وسياسي بكفل حربة المعتقدات والأديان .
طيب ومين هو الشيوعي ؟!
الشيوعي هو اللي بيقتنع بالشيوعية وبيسعى ويكافح إن بلده تبقى بلد اشتراكي وان تحصل الأممية الشيوعية لما الاشتراكية تبقى في العالم كله وبيقضي حياته وسط الكادحيين وبيناضل معاهم ضد سياسة الرأسمالية والاستعمار والاحتلال والاستغلال والشيوعي مع حق كل شعب في تقرير مصيره وضد الصهيونية ومع دولة فلسطين على كامل تراب فلسطين وبيقف ضد التفرقة العنصرية بين الناس على أساس دين أو لون أو جنس.
طيب مش الشيوعية وقعت في الاتحاد السوفيتي ؟!
أول حاجة الكلام ده مش صحيح ليه ؟! أقولك يا سيدي بس في الأول نقول الكلام تاني وهو إن الشيوعية مش في بلد واحدة وإنما في العالم , يبقى اللي حصل في الاتحاد السوفييتي ده نسميه تجربة اشتراكية تمام كدة؟!
طيب وفشلت التجربة الاشتراكية اللي بتقول عليها دي ليه ؟!
هي فشلت لان اللي كانوا ماسكين الحكم بعد 1953 كانوا مش ماشيين على الأسس الاشتراكية يعني (تحريفيين) وبدأوا يعملوا اللي الاشتراكية قايمة علشان تحاربه فعملوا طبقة من الأغنياء من كبار رجال الدولة وقتها واستغلوا مناصبهم في ده وكان ده سبب انفصال الصين عنهم بقيادة ماو تسي تونغ وقتها.
تاني حاجة اجب اقولهالك هي إن كان فيه حاجة اسمها بيروقراطية ومركزية شديدة يعني روتين شديد وكان ده في مؤسسات الدولة المركزية يعني القرار بيتخذ من قبل ناس معينة والجماهير اللي هي صاحبة المصلحة مبتشاركش في صنع القرار , وده الاشتراكية بتأكد عليه وبتقول دايماً ان السلطة للشعب وبس فعلشان كدة لما معمولش الحاجات اللي بتقول عليها الاشتراكية وابتدوا يبعدوا عن خط الثورة الاشتراكية وقع الاتحاد السوفيتي وده معناه فشل التجربة الاشتراكية وليس فشل الشيوعية وكذلك فشل التجربة مش معناه فشل الفكر .
قصدك يعني نظام التأميم هو ده الاشتراكية زي ما عمل عبد الناصر ؟!
هوب بوب بوب بوب بوب ... وقف عندك ! عبد الناصر أصلا مكنش اشتراكي ! عبد الناصر هو و مجموعة من الضباط عملوا انقلاب عسكري على الملك فاروق و نفوه برة البلد و استولوا على حكم البلد و بعدين؟ هو كان عايز يحارب إسرائيل ! و فيه في العالم قطبين كبار مسيطرين على العالم و بيكرهوا بعض و كان فيه بينهم حرب باردة زي ما بيقول التاريخ ! القطب الأمريكي الرأسمالي و قطب الاتحاد السوفيتي اللي بيميل لمبادئ الاشتراكية ! طيب أنا عايز سلاح أحارب إسرائيل؟ و أمريكا بتدعم إسرائيل ! طيب اخد سلاح من مين ؟ من الاتحاد السوفيتي ! الاتحاد السوفيتي ده بيحب الاشتراكية ! خلاص يابا أنا بحب الاشتراكية كمان بس أدوني سلاح! ايش حال مكانش أكثر ناس مسجونة في عهد عبد الناصر هم الاشتراكيين و الشيوعيين ؟ كنتوا قلتوا عليه ايه بقى ؟ إزاي يبقى في دولة اشتراكية وكل الشيوعيين والاشتراكيين في السجون والمعتقلات ، وأول ضحايا للدولة دي اللي بتقول على نفسها إشتراكية كانوا الرفاق خميس والبقري في كفر الدوار والرفيق شهدي عطية الشافعي في السجون أيام عبد الناصر ، كمان مكنش في أي تنظيمات أو نقابات عمالية مستقلة !!! طيب نظام عبد الناصر ده اسمه ايه؟ اسمه رأسمالية الدولة ! يعني ايه ؟ يعني النظام الحاكم اللي في البلد يقشط كل اللي في البلد و يديره هوا بالحكومة !..هو ده حكم الشعب؟ دي الدولة هي اللي اتحولت لرأسمالي كبير و واحد بس و محتكر كل شئ عشان كده اسمها رأسمالية الدولة .
! طب والشيوعيين ناويين يعملوا ايه في مصر ؟!
ديه لمحات من البرنامج:
أول حاجة الديمقراطية المباشرة يعني انتخاب ممثلين الحواري وممثلين الحواري ينتخبوا ممثل شارع وممثلي الشارع ينتخبوا ممثلي الاحياء وهكذا لغاية المجلس الشعبي الأعلى ، ويبقوا دول صوت الشعب ومن الممكن إنهم يمشوهم أول ما يلاقوهم مش تمام .
وهنعمل حرية النقابات والاتحادات و مستقلين عن الدولة .
وأكيد هنأمم المصانع ونمصر البنوك عشان نحمي مصر من الاحتلال اللي بيحصل فيها بسبب الاستثمار وعشان الشعب يمتلك كل حاجة .
ونعمل صناعات ثقيلة والمصانع لما نعملها أو نأممها هنديها للعمال يديروها ويحددوا خطة العمل فيها هتبقى إزاي باللي يناسب حاجة الدولة .
وهنأمم الأراضي وهنخلي أقصى حاجة في الملكية خمسين فدان والباقي تعاونيات مع الفلاحين وهيديروا هما الأرض بما يتناسب مع حاجة الدولة من المواد المزروعة وهنستصلح الأراضي اللي في الصحراء بما يوازي 10 مليون فدان كمرحلة أولى على خمس سنوات ولو الإنتاج كان اكتر من الحاجة هنتبادل الزيادة مع الدول الصديقة.
والتعليم هنخليه مجاني تماماً وإجباري لحد السن اللي ممكن الواحد يشتغل فيه وهنأمم المدارس والجامعات الخاصة وهنوحد المناهج في كل مكان وطبعاً من حق المعلمين والطلاب وضع سياسة التعليم المناسبة وخط المناهج الدراسية وكل ده بشكل ديمقراطي حر .
وتوفير سكن ادمي وعلاج مجاني محترم للناس وهنتوسع في المستشفيات عشان نغطي كل مكان في مصر .
نتمنى نكون قدرنا نجاوب على أسئلة وحاجات كتير بتيجي في ذهنكوا يا شعب مصر العظيم لما بتسمعوا كلمة شيوعي ودي محاولة صغيرة مننا وأكدي هيبقى في تواصل وتوضيح اكتر من كده لينا ولأفكارنا.
الاشتراكية حتمية و الشيوعية هي البديل
الحزب الشيوعي الثوري
www.facebook.com/CPREgypt
01220235693 - 01095880371
رابطة الطلاب الاشتراكيين
http://www.facebook.com/socialiststudentseg
01114435407
|
|
التعليق والتصويت على الموضوع في الموقع الرئيسي
التعليقات
1 - الحزب مضاد للفكرة
محمد
(
2012 / 4 / 14 - 00:58
)
اذا كانت الاشتراكية هي تحول لمجتمع كل يعمل وكل ياخد عمله بعد الراسمالية ونهب فائد القيمة فالطبيعي ان الطبقة العاملة هي اللي هتعمل الثورة مش الحزب الشيوعي والحزب ده ملوش اي معني غير زي عبد الناصر والاخوان دلوقت هيركبوا علي ثورة الشعب واشتراكية الشعب ويعملوا بيروقراطية وحكم الحزب, والاتحاد السوفيتي تعبان من ايام ستالين ده غير انه من الاول خالص لما البلاشفة قضوا علي اي معارضة حتي اليسارية... وستالين ده اللي عمل حكم ديكتاتوري وقتل ملايين لمنفعته الشخصية
فمن الاخر معرفش ازاي ناس بتقول السلطة للشعب و بتنادي بجزب يقود الثورة وهل معقول ان الناس هتتوحد في حزب واحد طبعا ده استحالة
العيش مينفعش يجي للشعب من غير الحرية السياسية
2 - الفقرة
فاروق
(
2012 / 5 / 13 - 15:26
)
انا ملاحظ ان في استخدام الفاظ عمية بجانب الفاظ اللغة العربية
المفروض استخدام العمية او العربية
3 - رداً على االتعليقات السابقى
رابطة الطلاب الاشتراكيين
(
2012 / 5 / 14 - 11:34
)
بعد التحية.
اولاً احنا بنكتب بالعامية عشان عاوزيين الشارع يفهمنا بنكتب بلغة الشارع بنعصر الماركسية اللنينية عصر ونقدمها للشارع يشربها ويفهمها بلغته بطريقته.
وفكرة الحزب ضرورية عشان تقدر تنظم الناس
.. هل بدأت معركة الولايات المتأرجحة بين بايدن وترامب؟ | #أميركا
.. طالبة تلاحق رئيسة جامعة كولومبيا نعمت شفيق وتطالبها بالاستقا
.. بايدن يقول إنه لن يزود إسرائيل بأسلحة لاجتياح رفح.. ما دلالة
.. الشرطة الفرنسية تحاصر مؤيدين لفلسطين في جامعة السوربون
.. الخارجية الروسية: أي جنود فرنسيين يتم إرسالهم لأوكرانيا سنعت
