الحوار المتمدن - موبايل
الموقع الرئيسي


انا بكتب حاجات - باللهجة المصرية

حسام السبع

2012 / 4 / 14
الادب والفن

بكتب حاجات
بكتب حاجات
عن اللي عدّى
عن اللي فات
برسم جراحي
عـ سطر شايل ..
. حزني ونواحي
و الذكريات


أقول وداع
ولسه باقي ... عندي أمل
بس الساعات
زي السنين
وحر الأهات
ومر الأنين
إتبددت منها الأماني
ولسه تاني..
حكتب حاجات

تقولها بعدي
نغمة الحب الحزين
..بناي الحنين
تصبح أغاني يا زماني
ودمع يشكي
. وقلب يحكي
..والسطر يسمع..
كل الحكايا ..
يبكي معايا
من يوم مادبلت.
.. كل الورود
من يوم ما هانت.
. كل العهود
ماعدش ينفعنا الكلام
..واكتب لمين ؟
عن اللي عدى
عن اللي فات


قلبي كفايه..
داري الأسيه ..
داري الحكايه ..
..وانسى اللي كان ..
آن الأوان
إنك ما تكتب عنه كلمه
وأن فكـّرك فيه الحنين
إقفل ببان.
. وبعدها إقفل ببان
عـ كل ذكرى منها بكره
أكتب حاجات
عن اللي عدى
عن اللي فات

---

---

---

التعليق والتصويت على الموضوع في الموقع الرئيسي

---

.. فيلم #رفعت_عيني_للسما مش الهدف منه فيلم هو تحقيق لحلم? إحساس


.. الفيلم ده وصل أهم رسالة في الدنيا? رأي منى الشاذلي لأبطال في




.. في عيدها الـ 90 .. قصة أول يوم في تاريخ الإذاعة المصرية ب


.. أم ماجدة زغروطتها رنت في الاستوديو?? أهالي أبطال فيلم #رفعت_




.. هي دي ناس الصعيد ???? تحية كبيرة خاصة من منى الشاذلي لصناع ف