الحوار المتمدن - موبايل
الموقع الرئيسي


قصيدة و قالولى عليك خاين

جمال الشرقاوى

2012 / 4 / 19
الادب والفن


و قالولي عليك خاين
و الليل م بينسىَ صباحه
قلتلهم ما تذكروه
علّ قلبي ينسىَ جراحه
و سألت كل الناس
و هو كلامهم م اتغيَّرش
و اتمنيتك يوم أمل
و انت قدر م بيعذرش
و انا اللى قابلتك يوم
يا حبيبي من غير معاد
و قلت خلاص لقيت النوم
و الأحلام بعد السُهاد
و لقيتك بتلعب بيَّه
و بتبعد شويَّة شويَّة
و بترميني ف بحر الحزن
و تغرَّق معاك مراسيَّه
و افتكرت نفسي يوم
عايش بقول مين قدِّي
أتاريني على شط غريب
ماشي ببكي عمري لوحدي
و قالولى خلاص م تبكيش
على خاين راح و فات
قلت ببكي على ماضي
عمر معاه كأنه ساعات
و لمَّا كان بيدُق الباب
كنت اقوم بالليل و افتح
و لمَّا يا ناس كنت بشوفه
قلب ضنىَ بيه بفرح
كنت اغسله بدموع عيني
و كنت اكسيه ببسمتي
لا كنت عايز غير حبه
و لو تخاصمني دنيتي
و لو بكىَ مرة على كتفي
أرقيه بدمِّي من الأحزان
أحكيله حواديت كتبي
و أشعاري و ابات حيران
رعيته يوم قلب صغيَّر
حتىَ صار زي النخيل
و لمَّا آجي احتاج حبه
ألقاه عليَّه يا ربِّ بخيل
سنين و سنين و انا ويَّاه
صابر على تقله بحالي
و كل م ابقىَ أتوب و انساه
ألاقيه ف كل ترحالي
عشقه معذبني لا بيسبني
و لا بتقول عنيه لأة
بيعدِّي و انا اشوفه و لا بيسأل
قلبي ف يوم على الدقة
خلاص أنا طاوعت الناس
و قلت أسيبه و أهجره
و انا يا حبيبي مش وسواس
دة قلبي لقاك بتنكره
و قالولي عليك خاين
و الليل م بينسىَ صباحه
قلتلهم ما تذكروه
علّ قلبي ينسىَ جراحه
علّ قلبي ينسىَ جراحه





التعليق والتصويت على الموضوع في الموقع الرئيسي


اخر الافلام

.. إليكم ما كشفته الممثلة برناديت حديب عن النسخة السابعة لمهرجا

.. المخرج عادل عوض يكشف فى حوار خاص أسرار والده الفنان محمد عوض



.. شبكة خاصة من آدم العربى لإبنة الفنانة أمل رزق


.. الفنان أحمد الرافعى: أولاد رزق 3 قدمني بشكل مختلف .. وتوقعت




.. فيلم تسجيلي بعنوان -الفرص الاستثمارية الواعدة في مصر-