الحوار المتمدن - موبايل
الموقع الرئيسي


ليل ونطرا وآخ

إيلي الزين

2012 / 4 / 26
الادب والفن

نْطَرتِك بقلبي، وليل
عم يفرش عتم
يدقْدِق وقت
تكّات هرباني
ويغفا ع زندي وجّك الملهوف
يشهق فزع
وخبار برداني.

نطرتك بقلبي
إكتب وإمحي حروف
شفتك سطر
ضايع بِ قلب كتاب
شفتك جرح مكسور
ودموع سكراني
تسكب عمر
تسكب وجع مبحوح
ع خدود نعساني.

نطرتك بقلبي
والقلب مفتوح
بابو مشلّع، وديب
بالعتم بيشوف
ناطر ع باب القبر
عم يرسم صليب
يفتفت حجر مهجور
وما يترك زِكِر.

نطرتك ع جرحي وليل
عم ينقص سكوت
دِبل العتم والضّوّ
فرّخ ع كعب آهاتي،
فيِّق خيالك الملقوح
ع كتاف وجعاتي،
إبعت عيوني يشرَدو بالجوّ
ويرجعو بكّير ع بيوت
زهّر عليّا الموت
وهاك الصوت
للّي كان يرشرش مجيتك ع القلب
لبس البكي فستان
أسود ومقهور
يصرخ بِوِجّ القبر
لا ترجّع للّي كان
جايي أنا كِلمات
عم بتموت.

---

---

---

التعليق والتصويت على الموضوع في الموقع الرئيسي

---

.. لم أعتزل والفوازير حياتي.. -صباح العربية- يلتقي الفنانة المص


.. صباح العربية | في مصر: إيرادات خيالية في السينما خلال يوم..




.. لم أعتزل والفوازير حياتي.. -صباح العربية- يلتقي الفنانة المص


.. صباح العربية | في مصر: إيرادات خيالية في السينما خلال يوم..




.. لقاء خاص مع الفنان حسن الرداد عن الفن والحياة في كلمة أخيرة