الحوار المتمدن - موبايل
الموقع الرئيسي


دويتو ألبوم صور

جمال الشرقاوى

2012 / 5 / 17
الادب والفن


ألبوم صور
كل الحياه
دي ذكريات
م فاضلش مننا غير صورة
ألبوم صور
لكل الناس
مليان حاجات
م فاضلش مننا غير صورة
بتعدِّي الأيام صورة ف صورة
و بنضحك لعيون أمورة
بتعدِّي سنين نشتاق لحنين
لمَّا تقرَّب آخر صورة
صحَّانا الموج جوة جزيرة
نتذكر اللي كان زمان
نحاول نقربله كمان
كنا نضحك كنا نجري
و الصورة ف الألبوم بتجري
و لقينا قلوبنا دي مهجورة
ألبوم صور
كل الحياه
دي ذكريات
م فاضلش مننا غير صورة
ألبوم صور
لكل الناس
مليان حاجات
م فاضلش مننا غير صورة
صندوق دنيا و حبيناه
مليان ألاعيب الحواه
العبرة فيه دمعة حياه
نفد صبر الحيلة معاه
لو ذكرى اترفعت من صورة
نكدب على روحنا و نقول
الدنيا دي مخلوقة لينا
و لا بنضعف و لا بنحتار
و انَّ الغيرة مش لينا
و دموعنا دي فينا مأمورة
البوم صور
كل الحياه
دي ذكريات
م فاضلش مننا غير صورة
البوم صور
لكل الناس
مليان حاجات
م فاضلش مننا غير صورة





التعليق والتصويت على الموضوع في الموقع الرئيسي


اخر الافلام

.. تفاعلكم | الغناء في الأفراح.. حلال على الحوثيين.. حرام على ا

.. الفنان عبدالله رشاد: الحياة أصبحت سهلة بالنسبة للفنانين الشب



.. الفنان عبدالله رشاد يتحدث لصباح العربية عن دور السعودية وهيئ

.. أسباب نجاح أغنية -كان ودي نلتقي-.. الفنان الدكتور عبدالله رش



.. جزء من أغنية -أستاذ عشق وفلسفة-.. للفنان الدكتور عبدالله رشا