الحوار المتمدن
- موبايل
الموقع
الرئيسي
همسات عشق أزلية 2
ناجح محمد الجبوري
2012 / 6 / 5الادب والفن
هاا حبيبي
تمطر عيوني دفو
وتتلكه صوتك
ياربيع أحساسي ... يالتنضح ضوة
يالتفاصيــــلك تعجب....؟
حدر فيّ عيـــنك غوة
وطيحت شمس
ومن ... من رسم منضار شوفك
تنطي للظلمة عوافـــــي
يـــلـــــــــــي من تضحك ... يونسنه غرورك
وأنته يل بألزعل دافي
مر علـــيّ..... وأني بطريقك
محضر لجيتك ... هلاهل شوف
ومحاضن سوالف
ولو لــيـلـــي
كـــــــاسر بطولة ســـوالف مستحاي
ولــــو لـــيــلـــي ...
بــاك لوني بغيبتك ... وبطول بعدك
شخبط برونق ســــماي
يـــــــــاطعم غبشة ربيع
مزوكه بصوت البلابل
يــــاحرز بيد أم قــديــــــمة ...
وندته بطيبة لبنهه .... بس تــعـــــال
بس تعــــــــال وهــــاك عمري
تكدر تكلبه بأديك
عمري ليل ....
وانته يالطولك نهار ... مد أديك
مد أديـــك بطول خلكي
وخلني ألوح مكابرك
أنته يالخلكك مثل صفنة هوه
أنته يالتضحك غوة
مد أديـــك وجيس روحي
ألروح تشفه
من أشم ريحة عشك بدروب أهلنه
شلون بيك
مد خيـــــــــالك ... وأعزف ألحان ألمسامر فوك شفتي
بوس المباوك حلال
بي محنة
مو مثل بوس الحلال
ناجح الجبوري 2012
|
التعليق والتصويت على الموضوع في الموقع الرئيسي
.. مهرجان كان السينمائي: تصفيق حار لفيلم -المتدرب- الذي يتناول
.. إخلاء سبيل الفنان المصري عباس أبو الحسن بكفالة مالية بعد دهس
.. إعلان آيس كريم يورط نانسي عجرم مع الفنان فريد الأطرش
.. ذكريات يسرا في مهرجان كان السينمائي • فرانس 24 / FRANCE 24
.. الفنان السعودي سعد خضر لـ صباح العربية: الصور المنتشرة في ال