الحوار المتمدن - موبايل
الموقع الرئيسي


من حديث المساطب

ثامر ابراهيم الجهماني

2012 / 7 / 16
الثورات والانتفاضات الجماهيرية


من حديث المساطب :
مخابرات وامن لحماية البلد ام مراقبة النفس الطالع والنازل للمواطن .

قصة رواها لي احد اقاربي . جرت احداثها في مدينة نوى عقب توقيع اتفاقية كامب ديفيد ( التي ثبتها السيد مرسي ) .
كان الحج جبر قاعد على السيباطة جنب الدار هو وشلة الختايرة رفقاته ، (وحديثهم كان حول محمد انورالسادات ) ، الاول انا بكره الخاين السادات .
الثاني بقول لازم نعرف التفاصيل . والثالث والرابع (اغلب الاراء كانت ضد الاتفاقية ) .
اما الحج جبر قال : ياجماعة مالكم شايلين على هالزلمة خليه يروح يجيب شوية مصاري خليه يطعمي الشعب لانو الشعب المصري مش ملاقي يوكل وبكمل عشاه بلحس ط.... . سكت الجميع هولا من رأيه المخالف المتطرف .
في اليوم التالي :
على نفس السيباطة ...تجمع الرهط ....
الحج جبر مازال كما كان شروال اسود كل بقعة زيت فيه بتساوي سندويشة زعتر وشحاطته المشلوخة خيطها بخيط ابيض ظاهر .

مابلش الكلام بعده وقفت سيارة بيجو 404 ستيشن بيضا ..طبعا بدون تذاكي سيارة امن .

احد العناصر : مين الحج الجبر .
- انا .
- تفضل معنا .
-لوين .
-ع الفرع المعلم عازمك ع كاسة شاي .
- ماشي ......يا جماعة خبرو الحجة اني معزوم ع كاسة شاي ومش رح اطول .
(( طبعا هو مش عارف انو احد رفقاتو صقعه تقرير من كعب الدست )) .
سارة السيارة طويلا الى ان وصلت الى دمشق احد الفروع الامنية .
ادخل الحج جبر الى رئيس الفرع .
( المشهد ) الغرفة - المكتب - مؤثثة جيدا السجاد طول الوبر10 سم . المكتب عريض يملئ الواجهة رئيس الفرع اصلع قصير بشكل ملفت ....ذو كرش مدورة . يقف خلف الكرسي ويسند ساعديه على ظهر الكرسي ليعطي لنفسه وللضيوف بانه طويل .
تكلم رئيس الفرع .
- ياحج جبر انت بتقول .....ةذكر مانطق به الحج جبر حول السادات .
- اني قالولي الشباب انك عازمني ع كاسة شاي .
- ماشي بشربك شاي بس لاتكذب .
- له يا محترم اني ما بكذب ولويش اكذب . الصحيح يا سيدي مبارح اجى لعندي محمد ( محمد انور السادات ) ...وقلي ياحجي بدي ازور اسرائيل شو رأيك .... _سكت الحاج برهة _ والله يا سيدي ...ابو ايش الله يخليلك ياه ....
- اجاب الضابط ...بعصبية نزقة ....ابو خرى ...
- عاشت الاسامي والله يديموا عليك ...المهم مسكت لعقال وانزلت فيه كتل لانور واني بقله يا انور حرام عليك ((هنا الضابط لم يتمالك نفسه من الضحك بل بلع ضحكته بيده )) يا انور دم الشهدا ...والله يا سيدي ابو خرى ويديموا عليك ...نهنهتوا من الكتل ...يا ابو خرى نيمتو على الصوفاية وكمرته بالفروة ...فقت الصبح لقيته فال ورايح ع اسرائيل ....يا ابو خرى ويديموا عليك هاي القصة وما فيها .
- هنا كان الضابط قد ارهق من كبت ابتسامته وقهقهته فطرد ابو جبر ....
- ابو جبر الحجي قله : يا ابو خرى استحوا ع دمكم انتو مخابرات ع الي بيحكي سولافة والا مخابرات لامن البلد ....
لم يكمل الحج جبر كلامه حتى تم رميه خارج الفرع بعد ما ضاعت فردت الشحاطة المخيطة ..
في هذه الاثناء كان رئيس الفرع يحدث ضيفه ....يارجل اول مرة واحد ببهدلني وبهيني وبضحك .


(( ملاحظة القصة حقيقية وحرصت على سردها كما وقعت دون رتوش او تدخل او صياغة ادبية ))





التعليق والتصويت على الموضوع في الموقع الرئيسي


اخر الافلام

.. جغرافيا مخيم جباليا تساعد الفصائل الفلسطينية على مهاجمة القو

.. Read the Socialist issue 1275 #socialist #socialism #gaza




.. كلب بوليسي يهاجم فرد شرطة بدلاً من المتظاهرين المتضامنين مع


.. اشتباكات بين الشرطة الأميركية ومتظاهرين مؤيدين للفلسطينيين ب



.. رئيسة حزب الخضر الأسترالي تتهم حزب العمال بدعم إسرائيل في ال