الحوار المتمدن - موبايل
الموقع الرئيسي


الحرة لا تأكل بثدييها...

زهرة الشمس محمد

2012 / 8 / 9
كتابات ساخرة


الحرة فى بلادنا لا تأكل بثدييها
ببساطة لانها واكلة ومهرية ضرب
على اديها ورجليها
الحرة فى بلادنا لا تأكل بثدييها
لانها واقفة فى طابور
على مدد الشوف
علشان تجيب الرغيف
الحاف لذويها
الحرة فى بلادنا لاتأكل بثدييها
لان الدم بقى يفور فى دماغها
من شيل الأنبوبة والجرى بيها
وفى الأخر.. ياريت تلاقيها !
الحرة فى بلادنا لاتأكل بثدييها
لأنها متختنة من صغرها
من قبل ما تعرف ايه متخبى ليها !
الحرة فى بلادنا لاتأكل بثدييها
لان يا ويلها لو قالت للراجل لأ
يشيل عمنا ويهبد فيها
أو يروح يتجوز تانى عليها
الحرة فى بلادنا لاتأكل بثدييها
لانها لو خلفت بنت
يا مرارها وسواد لياليها
الحرة فى بلادنا لاتأكل بثدييها
لانها لو قامت ثورة
بتكون جايزتها كشف العذرية
والسحل والمرمطة والسب فيها
الحرة فى بلادنا لاتأكل بثدييها
لان لما تخلص الثورة
تلاقيها ياعينى اما أرملة أو أم شهيد
تبكى بالدمع عليها
الحرة فى بلادنا لاتأكل بثدييها
لان يا ويلها لو عنست غصب عنها
الكل يبيع ويشترى فيها
الحرة فى بلادنا لاتأكل بثدييها
ولو خيرتمونى لأكتب الألفية عليها
الحرة فى بلادنا لاتأكل بثدييها
لان الحرة فى بلادنا فيها اللى مكفيها
الحرة فى بلادنا لاتأكل بثدييها
رغم كل المرار الطافح اللى بتشوفة !
وهأتشوفه!... هأتعيش وتموت
الحرة فى بلادنا لاتأكل بثدييها





التعليق والتصويت على الموضوع في الموقع الرئيسي


اخر الافلام

.. المخرج كريم السبكي- جمعتني كمياء بالمو?لف وسام صبري في فيلم


.. صباح العربية | بمشاركة نجوم عالميين.. زرقاء اليمامة: أول أوب



.. -صباح العربية- يلتقي فنانة الأوبرا السعودية سوسن البهيتي


.. الممثل الأميركي مارك هامل يروي موقفا طريفا أثناء زيارته لمكت



.. أمسيات شعرية- الشاعر فتحي النصري