الحوار المتمدن - موبايل
الموقع الرئيسي


تياترو النجوم

هبه سعد أبوالمجد

2012 / 8 / 27
الادب والفن

على إيه مضايقة وشايلة هموم؟!
ده إنتِ يادوب كومبارس وسط نجوم
هي الدنيا إيه غير تياترو مليان هدوم؟!

كله بيبلبس حسب دوره
وبيمثل زي ما يقولوله

في اللي بيخرج عن النص
وفي اللي بيلتزم بالسيناريو من غير قص

في اللي بيقول سمعًا وطاعة
وفي اللي بيعارض ويتمرد على مدار الساعة

في اللي بيستناه الجمهور
وفي اللي ورا الكواليس من غير ظهور

في اللي عايش في قصور طايلة النجوم
وفي اللي ساكن البدروم

هي كده متحاوليش تفهميها
ومتفتكريش إنك هتعدليها

ما هي أصلها مبرتساش على بر
يوم حلو ويوم مر

يوم هتكون أمير
ويوم هتعيش عيشة الغفير

هو في ممثل بيمثل دور واحد؟!
ما هو لازم ينّوع ويمثل كل الأدوار واحد واحد

مرة طيب مرة شرير
مرة بارد ومرة للنوايا الحسنة سفير

قومي اغسلي وشك ومتزعليش
وبصي في المراية ومتكشريش

ظبطي شكلك على دورك اللي هتمثليه
وبطلي تمرد وتقمصي دورك .. عيشيه

يلا يلا بلاش هم
يلا بلا حرقة دم
ده الكل في الآخر مش هيعرف يقول بم

---

---

---

التعليق والتصويت على الموضوع في الموقع الرئيسي

---

.. عوام في بحر الكلام - حفيد الشاعر الكبير فؤاد حداد مع الشاعر


.. عوام في بحر الكلام - علي الحجار مع الشاعر الكبير فؤاد حداد




.. الفنانة ماري سليمان تؤدي أغنية -في عينك بدور- على مسرح The S


.. مسرحية -شو يا قشطة- تصور واقع مؤلم لظاهرة التحرش في لبنان |




.. تزوج الممثلة التونسية يسرا الجديدى.. أمير طعيمة ينشر صورًا