الحوار المتمدن - موبايل
الموقع الرئيسي


أغنية يا صاحبى ويوم هنعدى

جمال الشرقاوى

2012 / 10 / 24
الادب والفن


يا رب الأمل موجود
دايماً ف الروح مولود
يـ صاحبى و يوم هنعدى
للحلم اللى كان مفقود
و حال الدنيا متغيّر
و انا راجع بأحلامى
أواسى كل متحيّر
بأشعارى و بكلامى
و فنى ليه يوم مشهود
أقرا لكم كتاب الروح
و اسمعكم كدة الأنغام
و اغنى لكم بصوت مفتوح
ع العالم و ع الأيام
و مفيش طريق مسدود
يـ رب الأمل موجود
دايماً ف الروح مولود
يـ صاحبى و يوم هنعدى
للحلم اللى كان مفقود
الفجر طالع للولادة
و عمرى مستنى الشهادة
بالإيمان روح الحياه
م تلاقيش جراح زيادة
بكرة اللى جَىّ موعود
يـ ربنا مهما الحياه
تقسى علينا كتير
و مهما يـ ظلم الطغاه
تقتل صغيّر أو كبير
صبرنا دة م لوش حدود
يـ رب الأمل موجود
دايماً فـ الروح مولود
يـ صاحبى و يوم هنعدى
للحلم اللى كان مفقود





التعليق والتصويت على الموضوع في الموقع الرئيسي


اخر الافلام

.. أحمد حلمى من مهرجان روتردام للفيلم العربي: سعيد جدا بتكريمي


.. مقابلة فنية | الممثل والمخرج عصام بوخالد: غزة ستقلب العالم |



.. احمد حلمي على العجلة في شوارع روتردام بهولندا قبل تكريمه بمه

.. مراسل الجزيرة هاني الشاعر يرصد التطورات الميدانية في قطاع غز



.. -أنا مع تعدد الزوجات... والقصة مش قصة شرع-... هذا ما قاله ال