الحوار المتمدن - موبايل
الموقع الرئيسي


أبوذيَّه وقصيدة للوطن والناس

جواد القابجي

2012 / 10 / 24
الادب والفن


***********
الوطن عيب آنه اصد عنّه ++ وبد لا
وهو مو ثوب من يرگد ++ وبد لا
ألف لا اصرخ ابعالي ++ وبد لا
ما يطلع .. ابگلبی وللمنيّه
**************
هلْسَنه مرَّت جفاف ابلا مَطَر
شبيها غير الخوف تفخيخ اوخطر
***************
مرّت سنين الفُگُر محَّد سأل
اشلبس هذا الشعب بيها وشأكل
النفط يو نهرينّا الجابن عِلل
هاي حالتنه صُفَت طول الدهر
*****************
النوب حتَّه الرافدين ابلايه ماي
وهاي بلدان العجم جارت اهواي
شو إجتنه اچماله .. بزرت مردخاي
والفتاوي ابدم ِّ لعراقي هَدَر
*******************
هاي حصَّتنه لَجِل حُبْ الوطن
الشريف ينوح بالهَمْ والمحن
والحرامي اسيوفه بظلوعك مُضَن
وصرنا صحره ابلا زراعه اولا نهر
******************
ياوطن بيِّسَت بالناس الوحوش
موحرامي واحد اهوايه التروش
اوكسِّروها ظلوعنا أهل الكروش
امنين اجتنه هالقذارات الحشــــــر
*****************
ياعراقي ثوُرْ .. لا لا.. تستكين
اخذ دورك ونتقم من كل لعين
شلون توثق بالحرامي يصير أمين
گوم ضد الظُلم وإمسح كل أثّر
*****************
إلراح راح وخل نفكِّر باللي جاي
وبالدمقراطيه لازم نبني راي
اعراقي آني اوما أظن يبنيه سواي
اوإيد وحده انصير وندفعه الضرر
**************
[email protected]





التعليق والتصويت على الموضوع في الموقع الرئيسي


اخر الافلام

.. كلمة أخيرة -الفنان توفيق عبد الحميد: التمثيل حياتي وأديته كل

.. مين قالك إن بره مصر العلماء أشهر من لاعبي الكرة أو الفنانين؟



.. كلمة أخيرة -أزمة خطوط الهواتف المحمولة.. المخرج سامح سند: ما

.. مهدي لعريبي: من السينما إلى -مافيا-... الجزائر تقبض على زعيم



.. محمد علام وهيثم سعيد: ألبوم محمد عدوية الجديد استكمالا لنجاح