الحوار المتمدن - موبايل
الموقع الرئيسي


الحل الأكيد (زجل)

عماد عبد الملك بولس

2012 / 10 / 30
الادب والفن


(إهداء إلي حجاج صندوق النقد)

عندى حل لكل حاجة
مش حداقة، او سماجة ..
هى مكنة م الخواجة

*****
ريَّح أنت بس عقلك
واعتمد ع اللى اتوهبلك
وادِّى أمرك للى واكلك

أنت مالك؟
كون وماشى بالنظام
مَشِّى حالك..
هى عيشة والسلام
واللا بالك ،
فكرة منك راح تخليها تمام ؟

**********
واللى جايلك م البلاد البرانية
دى معونة واللا نجدة ربانية
غاوى بس انت فتاكة وشرانية ؟

شغل ايه
والمكن داير بيعجن بسكويت ؟
زرع ايه
والغلال م البحر جاية لكل بيت ؟
مخ ايه وعلم ايه ؟
ده شغل العفاريت !

***********************
احنا ماشيين بالهداوة كالجدود
أو حتى راكبين الحمير - لمؤاخذة - زى عبودود
أما الأتومبيل القبيح فبكرة ح ياكله دود

اوع تعرق اوع تزرع
اوع تفهم اوع تسمع
اوع يوم تقول راح اصنع

وتعال بص
الى تلك المكنة العجيبة
والتى خبأتُها
بأعمق أعماق الزكيبة
فهى أجدع شىء
....هى فى الحق .. مصيبة .

**************

مكنة ح تشيل همنا
من علام لهدوم للطعام فى فمنا
بس شرط المكنة تبقى عمنا !

وآدى حل كل حاجة
ريح انت بس عقلك
مِّشى حالك .. انت مالك
شغل ايه
زرع ايه
مخ ايه وعلم ايه ؟
(1990)





التعليق والتصويت على الموضوع في الموقع الرئيسي


اخر الافلام

.. ملتقى دولي في الجزاي?ر حول الموسيقى الكلاسيكية بعد تراجع مكا

.. فنانون مهاجرون يشيّدون جسورا للتواصل مع ثقافاتهم الا?صلية




.. ظافر العابدين يحتفل بعرض فيلمه ا?نف وثلاث عيون في مهرجان مال

.. بيبه عمي حماده بيبه بيبه?? فرقة فلكلوريتا مع منى الشاذلي




.. ميتا أشوفك أشوفك ياقلبي مبسوط?? انبسطوا مع فرقة فلكلوريتا