الحوار المتمدن - موبايل
الموقع الرئيسي


سايق الهبل ع الشيطنة

شريف حافظ

2012 / 10 / 31
الادب والفن


سايق الهبل ع الشيطنة،
يا مصري عايش طنطنة،
شايف العوج من البريئ،
يا مصري شايف الطريق!!

من يوم ما قاموا
مستكين،
ع كنبة ثابتة
من سنين،
قالوا فيك
ثور ف برسيم!!
بس التاريخ
هو العليم!!

أبو جهل
وصفوك بيه كمان!!
وأبو علم
خيمة فالميدان؟!

ساكت ما قمت،
قاعد كهين!!
لفوا وداروا
هتفوا وساروا
ورجعوا إليك
بخُفي حنين!!

أنت اللي جنب الساقية
داير!!
بتزرع وتسقي وتروي
وصامت
ما تتكلم
تعاير!!

أصل الأصول،
الرمي بالزلط،
من دون معرفة
ولا نُضج،
غلط!!

وآدي اللي رماك ..
قشرة موز!!
وخلى نفسه
وأنت معاه،
ومصر كمان،
في حالة عوز!!

وأنت لسه صامت
عن الكلام،
تقول في نفسك:
مين اللي دام؟!

النكتة ليك هي السلاح!!
والكلمة الحلوة
في بعضيها سم ..
حتعدي فوق كل النباح!!

وأديك على خط النهاية،
بتتحفذ لجل البداية،
لجل مصر ليك،
مش علبة فيها فيل!!
دي محروسة،
من الله،
وعود
فيه شوك
بورد الجميل!!

صبرك مآخي أيوب،
نهار ما تقوم،
تدوب
في حب حضارتك
شعوب
مهما عن الكلمة
تصوم!!

فاطر
وقت الآذان!!
القيام
وقت للعابد
والجدعان!!

فاتوا عليك،
زي الرز
كثير،
ودايماً طول عمرك،
صبرك ينتهي بهدير،

خطيت المر
عديت بارليف،
ودمك حر
ما تخاف من سيف،
خطاويك بحساب،
مش جري
ومسدس صوت
زي بني آدمين
مآخية الكلاب!!

ووطنك
عمره ما كان سبوبة!!
دنياك هادية
مش مقلوبة!!

يا أبن بلدي
صحيح أنت بسيط،
لكن تفهمها وهي طايرة،
بمزاجك يلبسوك السلطاينة،
لكن
قلبك غويظ!!

ومهما بعدت ترجع
لمصر
الغايبة عنا وأحنا فيها،
وقريب راح تعود،
وأحنا بيها!!

ده هو أنت
معطاء كالنيل
ورغم الفقر
واقف شامخ
زي النخيل
مضياف وببسمة
مش بخيل!!

وجيشك وشرطتك وقضاك
ليك،
مهما حاول الخونة،
كل دول بيك!!
راح يسقطوا هما،
وأنت
على سجادتك،
عابد للملك
ومحروس بالمليك!!

سايق الهبل ع الشيطنة،
يا مصري عايش طنطنة،
شايف العوج من البريئ،
يا مصري شايف الطريق!!


وتبقى مصر أولاً دولة مدنية





التعليق والتصويت على الموضوع في الموقع الرئيسي


اخر الافلام

.. بشار مراد يكسر التابوهات بالغناء • فرانس 24 / FRANCE 24


.. عوام في بحر الكلام-الشاعر جمال بخيت يحكي موقف للملك فاروق مع



.. عوام في بحر الكلام - د. أحمد رامي حفيد الشاعر أحمد راي يتحدث

.. عوام في بحر الكلام - الشاعر جمال بخيت يوضح محطة أم كلثوم وأح



.. عوام في بحر الكلام - إلهام أحمد رامي: أم كلثوم غنت في فرح با