الحوار المتمدن - موبايل
الموقع الرئيسي


(( ..... قلبى بايه مليان ؟! ..... ))

هانى صموئيل

2012 / 11 / 20
الادب والفن

(( ..... قلبى بايه مليان ؟! ..... ))
انت بس اللــــــى عارف
قلب ابنك بايــــه مليان
مانت شايــــف اللى للعيون مش بيبان .
شايف ..... اللى فى الصدور مستخبى .
شايف ..... الآه اللى نفسها تخرج وتسبنى .
شايف ..... قد ايه متألم , متألم من جرح حبى .
شايف ..... دموع وصرخة تتمنى تنطلق , مكتومة غصب عنى .
شايف ..... الكتمة والغمة والتكشيرة اللى فــــــــ ضحكى .
شايف ..... الهمة اللى بتموت مع كل خطوة بتقع منى .
شايف ..... وقت بيجرى , وقت اااسرع منى .

شايف ..... بواقى حلم لسه بيتهز قدام عينى ونفسى اخده فى حضنى .
شايف ..... فرحة خايفة تخرج لتتسرق منى .
شايف ..... الضحكة اللى بتخرج وهمها بس نفسى!!!! .
شايف ..... كلمة حب جوايا مكتومة , نفسها تخرج (( بحبك )) , وتلاقى صدى (( بتحبنى )) ؟؟!! .
شايف ..... كلمة عتاب حيرانة تخرج وتعاتب ولا تفضل وتتآلم ,, خايف لتكسرنى؟ .
شايف ابنك ..... شايفه من قريب
شايف ..... الحب اللى لسه فيه والتراب غطاه
شايف ..... الخير اللى مش باين للعين ولا حساه
يارب
انت بس اللــــــى عارف
قلب ابنك بايــــه مليان
مانت شايــــف اللى للعيون مش بيبان
م / هانى صموئيل
Eng / Hany Samouel

---

---

---

التعليق والتصويت على الموضوع في الموقع الرئيسي

---

.. الفلسطينيين بيستعملوا المياه خمس مرات ! فيلم حقيقي -إعادة تد


.. تفتح الشباك ترجع 100 سنة لورا?? فيلم قرابين من مشروع رشيد مش




.. 22 فيلم من داخل غزة?? بالفن رشيد مشهراوي وصل الصوت??


.. فيلم كارتون لأطفال غزة معجزة صنعت تحت القصف??




.. فنانة تشكيلية فلسطينية قصفولها المرسم??