الحوار المتمدن - موبايل
الموقع الرئيسي


لحد أمتى ؟

عبدالله صقر

2012 / 12 / 3
الادب والفن


لحد أمتى ؟
..............

لحد أمتى
وأنا صابر
لحد أمتى
وأنا ها أفضل كده حاير
لحد أمتى وأنا وسط الهموم داير
لحد أمتى وأنا مطاطى من كثر
الهموم اللى نازلة على رأسى
موش قادر أرفع منها رأسى
من كثر القهر اللى واقع على
كل ما يجى لنا رئيس نقول
خلاص ها نعدى لبر الآمان
وقلنا خلاص ها نحقق الأمال
أتارى بينسرق منا الآحلام
.................................

فكرت يا ناس إنى أسيب الغالية
وأروح أدور على بلاد ثانية
فكرت إنى أهج فى وشى وأهاجر
لقيت نفسى يا ناس موش قادر
يا ناس دمها بيجرى فى عروقى
ودمها بيجرى فى دمى
وهواها منين أروح ملازمنى
برغم فقرها وعيشتها الضنك
قلبى بيقول لى إزاى أنساها
وهى موش قادرة تعبر لبر الآمان
يا أخوانا لآمتى وإحنا ها نعيش فى هوان
ولحد أمتى وأنا على الظلم متحمل
ولآمتى وكل ما يجينا فرعون جديد يتجمل
بكلام معسول فى الآول
وكلام موش داخل فى دماغى
لا فى الآخر ولا فى الآول
..................................................

بيعاملونا وكأننا قطيع من الخرفان
أو شوية سمك فى شادر
العشرة مننا بقرشين
وهى دى قيمتنا عندهم
لآنهم حاسبينا بالملاليم
ونسيوا أننا نساوى ملايين
خرجنا نفدى وطنا فى الميادين
عشان نطالب بحرية الآوطان
للأسف قالوا علينا كفار
لآننا موش من الآخوان
ورفعنا راية العدل من زمان
من يوم ما قامت الثورة على الغربان
والآن لازلنا بنعانى
............................................

دستورنا يا أسيادنا موش مسروق
لكنه للأسق مسلوق
لمواطن بيعانى ومخنوق
ياربى أمتى بقى ها نصحى ونفوق
يا أخوانا لحد أمتى وأنا صابر
لحد أمتى وأنا مطاطى
وعيونى فى الآرض مكسورة
عشان حقوقى بالدستور مكسورة





التعليق والتصويت على الموضوع في الموقع الرئيسي


اخر الافلام

.. أحمد عز الفيلم المصري اسمه الفيلم العربي يعني لكل العرب وا

.. انطلاق فيلم عصابة الماكس رسميًا الخميس في جميع دور العرض




.. أوس أوس: هتشوفونا بشكل مختلف في فيلم عصابة الماكس وكل المشاه

.. مؤلفين عصابة الماكس: الفيلم قائم على العائلة وأهميتها.. ومشا



.. لبلبة وأوس أوس ونجوم مسرح مصر يحضرون العرض الخاص لفيلم عصابة