الحوار المتمدن - موبايل
الموقع الرئيسي


أغنية - فى الميدان

غادة عبد المنعم

2012 / 12 / 29
الادب والفن


أغنية فى الميدان كلماتى مهداه لمن غادروا الميدان إلى قبورهم..
للشهداء الأعظم من كل الآخرين
_________
فى الميدان
وسط الناس والتراب والزبالة
وسط الضيق والزعيق والدخان..
وهم بيموتونا
إنت يا مصر وحدك اللى قاعد علشانك فى الميدان
مهما يرموا قنابل، رصاص، والدم يسيل يملا الشوارع
يضربونا.. أنا قاعد فى الميدان
مهما قالوا اسكتوا
وضربوا وبطحوا وعوروا وموتوا .. مهما عملوا فينا
أنا قاعد فى الميدان
***
الملل واقف ما بينى وبين كل اللى جنبى حيطان
الخونة فى حكمك يا مصر يتبدلوا
بيحكموا ويموتوا فى اخواتى ويضربونى بالحجارة
والسيوف والقنابل والمطاوى والدخان
لأ
مش حأسيب الميدان
مش حأسيب الميدان
مش حأسيب الميدان
أنا شفت بعنيا اللى اتضرب
واتهان واللى دمه سال.. واللى ضاع
باطمنك يا مصر أنا قاعد فى الميدان
مش حأسيب الميدان
فى الليالى الكاتمه والليالى البارده
أنا قاعد.. وصور اللى ماتوا بتهل علىَّ
والنذير الشوم بيقول دول ماتوا
والندل واحد ورا التانى يطلع يكدب فى خطابه
لأ
مش حأسيب الميدان .. أنا قاعد
أحصل اللى مات، أموت عشانك متخفيش
يا مصر اللى جايين كثير يا مصر حلمهم
الموت عشانك
يا اموت ..يا إما يرجع ليك حقك
والخونة كلهم نخلعهم من حكمك
أنا قاعد مش حأقوم
***
أنا شفت بعنيا اللى مات واللى اتضرب واتهان
واللى دمه سال .. واللى ضاع
باطمنك يا مصر أنا قاعد فى الميدان
مش حأسيب الميدان .. مش حأقوم
أنا قاعد فى الميدان مش حأقوم
أنا قاعد مش حأقوم.. مش حأقوم





التعليق والتصويت على الموضوع في الموقع الرئيسي


اخر الافلام

.. كلمة أخيرة - الزمالك كان في زنقة وربنا سترها مع جوميز.. النا

.. المراجعة النهائية لطلاب الثانوية العامة خلاصة منهج اللغة الإ



.. غياب ظافر العابدين.. 7 تونسيين بقائمة الأكثر تأثيرا في السين

.. عظة الأحد - القس حبيب جرجس: كلمة تذكار في اللغة اليونانية يخ



.. روبي ونجوم الغناء يتألقون في حفل افتتاح Boom Room اول مركز ت