الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
إنتي مين -قصيده
محمد حسين عبدالعزيز
2013 / 1 / 22الادب والفن
إنتي مين
إنتي مٌجرد صوره باهته
جوا ألبوم ف الدولاب
صفحه بس من غير سطور
غلطة طباعه في الكتاب
إنتي أقل من إنك تكوني
أقل من كلمة عتاب
إنتي مين
إنتي عندي بنت حوا
أستاذه في نصب الحبال
مكرها ولا أي مكر
مكر تزول منه الجبال
أما كٌهنك ولا أي كٌهن
كشف سؤه ده شيء مٌحال
بس انا عمري ما هكون آدم
يحكوا ف سيرته
ويكون موال
عرفتي إنتي مين
أنا هقولك إنتي مين
إنتي ماضٍ وذكريات
جرح عدا, حلم عشته
حب مات
إنتي مجرد رُفات
مع اول غضبه مني
هيصير شتات
مجرد فُتات
إنتي مين ؟؟
فاكره نفسك حلوه
لأ دا إنتي آيه في الجمال
بس علمونا ف المدارس
إن أُم القرد ديما
بتشوفه غزال
إنتي ضريبة قلب
عابش حياته في الخيال
إنتي حظي الزفت
إنتي بختي
بختي اللي مال
إنتي مين ؟؟
إنتي الكلل
إنتي الملل
إنتي السقطه اللي في حياتي
إنتي الزلل
إنتي رقعه في توب قماش
في السندره مركون
وفاكر إنه عاش
بيحسب نفسه عالي وغالي
وساعة البيع يتباع بلاش
لسه كلامي منتهاش
منتهاش ف وصفك إنتي
إنتي إنتي إنتي !!
إنتي مين إنتي ؟؟؟
كنتي أمي
ورضيت انا بدور الرضيع
رغم رفض عقلي ليكي
رغم تحذير الجميع
ما بلاش يابني
دي مش من وئمك
ده انت مهندس
ده انت ضليع
وانتي بتبني في قصر غرورك
ومع كل طوبه انا كنت بضيع
كنت ف بحر هواك مسلم
كنت انا عاشق
كنت مطيع
مهما الشاري بيفضل شاري
بكره هيجي اليوم ويبيع
|
|
التعليق والتصويت على الموضوع في الموقع الرئيسي
.. عاجل.. تفاصيل إصابة الفنانة سمية الألفى بحالة اختناق فى حريق
.. لطلاب الثانوية العامة.. المراجعة النهائية لمادة اللغة الإسبا
.. أين ظهر نجم الفنانة الألبانية الأصول -دوا ليبا-؟
.. الفنان الكوميدي بدر صالح: في كل مدينة يوجد قوانين خاصة للسوا
.. تحليلات كوميدية من الفنان بدر صالح لطرق السواقة المختلفة وال
