الحوار المتمدن - موبايل
الموقع الرئيسي


المصري ...

محمد حسين عبدالعزيز محمد

2013 / 1 / 28
الادب والفن



طول عمري عايش ساكت
ساكت مبتكلمش
واخد حياتي هليهلي
جبله مبتألمش
دروس الحياه بالكوم
وبرده مبتعلمش
كف الزمان علم
شوفو القفا والوش
ساكت مبتكلمش
يسرقوني, ينهبوني
يجلدوني , يعذبوني
يرفعوني, ويهبدوني
وانسي واقول معلش
ساكت مبتكلمش
عايشاها أنا من فوق
من كراسي المتفرجين
نفسي مره أكون
أكون ضمن اللاعبين
حتي لو كانو يا بلدي
أنجس انواع اللاعبين
قوادين, كدابين
منافقين, متواطئين
بأي وصف للدنائه
وأي شتمه أخرها إييين
نجس أي والله يا ولدي
وف النجاسه محترفين
سودوها وعتموها
سوحوها ولبخوها
خلوها زي الطين
لسه متفائلين
ولحلمنا شايلين
وفي عرسك أالأرواح
تتزف بالملايين
من اول عجل احمس
وموحد القطرين
وخوفو يبنيكي في هرم
يشهد ل
يوم الدين
علي إننا صامدين
وعين جالوتك قطز
وأيوبك صلاح الدين
احنا اكيد عايشين
مهما قالوا ومهما عادو
شرطه وعسكر
حاكوا وكادوا
وعلي جثثنا
داسوا وسادوا
ونصبوا لينا الف كمين
إحنا اكيد قادرين
نبني ونتعلم
نقرا ونتكلم
نفرح ونتالم
ولو كنا مش باينين
للي بيسأل إنتوا مين؟؟
يعرفنا هيرودت
انا مصر هبة النيل
فلاح وضهري إنحني
شاايف كتير وقليل
وشي بلون طيني
وقالوا إني عميل
سومه في ليلة خميس
بتحييكوا بالموواويل
وعندليبنا ف انا من تراب
وضيه في القناديل
يطرحنا علي جبينه عرق
نورثها جيل ورا جيل
متوجنا اهو بإكليل
أواعاكو في يوم تخافو
أو تهابو المستحيل
للي بيسأل إنتوا مين
سواء في دنيا او في دين
إنتوا اكيد عارفين
وعلي جهدنا شاهدين
إنتوا حقيقي نسيتوا
ولا متناسيين





التعليق والتصويت على الموضوع في الموقع الرئيسي


اخر الافلام

.. وفاة زوجة الفنان أحمد عدوية


.. طارق الشناوي يحسم جدل عن أم كلثوم.. بشهادة عمه مأمون الشناوي



.. إزاي عبد الوهاب قدر يقنع أم كلثوم تغني بالطريقة اللي بتظهر ب

.. طارق الشناوي بيحكي أول أغنية تقولها أم كلثوم كلمات مش غنا ?



.. قصة غريبة عن أغنية أنساك لأم كلثوم.. لحنها محمد فوزي ولا بلي